🔖 內容： - 故事由一個荒廢大樓中發生嘅命案開始，橫跨20年 - 描寫眾多看似冇咩關聯嘅人物，陸陸續續發生各種不幸事件 - 透過多個支線同角色視覺，慢慢解開真相 📌 主題 ： - 社會底層與窮困人士嘅悲劇 - 日本社會過分在意他人目光、集體壓抑嘅文化 ——————含劇透—————— 👍 鍾意嘅位 ✨ 壓抑嘅黑夜氛圍 - 特別係描寫桐原亮司黑夜中靠著智慧游走生存嘅部分 ✨ 兩位角色之間嘅極致靈魂羈絆 - 為角色感到唏噓之餘，產生咗種好奇怪嘅羨慕 - 喺大眾嘅目光下，兩人似乎毫不相識，但其實暗地裏，佢哋係彼此生命中最沉重嘅支柱 - 留白：書中完全冇兩位角色之間嘅對話，而且除咗童年曾經一齊去過圖書館同埋大結局嗰一幕之外，幾乎冇喺故事同一幕出現過 - 超越世俗嘅一切感情關係、唔需要言語嘅極致信任同依賴 ✨ 劇情緊湊 - 本書雖然分開咗上下兩冊，但冇冷場 - 小伏筆回收得快且解說完整，讀起嚟會好有滿足感 👎🏻 唔鍾意嘅位 ✨ 資訊重複 - 作者可能驚死啲讀者會睇漏一啲重要資訊，所以好多時候會重複描述線索，削弱推理樂趣 ✨ 日劇/日版韓版電影翻拍過分世俗化 - 為咗迎合觀眾/因為時間限制問題，而完全拍唔出嗰種極致純粹嘅羈絆，將成個故事拍得好世俗