依本書前果牌係「解憂舊書店」亂買番黎，其實我依家好少唔知頭唔知路就買書，不過書腰印住「倪匡極力推薦」 就有啲趣。作者郭健東係一位香港網絡小說作家，《消失的五年》用地地道道的廣東話寫，正野~!再加上故事的背景就係我地熟悉的香港但係唔太熟的天水圍，本土風味極濃，唔需要有代入感，因為就好似平時睇緊新聞咁親切。 故事的主角係一日收工番屋企途中突破間暈左，再醒番的時間已經過左5年，係佢搵緊消失左的5年的時候發現自己成為左殺人通緝犯，有個自稱係「老朋友」的人捉左佢老婆同個仔，更不斷咁殺死佢中學時代的友人，咁理所當然係關主角的中學時代發生的事啦，唔劇透先~ 雖然作者極力咁話自己字都唔識多隻，亦完全無諗過寫書，但佢筆下的故事卻異常流暢地引人入勝，文筆亦唔會話好累贅，唔通係天才!?至少我有成晚追晒本書黎睇，雖然我覺得最尾個起因有D牽強同弱雞，有D位亦解釋唔到(點解要暈5年咁耐!?)(點解個犯可以咁神通廣大!?)，但佢個故仔係幾懸疑緊湊的。 Remark:一路睇有種似曾相識嘅感覺，原來係Netflix套Manifest!!!又係消失左幾年出返黎 #消失的五年 #郭健東