心情好激動，覺得呢個係Sound Horizon 嘅里程碑。 今次除咗有A歌姬唱過嘅音樂，連一直覺得無可能岀現嘅神槍少女等早期音樂都岀埋，個下真係嚇一跳。A歌姬唱過嘅歌，應該都差唔多，比歌姬們翻唱過晒，兩者有兩者嘅好。 覺得表演的編排，真係花過好多心思，除咗比小朋友伴唱團唱埋啲歌詞好黑暗嘅歌之外（對SH 黎覺，呢個反差好普通，我覺得聽完會落地獄😂😂），用咗好多角色梗之類，估唔到嘅係，請咗唱見圈好出名嘅兩聲類歌手Piko ，佢唱女聲好完美，與之相對，就比寶塚退役演員女扮男角，呢一種反差幾好。 最令我眼濕濕嘅係，黑澤朋世當年做Moira 童星小妹妹，今日就做帶領人個個，新嘅童星小妹做返當年朋世，有一種世代交替，比新人接力嘅感慨。即刻感受到個種時光飛逝，唔覺唔覺就咁多年，唔知將來仲有冇機會見返原班人馬嘅舞台劇。係倒數嘅感覺。 見到有啲人開始老態，我仲可以睇到幾多次呢？😭😭😭😭我好鐘意Sound Horizon 啊啊啊