雖然文筆比較直接，但係意外地在劍與魔法嘅世界入面，針對現實層面嘅描寫好具體，睇得岀係有諗過度過，例，戰術、武器不同對戰鬥嘅影響。再加上，主角以外嘅人，並唔會，因為要突顯主角好聰明，而夾硬被降智商。 不過，因為故事提及遊戲的設定和現實的考量，資料描述的段落有好多，加上文筆的問題，會覺得長氣，稍嫌囉嗦。 如果，插圖畫風可以更配合近年輕小說，再顯大人的感覺，應該會更有人氣吧？

作者的資料搜集就得好充足（可能係佢興趣？），在輕小說用返現實的例子，尤其西史，睇到我覺得學到野😂😂😂呢一點覺得好正。 鐘意主角並無威能呢一點，雖然其他角色都有能力，但係由於故事係由主角推進，所以見到主角係不停工作嘅社畜，心諗乜又係你做啊？主角24小時夠用乎？ 今集開始講派系政治，岀咗好多貴族名，好難記得邊個打邊個。

非常非常鐘意嘅一套小說，鐘意到覺得等中文翻譯太慢，走去買日文黎睇嘅程度。 最近，作者個tweet 話佢第二集某段攞嚟做咗考試題目，所以我打算重睇呢兩集，順便閱讀馬拉松。 故事入面，關於民俗學嘅野好有趣，同睇住啲人點樣用怪談包裝犯罪行為，都係好有趣嘅解釋。

感覺幾有趣，主角未睇過個故事，只係靠聽啊妹講下感想，就要係異世界保住自己條命。然後，當主角察覺到自己穿越之後，幾句就可以冷靜落嚟，唔太驚青，好似好有經驗咁。 憑住我嘅腐眼，feel 到淡淡嘅BL情懷！如果是由BG 向走向BL向就好了。 主角因為穿越，改變了原本BG 的世界，原男女主角本應成為一對，但改變了過後，感情就唔太好，係主角眼中，佢地兩個係反正會戀愛，所以睇原男女主角的互動，就會傻傻咁覺得，啊！佢地有溝通，係咪戀愛嘅開始呢（但佢地係睇唔眼對方、同對方鬧交） 所以主角群嘅感情意外地有趣，主角就好似佢地嘅哥哥咁，而原男女主角就好似兄妹咁互閙，兩人都覺得係主角身邊好過係對方身邊😂😂😂超可愛。

好好睇！！！拜託請同我講呢本係BL 🥹🥹🥹 反正就係三人行啦，兩邊都想要主角，但又同時明白兩邊冇得獨佔主角，所以大家都要做朋友，係得主角自己想兩邊做男女朋友，自己退岀。 今集見到冷酷嘅原男主，慢慢釋出善意，好好對主角，送生日禮物，又為咗主角同親戚決鬥（講主角壞話！好壞好壞！），請比多啲英雄救美嘅橋段俾我！！！我就係老土怪🙏🏻🙏🏻🙏🏻🙏🏻 最鐘意嘅一幕係，打怪個時，個怪物變咗主角，原男主打打下，打唔落手！！！（果然最喜歡了呢），而原女主就既刻話，好野！變咗咁弱，兩三下就打完（過份！！） 好想睇多啲主角身陷險境嘅橋段！！！ 快啲岀下一集🙏🏻🙏🏻🙏🏻🙏🏻會唔會有日文版，可以快啲睇到呢？定真係要學韓文，會唔會太遲？？？