《紙嫁衣》系列的《13號病院》， 係發行時間最早的遊戲， 但聽聞按故事線安排應該在紙嫁衣123之後，之所以玩完1及2後就玩呢個，係因為知道13號發行時間最早，其實畫面同劇情都唔似其他咁細緻，如果玩晒最好嘅掉轉頭玩呢個冇咁好嘅落差感會好大，但雖然畫面冇咁靚，劇情又有啲難疏理，但係恐怖感呢個勁好多啦！ - 我玩到呢個遊戲係將部手機扔了出去🤣🤣🤣 紙嫁衣1同2過去後，啲衰人已經入晒13號精神病院，因為唔可以講係鬼怪之事，就當呢班人都係精神病患者，所以為非作歹嘅呢班奘鈴村村民加紙嫁衣大boss莫黎都去左13號，13號可想而知都劫數難逃。病院2個重要主角肖醫生(男)同奚醫生(女)都係紙嫁衣1同2片尾出現過樣，代表佢地果時都係正常人，而且兩個醫生都係奘鈴村嘅後代，只係祖先一早搬出來。係13號中，雖然用奚醫生視角玩，係唔會見到佢個樣，睇鏡只會有恐怖嘢，後來先知原來奚醫生應該一早死左，成個遊戲係害左好多人嘅肖醫生人格分離出黎嘅視角。 - 個劇情係唔算易明，我要睇埋其他人嘅分析同後感先算整理一個大概嘅真相： 話說紙新娘幾次事件後，肖醫生對呢種集體催眠好感興趣，本身只係想循醫學用途發展，並且得到院長支持，但佢地所進行嘅非法實驗只係加重左病人們嘅病情，而奚醫生發現呢件事並且調查想告發醫院，結果被院方灌藥屈作係精神病患者，而沒有成功告發。 奚醫生冇放棄，將真相講左俾其他13號病院嘅病人知，大家一齊合作收集證據或者諗方法逃出，而肖醫生呢個時候已經察覺事情已經變調，覺得唔應該進行實驗啦，只係佢已經有人格分裂，副人格係壞人，要徹底進行非法實驗，其他病人應該係慢慢被副人格嘅肖醫生害死咗。當主人格覺得內疚而決定協助奚醫生逃出時，最後副人格出黎殺死奚醫生，主人格面對唔到呢件事精神崩塌入左重症房(我諗肖醫生應該係鐘意奚醫生)，而院長應該係用番非法實驗中嘅電擊黎殺死左肖醫生，將所有麻煩責任都推俾肖醫生承擔，因為實在太多人失蹤死亡 大眾發現呢間病院有問題，而導致大眾察覺真相，自此13號病院應該荒廢左。 而留係13號病院嘅肖醫生鬼魂可能因為太內疚，死後諗緊點帶奚醫生逃離醫院，不知不覺代入左奚醫生視角，黎玩呢場解謎逃出(不過我都覺得有可能都係奚醫生死後執念重，的確係佢本人逃出，呢度唔算清楚)，途中發現嘅好多文件資料同病歷表會一步步還原真相。沿路見到嘅木偶可能都係死去嘅13號病院病人化身，佢地生前都係幫奚醫生的，尤其是同房57號女病人，雖然她把我嚇了很多次，但佢係因為發現咗唔知咩真相被人上吊製作自殺假象害死，佢腿腳不便，要輪椅或者用拐杖，但你之後會搵到佢削尖左嘅枴杖，因為佢想幫奚醫生逃出先削尖，其他有偷竊癖嘅31號病人幫手窺探密碼資料而被刺盲一集眼，所有木偶形態都反映緊某啲事實。 總之，最後逃出成功，黎到大閘門前準備出去，就會見到月下有奚醫生嘅身影等緊，佢會愈黎愈接近，而你會見到佢嘅木偶樣。呢度我覺得可以有2個解讀： 1係成功逃出嘅係人格分裂症因內疚將自己當成奚醫生嘅肖醫生，結果佢逃出成功見到真正嘅奚醫生鬼魂； 2係的確係奚醫生逃出，但逃出成功嘅同時，佢可能記起所有事，同發現番自己係死咗…… 《13號病院》見到製作組好多方面都好青澀，未算特別好，其實氛圍好好，主要係劇情比較上唔係咁易明白。