睇完第5集， 覺得好睇過第4集好多，除咗係情懷之外， 我覺得見到有對應現代嘅種種變化， btw細路仔都有惡意， 唔好勉強改變自己就為咗埋堆！ 我完全唔會討厭Bonnie， 我覺得內向又想要朋友嘅佢冇錯， 佢其實好鍾意翠絲， 只係佢都適應唔到身邊嘅人同自己唔同， 想融入但失敗，跟住不知所措、言不由衷係佢呢個年紀自然嘅展現， 電影都呈現咗佢係少數會同小朋友玩嘅細路，係好難得嘅純真！ 以為塊莉莉平板係反派但原來後面有好大作用，其實學翠絲講，我地要接受唔同階段嘅陪伴。 科技同玩具聯手帶俾小朋友一個快樂嘅童年係好難得嘅事情， 如果連電影都唔呈現美好， 咁又點樣繼續想像美好， 所以我個人好鍾意呢一集， 巴斯軍團都超越正～ 我睇嘅係粵語版， 如果睇，點都睇1次廣東話版啦！ (我今日先知翠絲同我一樣大🙈)