隔咗幾年，出咗第2季， Netflix放好多錢拍， 所以場景同特效其實真係幾好， (不過第2季嘅特技化妝相比第1季有啲難睇...) Chopper好生動好可愛(唔包括人形模式)。 只係真人版對新人應該吸引力還好， 有好多彩蛋係本身追開動漫畫睇嘅人先知道。 ／ 不過，原著粉絲需要調節期望， 將真人版當係另一個平行宇宙嘅故事， 唔好對還原度有太高要求會睇得比較舒服， 同埋我個人係接受真人版應該改編劇情, (但第2季改編冇第1季咁順暢) 唔好照搬漫畫內容，如果唔係確實有排拍落去。 同埋我都欣賞真人版嘅角色會係打鬥或任務失敗後真係死去，更加似一個海賊時代嘅世界。漫畫前面超級多本都係冇死人(唔計回憶篇故事)。 ／ Sanji同Nami嘅真人版係我最鍾意嘅角色， Taz嘅Sanji真係好正，佢嘅腿腳功夫真係好還原，所以好厲害；而Emily嘅Nami感覺成熟啲，唔係突出貪錢果面，而係突出到信任同關心同伴嘅特質。 冇預料係明明記得所有情節之下，第7集睇Chopper同醫生之間嘅故事仲係睇到想喊。 ／ 第2季嘅劇情帶俾我嘅驚豔度暫時還好，但Lera嘅Robin真心係好靚。 Vivi跳迷幻舞果part係幾好笑果part~