來紀錄一下《紙嫁衣5》，應該分幾個post寫～ 5的女主角仍然係2的女主角-陶夢嫣， 紙嫁衣系列事情按著時序發生， 所以冇突然中間插前傳番外果啲劇情實在太好啦～ 係3嘅彩蛋中，已知小陶搵到前世戀人嘅轉生， 轉生嘅男主係荀元豐，佢對小陶係一見鐘情～ 前世梁少平為左救祝小紅被殺，變成煞金剛而被封印， 令轉生後嘅小荀因為魂魄不齊多年痴呆， 直到紙嫁衣2小陶幫忙解決， 魂魄回到身體後才變回正常人，係第5季才正式登場， 所以小荀在外人眼中缺乏基本常識，亦因而被今季反派屠浮生利用，藉此引小陶入局成為紙新娘。 反派屠浮生嘅故事都幾可憐，屠家以前因為祝小紅逃脫自殺，令婚祭失敗後，代代受到詛咒， 屠浮生唔相信詛咒，遠離奘鈴村，之後過一段幸福日子後，卻家破人亡，然後佢冇信命，仍然係事業上捲土重來，又再一次失敗，令佢決定要再次完成紙新娘嘅婚祭。 根據前幾季嘅故事，紙新娘如果有強烈對抗意願會令婚祭無法成功，所以屠浮生一直利用幻覺攻擊夢嫣嘅心理創傷同精神弱點。有關夢嫣嘅故事我要遲啲再詳細記錄。 紙嫁衣5偏向第3季同第4季玩法，係雙視角嘅玩法，所以有小荀嘅視角，去睇佢點樣走入小陶嘅內心世界，兩人點樣互相幫助。 小荀同小陶雖然有前世戀人呢層關係在，但佢地轉生後嘅性格都同前世好唔同，所以小荀喜歡小陶，係真正喜歡夢嫣對佢嘅好，同夢嫣嘅性情。小陶對小荀睇得出未有男女之情（但下季可能有啦），但小荀係小陶重要嘅朋友，而另一位重要朋友小鍾，我本身以為係反派，因為佢對小荀嘅態度唔好，即使後來有帶出佢嘅身世我都沒法喜歡，只係冇咁討厭。 小鍾嘅父母都犯過事，好彩媽媽重新做人，令佢可以有正常生活，佢嘅過去令佢搵唔到好朋友，但佢又唔想搵壞朋友令媽媽傷心，最後就黏上夢嫣。 小鍾話係小陶身上搵到相同嘅感覺，但我始終覺得係有分別，同埋我始終唔鐘意佢對小荀咁mean。 小鍾喜歡嘅學長係紙嫁衣4嘅男主角，算係令第4季嘅人物有所關連，但係第4季依然同整個系列嘅關係真係好弱，所以玩完第4季時真係冇咩特別心情寫後感，雖然紙嫁衣系列嘅圖同玩法一直都算幾豐富。 - 繼續《紙嫁衣5》…… 第2季嘅陶夢嫣給人開朗樂觀勇敢嘅印象， 同埋偶爾揶揄反派嘅表現真係好可愛🤣 雖然睇左第5季，知道佢只係努力裝作開朗嘅外在， 但佢的確勇敢去改變自己命運，勇敢面對一切。 佢係紙新娘嘅身份轉生， 奘鈴村嘅人都係帶有目的黎對佢好(因為需要夢嫣完成儀式) 雖然父母帶夢嫣逃離到去城市，但因為有零碎前世記憶嘅關係，所以自小就有好大心理壓力，長期接受心理治療，但係城市中都冇辦法入群，被人笑有精神病被欺凌， 哪怕第2季佢就係為左解決長期困擾自己嘅前世夢去奘鈴村，但事情完結後佢卻沒有解決心結，夢中佢仍然被人捉去做紙新娘，不過佢係孤獨一人，冇人黎救佢，因為佢唔再係祝小紅，唔會有深愛嘅梁少平黎救佢。 所以今季故事同前世冇關，聚焦嘅係當下， 小荀同小鍾嘅存在變得重要，因為佢地知道同重視嘅係今世嘅陶夢嫣。 睇住小荀走入小陶嘅內心幻境，一步一步了解同拯救小陶，為小陶嘅天平帶黎更多變化❤️ - 繼續《紙嫁衣5》記錄🙈 小荀解開了夢嫣孤單的心結， 而夢嫣也讓小荀找到自己的價值～ 小荀因為魂魄不齊多年， 現在只是連高等教育也沒接受的少年， 很也不懂人情世故，卻用最純粹的真心對待小陶。 小陶被拯救後的對答很可愛～ 我喜歡當中很多細節，其一是夢嫣背向玩家， 跳起來打走了遊戲的生命值，然後說：“遊戲結束” 另外是夢嫣說武力解決後卻被對方秒殺， 和小鍾一起被縛的無言模樣， 然後便是小荀穿起戲服壯膽來拯救她們。 最後一關小遊戲，就是協助小荀的反應遊戲， 有超好看的連續圖，捨不得跳過， 但真很很考技巧，結果玩了十多次才通過😅 - 最後《紙嫁衣5》碎碎念～ 陶夢嫣不是前世的祝小紅， 不會有前世戀人梁少平來救他， 所以擋在她面前的只是平日不擅言辭，有些木訥，很是懦弱怕事，卻為了喜歡的人敢挺身而出，面對自身弱點的荀元豐。 這對前世今生的組合真的很感人🥹 因為小荀，夢嫣的心變得堅定，所以屠浮生知道再沒可能令夢嫣成為紙新娘，答應帶她去拯救又離開身軀的小荀魂魄，這便是第5季的結局～ 夢嫣看似再次一人去闖關，但她不再孤獨， 因為有人是如此深情愛著現在的她🥲 故事中的戲曲及中樂演奏都很好聽， 原來是和京劇研究院合作，這是遊戲製作組的用心。 每次我都很期待遊戲最後的彩蛋， 每次都好幽默同好有趣，非常懂得吊人胃口。 聶莫黎作為系列著名反派， 有她出場才最是令人興奮，雖然只在彩蛋中～ 第3季的女主角嬌嬌不肯讓聶莫黎傷害她男朋友來還陽，寧願自己和莫黎墮入地府，身體變得昏迷不醒，第4季彩蛋中交待嬌嬌以魂魄形式和男朋友聯手，要對抗big boss莫黎，但到今季第5季彩蛋，看來並不順利～ 結果片段最後停留的身影卻明顯是小荀啊！ 看來下一季至少看到兩季男女主聯手啊～ 期待《紙嫁衣6》啊～