作者回顧自己多年在書店工作的回憶，並和工作多年且現已在業界有一定地位的同業作訪談，討論書店相關行業面對的難題。 本書勾起我對書的愛，同重新反思電子書對行業係咪一件好事。因為過去的一啲事，好明白行動就係自已的立場，但由於空間同錢的問題，而家我基本上，都只買電子書。但對於行業黎講，其實電子書對行業未必係件好事。（當然相關電子書討論區嘅人，係堅決否定呢個諗法，並覺得岀版社冇趕上呢個潮流，跟唔上風氣。但我睇做呢行的人所寫嘅書，個個都係憎電子書、Amazon 憎到仆街。） 在呢個電子媒體流通嘅時代，個個都着重啲野要夠短、又要精彩，帶比人剌激，連思考都交比AI ，講AI 幫手睇完，再比重點我，我睇重點就好啦。睇書係件好難嘅事，讀者基數愈黎愈少之下，又被電子書分走咗啲人，而且啲人好常有折先買書，書籍長期收唔到正價，書店靠人買實體書賺錢、岀版社靠人買實體書降低印刷成本，基本上長期蝕錢。（電子書未夠多人，去維持返收支平衡，兩頭唔到岸咁） 我都覺得書店係必須要有的，書籍係需要靠各種人與人之間的交流，先會興旺。只係放書資料岀黎，未必有人睇，但當有人花心機，去做宣傳、整專題展示枱，將同類的書放埋都齊、比書評、讀後活動等各種人同人之間的交流，先會帶動到讀書的氣氛。 書籍的產岀，基本上都帶住愛（我係咁諗啦，冇人想整一本無人鐘意的書），由一開始作者嘔心瀝血嘅創作、同中間選擇用咩紙質、封面用咩design、字體用咩款、需唔需要金漆銀漆字、襯頁用咩顏色，到後期，店員攞上枱定放櫃、做唔做宣傳牌、月主題做唔做呢本書，全部全部，都帶住祈許。 希望希望，實體書去到我死，都仲會生存。我會買多少少實體書。 因為我睇嘅書，好多都係日本翻譯書，所以我唔希望日本岀版市場差。