전체 공개 ・ 2025.12.28
2025.12.25 (Thu)
年尾嘅閱讀速度就會直線上升 因為迫切地想喺今年內完成已經開咗嘅書😂 貫徹全年嘅韓國文學目標（唔理 小說都計） 關於青年被困精神病院嘅故事 到底邊個負責寫中文譯本嘅內容簡介！！寫得極差 令讀者我帶住完全錯嘅expectation去睇呢本書 睇簡介會以為係兩個無辜嘅正常廿幾歲青年唔知點解去咗精神病院、講佢哋如何奮力逃離 結果佢兩個根本就有病 睇呢本書嘅心情好複雜 成日睇到笑 但觸動情緒嘅位又喊到好崩潰 *註 睇書可以喊到崩潰係極其罕有嘅事 一向好欣賞幽默嘅作者 好感激呢位作者充分運用佢嘅幽默感 主角秀明好細個就有幻聽 出入過好多次精神病院 幻聽終於消失後 又因為口吃同好大程度上嘅社交恐懼而日日匿喺屋企 有日被阿爸趕出街 無啦啦就被人告非禮強姦 阿爸送佢入精神病院 聲稱佢要喺裡面直到永遠 另一個主角承民係財閥家的廢柴私生子 十幾歲就有縱火前科 又係有入住過精神病院嘅經驗 但同擔驚受怕嘅鵪鶉秀明唔同 佢係易燃嘅爆竹 非常火爆 亦可以話係性格鮮明 以前係滑翔翼飛行員 點知後來眼病發作被取消飛行資格 從此佢失去呢個世界上唯一一個自由嘅空間 同精神病有關嘅作品都必定有抹悲情嘅色彩 悲來自自由、夢想同希望呢三樣人生最光彩嘅東西同時被剝奪 出唔到院固然令人絕望 但原來更可悲嘅係畀你出到院都無補於事 因為你以前仰望窗外嗰個自由嘅世界其實並唔係你嘅現實 現實係你已經失去喺外面世界「正常」生活嘅能力 所以千辛萬苦終於批准出院 你又開始盼望可以入院 所以最自由嘅竟然係喺醫院窗邊望向外面世界嘅呢個幻想空間同時間 承民用盡方法想逃離 因為佢好想喺完全失明前飛多最後一次 豁出性命都在所不惜 秀明就連出院嘅動力都冇 因為佢好清楚 佢出到去都係呢個死樣 咁不如留喺醫院裡面仲安全仲舒服 兩個人嘅差異造成好大嘅拉扯 亦係呢本書最觸動人心嘅地方 結局我覺得係作者可以創造到最好最理想嘅happy end 因為兩個人都搵到自己自由飛翔嘅嗰片天空 睇到好後先明白點解書名叫「射向我心臟」 原因擺quote 好耐冇讀過完全0愛情線嘅故事 秀明承民呢對唔可以稱為兄弟嘅特殊關係 更貼切嘅形容係戰友 因為形象同性格都刻劃得好深刻 反差好大 所以腦海裡面有好清晰嘅二人身影 承民自稱歐巴算係其中一個好深刻嘅畫面 *註 韓文歐巴oppa係女性對較年長男性嘅稱呼 姑且當係哥哥 男性對男性應該叫hyung 不過有睇開韓劇嘅各位應該都好清楚 所以承民呢度係取笑緊秀明一把及腰嘅長髮以及清秀嘅外貌 少少覺得唔完整就係護理師崔基勳嗰part 以為呢個角色係伏筆 點知係我諗多咗 故事有改編做電影 封面已經寫住呂珍九嘅大名 咁啱呢排重溫緊德魯納酒店 真係好難想像具燦星變成李秀明嘅形象😂😂 🖤 8/10
我就這麼眼睜睜地看著承民脫掉上衣一扔，伸出一隻手臂，挺起裸露的胸膛，大聲咆哮地所：「來啊，都來啊！來殺死我啊，你們這群混蛋！」 我的背脊升起一股戰慄，這股戰慄來自於理解，來自於直覺。承民不是對著護工或鎮壓二人組咆哮，而是對著整個世界，對著這世上所有左右自己人生的槍口怒吼——射向我心臟啊，不然你們永遠別想關著我！直覺帶來不詳的預感，這傢伙想自殺。
一扇鐵窗，固定在窗櫺上的幾根鐵條，這冰冷醜陋的東西，竟然能左右一個人的一切，從被剝奪的自由到他的生命。
憂鬱洗滌工稍微猶豫了一下才問。 「蜜絲李你不走嗎？」 我？有點莫名其妙，也有點感到驚慌。這男人為什麼認為我應該走呢？對我來說，這種事情我想都沒想過，因為還沒有一個世界值得我迫切地逃出去追求。
「不跟我說一路順風嗎？」承民問。 我拿出照明彈握在手裡，指著懸崖邊。「我在那裡跟你說，你看到光就馬上跑過來。」 承民伸出手，我猶猶豫豫地握著，鬆開手時，手掌裡多了承民的手錶。 「不要再被人搶走了！」承民的眼睛在護目鏡裡笑著。「你的時間屬於你自己。」
nay_zst_mal