Follow friends on the app and stay updated!
Scan the QR code
Follow friends on the app and stay updated!
Scan the QR code
Public ・ 2025.11.20
2025.11.18 (Tue)
想拜讀好耐好耐好耐好耐嘅作品 終於因為睇完極速一百米嘅電影而下定決心要開呢本關於跑步嘅小說 雖然一個係短跑一百米 一個係長跑箱根驛傳 箱根驛傳 應該不論對跑步嘅人定冇跑步嘅人嚟講都係一件好神聖嘅事 ——十個人接力跑半馬 而且唔係市區平地 而係跑上山 箱根山 半馬已經癲 半馬接力係咩概念？？？ 睇之前對箱根驛傳嘅比賽形式有個大概嘅概念 睇書先知呢件事最癲嘅係時間 通常啲人跑10K 一個鐘內完成都已經算好 半馬21K就兩個鐘至兩個半鐘左右 但箱根驛傳嘅選手 每一區嘅時間都基本上唔會多於一個半鐘 甚至講返參加預賽嘅資格（因為太多參賽隊伍 所以要先參加預賽挑選最快嘅10隊參賽） 每個人都必須要有5000米17分鐘內、或10000米34分鐘內嘅正式比賽record 10000米 即係10K 一般人一個鐘都算快嘅成績 連入圍資格都冇 所以書裡面形容跑手嘅速度仲快過單車 我真係信 我呢個完全唔跑步嘅人真係無法相信呢個世界上居然有人可以做到呢件事 大概三分鐘跑完1K 然後維持20-23K 中途上斜落斜 零下嘅溫度著短衫短褲跑地下結冰有雪嘅山路馬路 真係完全想像唔到 講返故事 箱根驛傳必須由來自同一大學嘅10位田徑隊選手完成 而《強風吹拂》就係圍繞住從來冇參加過箱根驛傳、甚至冇長跑田徑隊員嘅寬政大學 呢十個人本來只係單純嘅室友關係 一齊住喺破破爛爛嘅竹青莊 突然有一日 大佬青瀨話要一齊參加箱根驛傳 呢十個人裡面只有青瀨同新室友阿走平日有跑步習慣 亦即係 呢班由跑步門外漢、從來冇接受過正式跑步鍛鍊、甚至從來冇認真跑過步嘅人組成嘅寬政大隊伍 就憑住不知哪來嘅勇氣同鬥志 同其他田徑大學一齊跑箱根驛傳 故事就係講呢十個人如何備戰同如何應戰 主角當然就係青瀨同阿走 唯二識跑步嘅人 但兩人都因為跑步而留下啲陰影 青瀨有膝蓋舊患 阿走被以前嘅田徑隊員排擠 發生過暴力事件 各人如何克服自己嘅難關 一步一步完成自己嘅路程 從中得到教訓同體悟 就係呢本書好睇個地方 實在太欣賞青瀨同阿走之間嘅惺惺相惜同相處 阿走成為青瀨下定決心拉全竹青莊嘅人落水一齊參加箱根驛傳嘅最大動力 青瀨又係令阿走重新體會跑步到底為何物嘅靈魂人物 書裡面嘅角色不斷問： 到底跑步嘅目的係咩 到底我為咩而跑？ 跑步嘅真諦究竟係咩？ 十個人 得到十個不同嘅答案 而一百個讀者 又會有一百種解讀 竹青莊十個人嘅程度、長處都不一 有人速度快啲 有人擅長跑上坡 有人下盤穩陣 有人應變能力強 所以即使呢個比賽有20支隊伍 每區每個選手都喺同一條賽道上比賽 終點同目的地看似都一樣 但其實贏嘅定義對每位選手而言都不同 就好似人生 大家都係過自己嘅一生 遠睇人人都差不多 但何謂成功 其實人人都唔一樣 每個人嘅目標都唔同 所以速度快唔係跑步唯一準則 賺幾多錢 人際關係有幾好 有幾幸福 都唔係人生唯一準則 認清自己為何而跑 為何而活 先係重點 未完 更重要嘅係 認清目標之後你會發現 呢個目標根本就遙不可及到永遠都冇可能達成 而呢點係好事 正因為唔會達成 所以先會不斷有「下一次」嘅努力同嘗試 明明只係講跑步 全本書由第一章開始到最後一章都係圍繞住跑步 但透過跑步而傳遞到畀讀者嘅message遠超於跑步 只能夠自己讀自己體會 有鼓勵人心 有熱血沸騰 有搞笑 有感動 非常喜歡的小說作品 仲有改編嘅動畫 可以加入待睇清單 💛 9.2/10
「你知道對長跑選手來說，最棒的讚美是什麼嗎？」 「是『快』嗎？」 「不，是『強』。」
不論鍛鍊得多麼徹底，心中還是會猛然懷疑：「真的夠了嗎？」而一旦確認訓練已萬無一失，又會開始擔心：「萬一還是失敗怎麼辦？」越是鍛鍊自己的肉體與心智，它們就越脆弱。於是選手變得容易感冒，也容易拉肚子。就像一部精密的儀器，幾顆微不足道的塵埃，就可以摧毀它。 戰勝不安與恐懼，把自己鍛鍊得銳利光滑、百塵不侵——這樣的力量，就是清瀨所說的「強」之一吧。
儘管如此，場上的每個選手都是一心以箱根驛傳為目標。在這一點上，大家沒有任何不同。不論你處於什麼立場、曾經有過什麼樣的遭遇，面對跑步這件事，所有人都得站在同一條起跑線上。不論最後是成功或失敗，在這個當下，都取決於自己這副身軀。 正因為如此，才會有快樂，有痛苦，最後是無上的自由。
在跑步跑出第一步之前，自己都不是孤單的。 不論是起跑的時候，還是跑完之後，永遠永遠都有夥伴在那裡等著我。 驛傳，就是這樣的一個比賽。
「有的時候，就算再怎麼努力，也不見得能達成目標。但是，正因為這樣，也未嘗不是一件好事，不是嗎。」 一切還沒結束。不會就此結束。不論是寬政大的箱根驛傳，還是城次的懊悔或喜悅。正因為覺得自己還沒達到目標，才會有無數個「下一次」的努力。
「灰二哥一定沒問題的。」 「你怎麼知道？」 「因為他跟我保證一定沒問題。」
nay_zst_mal