幾易入手。 書中理論、觀點嘅編排，排得幾好，類似嘅觀點同一章講，邊個提岀、邊個完善、改咗啲咩野，類似嘅觀點，但又係邊一個位有所不同。 然後再講呢個觀點嘅反駁（情感論VS 理性論）。所以好易理解。而呢啲各種嘅觀點，又點樣同現代拉上關係，感覺又好似而家通用嘅理論會見到（幼兒教學理論）。 其中一樣覺得本書幾好嘅係，佢有提到觀點提岀者個時代背景，有啲提岀者經歷過國家內戰，所以見到人性唔好，自然提岀嘅理論係較多人性約束嘅。（傾向中央集權）所以容易理解點解佢會咁諗。 本書亦有講道，基督宗教同科學嘅關係，例如，牛頓佢科學發展好厲害，現代人比較關注佢學術成就，但原來牛頓佢都有受宗教影響，科學嘅發現亦影響到佢個神學觀點（自然神學）。由宗教嘅角度去睇，係我比較少接觸嘅部份，所以睇得幾開心。 睇住本書嘅介紹，同時諗諗佢邊啲觀點同等諗嘅相似，覺得好神奇。不過現代人應該係各種觀點大雜燴，冇佢地咁，係單一信徒。例如：覺得世界啲野都係機率，唔會有天主/神明之類日日上朝決定世界運作（機械論式唯物論）但係同時又會拜下神，祈下福咁。