劇本應該真係唔錯先去到有日版，現家仲有陸版（高ling做女主）

韓版我有睇少少，男二太廢太on9搞到我睇到一半都冇就棄咗。😂

我冇睇過韓版，所以冇得直接比較，但好鍾意日版呢套。劇情間唔中就有前後呼應嘅細節，幾有心思，睇得好好滿足。 原本係衝住佐藤健先睇，點知女主角嘅人物成長同女配角嘅身世背景刻畫更加突出，甚至個pk老公都寫得意外真實。劇本其實好強，但劇本似乎太想突出佐藤健嘅「專一深情高富帥」人設，結果有啲地方覺得佢嘅演技有少少被浪費咗，角色深度同發揮空間可以再多啲。 作為一個以前都係討好型人格嘅人，呢套劇真係好鼓勵到我唔使成日驚其他人離開自己，其實為自己而活，都可以過得好精彩。睇住女主角重生後一步步學識坦率做人、唔再做配角嘅過程，真係有種被療癒同鼓勵嘅感覺 ♥️

呢套我係知漫畫先，同已經睇晒漫畫，都有興趣睇埋電視版，聽講日版同韓版俾人感覺幾唔同。