趁熱鬧先睹為快， 我覺得幾好睇， 劇情黎講唔可以話有高潮位， 有啲嘢可能覺得有啲誇，故事不過不失， 三哥仲係咗靚仔但真係好有卓sir影子多過係一個好勁嘅科學家，搵內地著名女演員演三哥個囡應該係為咗可方便內地上映，同埋合作片一定要有啲角色係搵返內地演員做。 我係完全冇重溫電視劇走入去睇都ok， 估計就算冇睇過電視劇版都會明白劇情走向， 但冇睇電視劇會冇咁理解雙男主角之間嘅牽絆。 見到一班熟面孔，覺得好有親切感， 故事有混埋電視劇片段，而且最後係幾有心思。 都啱新年睇，有啲位幾fun! 成套戲最有印象角色都係黃文標標哥演嘅二弟😂同埋睇幕後名單見到有游學修參與覺得幾意外，冇記錯係即場編劇～