睇完戲就發生火災 全副心神都喺嗰度 再唔record就真係會不了了之 所以都係快手寫咗先 上一次睇港產拳擊電影係《一秒拳王》 老實講其實唔記得劇情 但我中意一秒多啲 金童嘅張繼聰係個啱啱坐完10年監嘅前業餘拳手 一出獄就發現自己原來有個十歲嘅親生仔 天才兒童 但有腦腫瘤 隨時爆 而佢阿媽已經因病逝世 一開頭為咗錢而應承同個仔一起住 相處一年半就有一大筆錢袋落袋 分分鐘個仔唔好彩早走嘅話唔使等咁耐添 誤打誤撞代人打咗場拳賽 事隔十年再踏上擂台 又發現自己未生疏得曬 然後就開始努力操練 準備打比賽 唔穿曬橋 總之最後就係因為個仔而令佢可以憑意志堅持打完一場拳賽 電影宣傳slogan係 「邊個理由夠厚 就可以留到最後」 入場前就係抱住「到底呢個理由係有幾厚」嘅期待 所以失望就在於我覺得個理由唔夠厚 我知電影想講父子情 但描繪刻劃真係唔可以令我感受到佢哋有幾大嘅羈絆 好似一個故仔俾人cut頭cut尾 有啲嘢冇交代到嘅感覺 雖然觀眾可以自行填補 但成個故事就顯得好唔完整 有好多嘢都好似冇交代清楚 唔知想點咁 包括曾志偉同佢個女嗰條線 好多突然之間 唔知點解 oh 和好了 好愛個仔了 催淚位係一件事 熱血位又係另一件事 運動比賽題材嘅作品若然要感動 通常都係靠呢兩點 但《金童》嘅熱血又係到喉唔到肺 甚至播片尾曲嗰陣細框框嘅幕後操練花絮仲熱血過正片 所以即使我唔記得《一秒拳王》講乜 當初喺戲院睇到眼濕濕 心臟跟隨配樂聲音特效停頓嘅感覺我仲記得 論感動同劇情完整性 都比金童優勝 又係一套覺得好可惜嘅電影 明明可以做好啲寫好啲 就係差少少 啊 ❤️ 7.6/10