第1次10km完賽🏃‍♀️ 2026年3月1日「補天慈善跑 」， 終於出咗第1張跑步嘅成績表😂 ／ 其實啱啱好合格，差少少就會冇成績， 因為大會有限時個半鐘， 回程落毛毛雨時，慶幸自己冇抖太耐， 唔係肯定超時冇成績...... 其實我冇話特別鍾意跑步， 我係運動方面亦非常懶惰🐽 但由中學開始， 每隔一段長時間有嘢諗唔通， 就會落街跑步，可能因為咁， 儘管速度麻麻， 又真係訓練到自己有一定體力做事。 後來睇過一套作品， 大概明白精神痛苦嘅時候， 有時就會想用肉體痛苦黎蓋過精神層面😂 ／ 報名係2025年12月嘅事情， 既鍾意麥兜，亦想搵啲有意義嘅事做吓， 所以本來就同補天嘅連繫多咗。 加上今年年頭嘅渣馬， 見到Kent哥用大約2.5h跑完人生第1個10k， 就覺得好受鼓舞， 下定決心無論之前放棄過幾多次， 今次呢一次至少要跑晒全程， 我嘅目標其實只有完成🙈 ／ 雖然我跑得好慢🐢， 但我想講我應該會有下一次！ 😂不過我會努力試下減啲重量再跑， 今次跑完膝頭痛咗一段時間先恢復到。