本書係19世紀末至20世紀頭寫成嘅，當中應該未有DNA 科學搜證法，心理學科開始蓬勃發展嘅時代。 作者係心理學家，見至其他新興科學（而家唔新啦）都可以實用，但心理學就無得用，所以寫呢本書，希望人注意呢個學科的實用性。 然後，因為學術上嘅建議佢應該做咗好多，覺得好似未有用住，所以轉向唔係專家嘅社會大眾，希望啲外行人睇完，覺得好有道理，然後民間施壓，令到呢個學科可以實用。 而且佢係一單知名殺人案中，反對法庭嘅判斷，引起咗大波！新聞批評佢，所以佢要寫啲野去應付大衆嘅批評。 當時啲知識份子好勁，除咗真係可以學以致用之外，仲覺得自己係社會公民，有不公就發聲，好多論戰，有論點、論證、論據！！！邊有好似而家咁，網上罵戰，輸咗就del post 咁兒嬉。當時真係諗過度過先做。 但同時又覺以前啲人好脆弱，少少野、閃到下光，就話被人催眠咗😂😂😂有冇咁易啊😂😂 所以本作用字簡單（唔知係咪因為翻譯者的原因）、開頭用咗好多實驗例子（希望外行人有興趣睇完本書、驚你唔睇），同時間亦感到作者有股醋意（可能係翻譯者嘅原因），有好多：我地發現咗呢野，語言學家都攞去用，就係法庭唔用😣、精神病學家就係法庭坐上賓，我地講野無人聽😣、社會個個追求實證，我地啲實證你又唔用😣。 覺得好可愛啊啊啊。反正本書係就各方面地表達，求你用啦🙏🏻🙏🏻🙏🏻嘅感覺。