男主女主第一集就一齊， 唔係速食愛情，而係清純嘅校園戀愛， 無論係愛情定友情都好睇。 故事節奏明快，有種青春好美好嘅感覺。 覺得男主言行幾似自己， 結果發現我地同一日生日🤣 ／ 有個彩蛋係山田問心儀同學加好友時， 展示嘅QR code係真係可以掃， 大家都可以成為山田好友😂 我係第11724169位好友！

係咁多套女生轉生番之中，呢套一直係我嘅最愛，Youtube木棉花有官方全集任睇。 無論係世界觀，同所有角色嘅個性，都係我欣賞嘅地方，而且首OP亦係好好聽，我記得自己後來重睇嘅時候都好少跳OP。 最重要同戀愛冇大關係，我個人唔太鐘意以戀愛為主線嘅轉生番，雖然男角們後來顯然對女角有好感，但共同努力改善國家嘅故事係寫得好吸引。 而且女主係為咗改變其他角色嘅不幸命運而努力，而唔係為咗自己，佢知自己轉生嘅角色係原先故事線係暴君女王，強大嘅女王唔將生命放係眼內，由細到大都以戲弄弱者為樂，殘暴女王做嘅事遠比其他作品常見惡毒千金做嘅事更加邪惡同變態，所以原先故事線劇情係幾悲傷吓，難怪原先故事線個個男角都有嚴重心理創傷。 最後幾集，我係睇到非常感動，新年長假我唔係拎呢套，就係拎“強風吹拂”出黎重溫。

重Post紀錄 =================== 《獻祭公主與獸王》， 比想像中好睇同感動嘅故事， 而且劇情唔拖， 人物前期嘅堅持係後來嘅劇情會到回報。 比迪士尼嘅野獸同公主更真摰，男主係魔族同人類嘅混血，基本上都係野獸形態現身，女主無論男主係咩形態或者身份，都堅定愛佢，係真正嘅愛情故事，雙向奔付同拯救，共同為未來而努力。 最難得係仲可以借由唔同故事一直掂到究竟係咩形成自我嘅命題，而且對統治者嘅責任講得好好，故事可以掂到好多議題，比想像中來得更有深度。

單純很想分享這部我會不斷翻看的治癒作，心情不好或者失眠時，我會隨機抽取任何一話開始看。配少男少女懵懂情感，青春校園日常還是挺好看的。 P.S.虎太郎和奇犽的可愛乖巧不能直接套用在現實小孩子上，不適宜比較來造成心理落差，哪怕漫畫偶爾描繪孩子犯傻做錯事的一面，但整體而言，漫畫這群天使寶寶還是可愛乖巧得過份(因為是漫畫，大崩潰流鼻涕哭泣臉也會是可愛的，如果以此來看現實，那對現實的孩子也不公平)。

重溫了1-5卷內容，整體故事非常喜歡，以前也看過兩季真人版電視劇，記得真人版也是不錯。選擇第4卷封面記錄，是因為主角從這一卷關係變化，在封面有牽手，覺得很溫馨。 兩位女主作為在日本生活的未婚女子，社會總是有種根深蒂固的傳統觀念，女子要找個對象。其中一個在青年時期便被家庭情勒，要學會奉獻家庭，家庭內男女地位不平等，想吃多一點東西只可以偷偷來。其中一個配角南雲有進食障礙，本來只是天生胃口小不喜歡吃東西，家人的處理方法反而加劇心理負擔，令吃不了東西的自己負罪感強，進一步加劇她的進食障礙，在她想買黑色的束袋時，家人又覺得女孩子要買可愛的東西。這些事說大不大，說小不小，沒有造成物理傷害，卻在骨子裡令人變得自卑敏感，如果沒有女主強大的心，主動逃離，情況只會變得更壞，就結果而言，還是受到很多傷害。 (有些大男子主義的情節描寫我都會身同感受地覺得不舒服，例如我很不喜歡公司會要求女職員在情人節要派發朱古力給男職員、吃飯時旁邊的男顧客囉哩囉嗦搭話...) 我很喜歡的兩部LGBTQ的漫畫作品，一部是這部《想做料理的她與愛吃美食的她》(以女同為主)，另一部是《昨夜的美食》(這部更出名，以男同為主，畢竟真人版演員都很讚)，兩部共同點都是以溫馨日常為主，有時也有主角所面對的刻板印象及傳統觀念時的生活，重點內容當然更多是兩人一起好好吃美味的飯的快樂平凡日常。 而且我很欣賞的一點，是兩部也有寫主角身邊朋友或同事的事情，我印象記得有異性戀、無性戀、婚姻相處、進食障礙症、已婚婦女重返職場等等等等(我是把兩邊作品的印象混在一起分享)。成年人的主角其實是有很多待處理的議題。 我是異性戀者，但我覺得這兩部作品都是值得一看的佳作(當然如果本身很抗拒就不要勉強)。我單純覺得各自過好自己的人生已經不容易，不管有沒有對象，我也好想像他們般，好好吃飯，好好生活。

今年出第2季，所以諗番起漫畫同第1季都好睇，男主角嘅異世界技能係類似online shopping，然後用呢個技能差唔多俘虜晒所有角色嘅心，佢身邊嘅3隻魔物夥伴都好得意，我最鍾意係果隻史萊姆😂自從有咗佢，佢會幫男主洗碗同清垃圾啊！！！！連啲女神同男神(異世界神明)為咗食好嘢係咁幫男主角開bug。另外我都鍾意男主角嘅個性，佢係果種雖然唔適合做勇者，但適合做老公嘅類型，係佢身邊就覺得好安心。

這部大推薦，漫畫/動畫/真人TV版都唔錯，算係日常番，但一個小朋友會獨自生活，可想而知係同原生家庭有關，而小太郎嘅早熟同善良會更加令人睇到心翕。 男主角係小太郎鄰居，佢地嘅互動係好溫馨，小太郎生活技能好強(因為佢嘅過去)，但男主角內心會記得小太郎仲係一個小朋友，所以係某啲時刻嘅陪伴同埋以成年人身份幫手解圍，反而照顧到小太郎嘅童真一面。 小太郎嘅父母故事漫畫有更多鋪排同講述，但係會令人覺得好傷心，亦係現實中某啲家庭嘅倒影，尤其是曾經擁有幸福，卻慢慢變成不幸嘅過程。 通常細路都係有啲任性，所以小太郎嘅成熟同包容力實在唔應該係佢呢個年紀擁有。舉一個例，其他幼稚園嘅細路仔拎紙巾係睇紙巾包圖案可唔可愛有咩卡通，但小太郎會買柔軟保濕款，原因係味道比較甜，男主角後來先察覺到係因為小太郎以前係屋企捱餓時會食紙巾充飢，所以小太郎先咁重視紙巾嘅牌子。 漫畫動畫畫風都可愛，其實唔會有暴力場面，因為好多悲傷嘅過去都以間接形式透露，故事同配角都可以被人了解唔同概念嘅創傷後遺。真人版係劇情上有啲改變，但整體呈現都接近漫畫，演小太郎嘅童星都表現得好好。

同書友傾計，諗番起呢本漫畫， 我好鐘意作者本人作為恐怖漫畫大師嘅反差萌係佢係一個忠實貓奴😹 佢用自己嘅獨特風格畫自己同老婆嘅貓奴日常勁得意😻

最近晚上自己重溫了第1季內容，最喜歡還是C級英雄面對深海王那一集，明知會輸還是揮拳了，明明自己很害怕，甚至有一個尿褲子了，還是有嘗試站出來對戰，有些可能還是為了面子，有些是為了保護別人，但單是敢站在敵人面前那一份勇氣，我已經很欣賞他們。 琦玉很厲害，強大到空虛，但仍然沒有忘記初衷，亦會體貼其他C級英雄，完全不介意自己背負罵名，是由心靈精神到肉體都強大的人類，完全想像不到在5年前只是找不到工作、面試處處碰壁、會氣餒厭世的普通人。

男女相遇及互相鍾情過程合情合理，人設也挺吸引，只是就劇情而言，12話沒有任何高潮(在我而言不是不好看的意思)，反而是平凡且幸福路向的開首。 整季動畫似是愛情故事中的起承轉合中的「 起」，有很多挺有趣及特別的配角，但在劇情中只是稍稍出場就完了，我挺感興趣女主角身邊的女騎士團，她們暫時沒有太多發揮，畢竟劇情推進本身還很緩慢，似戀人日常故事。 明顯埋下了一些伏筆，但到最後什麼也沒收回。

Okay的輕鬆喜劇，殺手vs死刑犯篇章開始我比較有興趣。

漫畫之前已經睇晒，第2季動畫停係棺cosplay篇，諗緊佢第3季夠唔夠內容出，定唔打算出，or動畫組會自己原創啲場景情節出黎豐富內容，好似當初“爆漫”動畫結局場面，我私心覺得整得浪漫同感動過漫畫。 作為純愛番，主角嘅愛情結局係無庸置疑咁美好，只係作為套戀愛同講cosplay嘅作品，漫畫後面劇情冇唔好嘅地方，只係漸趨平淡，然後兩個人正式一切後就冇咩然後啦，因為作者將想像空間留晒俾讀者，直接選擇完結漫畫，雖然話會有日後談嘅補番，但到今日都未見到。 好有興趣知道成年後嘅朱朱究竟係會做咩？當初以為朱朱出現會為主角愛情帶黎漣漪，結果完全冇，好鐘意佢成熟嘅性格，睇得出對男主有好感，但我諗佢同時睇得出男女主角之間曖昧，所以會保持恰當距離；同時佢係一個好姊姊，對心壽好好，兩姊妹都有種反差嘅可愛，妹妹超級鐘意恐怖話題但係佢外表上一啲都睇唔出。

雖然個名我覺得唔吸引，但劇情都ok，其實就係睇主角群係開放式世界嘅神作遊戲亂跑亂玩，主角亦有種百折不撓嘅試錯精神，今年出咗第2季。 p.s.呢個動畫令我諗起自己好耐冇玩霍格華茲。

不過不失，對我而言沒有特別出彩之處，如果是真的描述在怪獸所在之處解體師的工作，我可能更有興趣。 相較一般英雄作品，選擇寫主角中年人追夢，算是有些分別，然而無論是個人努力的刻劃、和夥伴建立互信的過程都一步到位，所以我完全找不到有所觸動的地方。 《我英》綠谷可以繼承One for all力量需要付出許多基礎努力作前提，後續繼承後仍要不斷提升自己，所以我會感動，我想《怪獸》缺少的是主角如何堅定前進、努力自身的刻劃。 這部看完第一季沒太大興趣開第二季看，不過我是挺喜歡防衛隊第三隊副隊長的角色。