第1季覺得吸引，但第2季有時會有啲唔耐煩... 可能因為我比較偏向似男主果種性格， 所以見到女主到第2季係工作上仲係咁過火， 就會有時覺得有啲過份咗。 有時會覺得如果佢唔搞咁多嘢就唔會帶俾身邊同事麻煩，但又冇辦法，女主如果唔係咁正義，佢唔會咁多事甚至違規都要主動去幫手破咁多案，同無可否認佢係個好媽媽。 希望大女同二囝嘅劇情都可以多啲。 ／ 第2季男女主各自條感情線都令人相當失望，我寧願回歸第1季完全冇戀愛方面描述可能比較好， 第2季專登安排返男主線同前未婚妻復合，雖然都估到最後會分手，但個劇情好夾硬，竟然係寫個未婚妻陷入詐騙案要坐監，明明未婚妻人設睇落去唔係咁蠢，還不如試下未婚妻介意男女主心靈距離近過自己所以想放低呢段感情🙈 女主線第2季兩段嘅霧水情緣都係出現得好突兀，已經唔明白係歸類文化唔同定編劇問題。 女主第2季好似有多咗令人討厭嘅行為，但第1季我記得自己係幾鐘意佢直爽嘅個性......