新舊世代合作，劇情唔係話差，但以魔術為主題嘅情況下，我冇得到驚喜同震撼。 系列作第一集嘅轉折太精彩，後面兩部難超越，就算第二集劇情我自己覺得爛，仍然有啲位我覺得驚奇，第三集就好似係杯果汁入面溝咗愈嚟愈多嘅水，仲有啲果汁甜味，但整體稀釋咗唔少。 (第二集係杯果汁加辣椒汁，有驚奇，但唔夾到難以接受，呢個純粹我自己感覺) 至少第三集有誠意咁搵齊一二集同騎士團有關嘅所有角色參演，包括第一集嘅女主角，原來劇情設定佢十年後已經成為3個孩子嘅媽媽，仲要讀多一個碩士。