《黑暗筆錄》後感🙈 呢個係紙嫁衣遊戲製作組開創嘅新遊戲， 冇諗過佢地做開中式恐怖，會直接挑戰西式恐怖， 主角同背景設計都係外國風，甚至有得揀英文配音， 同紙嫁衣系列一樣仍然係以邪教害人為核心訊息， 但《黑暗筆錄》係以惡魔為主題， 而且恐怖創意上比最近嫁衣系列更勝一籌， 故事創意,劇情高潮都好睇，結局反轉係真係驚喜， 故事橫跨幾十年，男女透過筆記溝通， 互相幫助，解決雙方各自遇到嘅奇怪事情。 最後到彩蛋發現女主角身份就係被男主角所救後長大咗嘅格溫妮絲。 哥哥山姆無論生前死後，都一直好好保護妹妹格溫妮，知道後面劇情後，如果再玩返前面章節就唔會驚。 格溫妮絲小時候嘅竹馬托比剩係筆記資料上出現，但到結局彩蛋有出聲，應該都係製作組所留嘅伏筆，我諗製作組應該係想發展成旗下嘅新系列遊戲，畢竟紙嫁衣系列劇情開始有啲局限。