Aaj ka din kisi Survival Thriller movie se kam nahi tha. Shuruwat hui kaam ke ek bade pahaad se Maine socha, Chalo aaj full focus ke saath nipatate hain. Par mujhe kya pata tha ki asli dushman kaam nahi meri apni aankhein hongi. 😑 Dopahar hote-hote scene ye tha ki meri ungliyan keyboard par chal rahi thin lekin dimaag ne 'System Shutdown' ka board laga diya tha. Sach bata raha hoon beech mein ek moment aisa aaya jab main screen ghoor raha tha, aur text blur hone laga... Mera sir dheere dheere neeche jhuk raha tha, bilkul slow motion mein... aur bas keyboard se takrane hi wala tha ki achanak JHATKA! Maine hadbada ke idhar udhar dekha ki kisi ne dekha toh nahi? 😂😌 Phir khud ko samjhaya—'Uth ja bhai, abhi bahut kaam baaki hai, abhi marna mana hai.' Coffee pi paani ke chhinte maare aur khud ko zabardasti ghaseet ke deadline tak pahunchaya. Aaj maine kaam kiya nahi hai bas neend se jung ladi hai. Aur ab haalat ye hai ki main chalte-phirte so sakta hoon. 😴