會令我堅持睇晒8集嘅原因只有一個， 因為鄭伊健🫶🏻 (我好奇啲國語對白係佢講返， 定專業人員幫手，把聲似但好流利🤣) 本身睇預告片時， 見預言+網紅+謀殺+推理嘅元素， 感覺劇情都有啲吸引， 但睇落就好無言，硬係要加多嚿魚嘅感覺， 明明5-6集嘅故事拖長到8集， 而且柚子(戲份男二)這個角色我無法同情， 作死作到最後一刻，不斷要人拯救。 而且兇手全部都好可疑咁出現，就係差未放我係兇手係額頭，呢個故事唔係明兇方向寫，但推理故事缺少懸疑感好扣分。 同埋好似將網紅塑造到好唔通情達理，好乞人憎，好屁孩嘅感覺(至少戲內嘅主形象係咁樣)。 真兇嘅作案動機我可以理解，所以我先更覺得柚子佢地需要接受更嚴厲嘅結果，而唔係後尾強硬洗白，佢地行為本身就有極多問題，如果只係佢地本人耍白癡黎引流量，咁只係佢地問題，但明明影響埋其他人，結局咁輕易放過佢地，甚至係仍然繼續拍多條片就幾難令人接受。 另外我其實唔多覺網絡力量對劇情推進，或者對戲內破案有咩特別幫助，個主題有啲夾硬。 呢套又有林心如客串，又係主角父女關係不和，又係老豆搵唔到個女，差啲以為又係《誰是被害者》嘅真相套路，好彩唔係，但《誰是被害者》第1部(*強調只有第1部)，個戲情推進同反轉係真精彩，會隔咗一段時間我都願意翻睇嘅精彩！ 《百萬人推理》呢套睇到第3集就有想棄諗法，為咗鄭伊健久休復出先捱埋佢，有個正義女警嘅配角人設都好矛盾，佢對人嘅同理心係一時時，個性格好唔連貫。