انا ومن وانا صغيره وانا socially awkward مش اللي هو مش عايزه اتكلم وكده بس بجد مبعرفش اتكلم مع الناس افتكر جدى الله يرحمه كان كل مره بيتصل عليا يتطمن عليا ويقولي كل مره زعلان منك انك مش بتتصلي عليا وكل مره كنت بحس بذنب كبير بس انا بجد مبفتكرش في الحاجات دي مبفكرش اتصل علي حد مش بشتاق لحد مش عشان انا مش بحب حد بس انا مجرد معنديش الشعور ده يعني انا بحب ناس كتير وبعزها جدا بس مش بشتاق ليهم ممكن يعدي عليا شهور وافتكرتهم مره وبعدها يروحو عن دماغي وبردو في مكالمه جدي الله يرحمه كان كل ما يجي يقفل يقولي عايزه حاجه ؟ وانا بالنسبالي الاسئله الجماليه دي اكتر حاجه بتوتر لان ردها لازم يكون محكم و متفكر فيه بس انا مش الشخص اللي يقدر يجاوب كده ف كنت دوما ب برطم حروف عشوائيه واقفل . لحد في مكالمه من مكالماته قالي استني متقفليش , بعد كده لما حد يسألك عايزه حاجه؟ قوليله سلامتك او لا شكرا واستني التاني هو اللي يقفل وقعد يدرب معايا ويقولي كرريها كتير بالنسبه لناس كتير ده كلام عادي كله عارفه وكله بيقوله بس بالنسبالي الجمله دي كانت اكتر حاجه مؤثره في حياتي مش عشان اني عرفت اخيرا ارد ازاي بس عشان دي كانت اول مره في حياتي احس اني مفهومه . هو بدل ما يتريق عليا و يقولي دي حاجه معروفه هو علمني اعمل لي واقول اي والجارح في الموضوع ان اول مره افكر فيها اكلمه انا عشان اطمن عليه من نفسي كانت المكالمه اللي عرفت بعدها وفاته وقتها حسيت بانهيار كان في حاجه جوايا اتكسرت حاجه انا مكنتش اعرف انها موجوده اصلا بعد وفاته اكتر حاجه جرحتني ولسه بتجرحني كانت لما يقعدو يشاركو ذكرياتهم معاه لان زياده عن اني مش فاكره جزء كبير من طفولتي وحياتي من قبل ٢٠٢٤ عمتا ف انا مكنتش بقعد معاه كتير ولا مع اي حد عموما وذكرياتي معاه معدومه جدا وحتي بيجي عليا اوقات و انساهم الله يرحمك يا جدو