異世界穿越都幾老土，但意外地又幾好睇。 故事鋪排得幾好，主角係元世界有被人欺凌的心理陰影，故事圍繞住呢件事發展，睇主角點樣跨過陰影。故事嘅設定一再重用，覺得做得唔錯🥲 中間對事件睇法唔同，引起攻受對立，睇到眼濕濕，當攻嘅部下問到：如果受同攻哥哥嘅未婚妻同一時間被攻擊，你第一時間救邊個？ 攻竟然答：救未婚妻，因為佢係女性（攻係騎士）我都係第一次見有攻會答救其他人，個下吓咗一聲😂😂攻失格啊你。 然後未婚妻同欺凌受嘅人同意（性別不同），令到受好驚。一開始都估係咪欺凌者都穿越咗黎異世界，但原來唔係。代入一下未婚妻視覺，留學完返黎，聽到男朋友個細佬有男朋友，好開心諗住識下佢，點知野到未講，見咗一眼，對方就暈到，之後佢就避開自己、一係就好驚好驚咁。未婚妻都幾傷心下，風評被害😂😂😂