用沙去整嘅大型美術品，埸刊話係用沙同水去砌岀黎，無用膠水固定。啲展品年年唔同，係一期一會。 因為之前年年都係外國主題，我去到個次就係日本主題。未去個時有啲失望，因為我人都係日本啦，周圍都係日本文化野，想睇外國feel 嘅野。但入埸後，又幾靚喎！！！ 我要收返一開始諗個句。

人生嘅壯舉！！！我行咗上沙丘頂！！平時無做運動嘅我，行到想放棄。原居民帶狗散步，隻狗狗叻過我，跑過去。 啲沙好似媽咪麵啲粉一樣，色又似、質地又似。

夜晚會有燈光效果。原本諗住會好似香港咁流，點知有驚喜！！效果會做到有少少鬼屋feel 。萬聖節應該幾好feel 。 周圍有印仔可以印，好好玩！！！

白兔神社下面個個手信店，條天橋對住大海超靚！！！ 入面有店主兔兔，有機會可以見下佢。 白兔神社因為神話關係（幫大國主命追女仔），所以同戀愛、結緣相關，手信鋪岀面，有個位，比錢拎文章，係神面前讀岀黎，同神證明可以同另一半永永遠遠，得到祝福之類。 但因為我去個日太熱，社辦又冇冷氣，有啲辛苦。