因為香港冇宣傳，冇靚場次， 我呢區唔係朝早8半就係中午12點半， 其實相當可惜！呢套係超級超級好睇！ 就算我係zootopia狂熱腦殘粉(睇4次)， 我都想話單講劇情同主題同笑點同感人位，都係浪浪山更勝一籌，佢英文名叫nobody係好啱佢嘅主題！ 套戲係完全冇悶場，前面好笑，中後難過，結局熱血感人，真相同彩蛋又有啲諷刺，整體有唏噓有勵志，4個扮取經嘅小人物主角就係nobody，佢地嘅名冇人知道，但佢地勇敢踏出一齊嘅果一步搞喊咗我😭 有超級多細節都好正，而且我好欣賞佢用呢套電影用好幽默輕鬆嘅情節黎展示到好多打工仔嘅心酸血淚史！ 呢部電影小朋友睇應該會好開心，大朋友睇會更加開心，但睇到後面又會感觸好大！ 而且，呢套戲嘅粵配版一個明星同KOL配音都冇，全部俾番專業配音員配番，我想講係高下立見(係睇過3套其他粵版動畫之後)，專業之所以專業係因為佢地真係叻，不過片尾冇擺香港配音員名單其實好可惜。 我好慶幸2025年最後一場戲我睇咗呢套！ 我超鐘意睇戲送果個file🥲🥲🥲睇完套戲覺得呢一款係最正！

📽 《觸電》(Good Game) 上映年份：2025年 我的喜愛度：🌕🌕🌕🌕🌕 (5/5) - 今年第一齣入戲院看的港產片，比想像中好看太多，以電競為主題的港產片。很久沒看過一齣勵志熱血、打動人心的港產片。《觸電》是我自己繼《命案》之後，看完覺得很喜歡的港產片。 近幾年，香港被傳揚、被讚出色的多數是社會議題的電影，但我有時就想看輕鬆點又有質素的題材。這齣以電競為主題的電影，應該是香港第一齣，所以畫面呈現有現實及遊戲世界，每位玩家都有一位線上角色，例如林敏聰演的吹水佬，線上角色是一個手上有盾牌的美少女；JFFT線上角色全部是女僕裝美少女🤣 電影畫面轉換不突兀，可以自然地分開現實及遊戲人物，中彈、爆炸等的遊戲CG效果都不錯，遊戲人物的造型不會過於中二病，劇情亦設置了不同的遊戲任務。 - 演員陣容不算是極出名的演員，但有我欣賞的資深演員，也有我所知道的Youtubers，最意外是那位「床不住的誘惑」🤣。然後演男主角摰友的演員我覺得靚仔，所以專登google一下，他叫吳肇軒，除了顏值，我也喜歡他的故事線，由電競選手轉做保險，知道自己要回歸現實，卻也放棄不了夢想及好友，角色的想法很符合大眾期望，他提及30歲不能只做自己喜歡的事時，我的心也隱隱刺痛。 - 羅莽大叔由年少家傳戶曉的武打巨星，變成後來的喜劇綠葉，隨著年紀增加，戲劇產量自然下降，在熒幕亦消失好一段時日，其實挺開心見到以前熟悉的演員活躍於大銀幕中，他講對白的tone總是獨一無二，但願他和秦煌叔都保持身體健康。電影打鬥場面有致敬羅莽叔昔日的代表作。 - ******以下後感有劇透部分****** - 自己特別喜歡的一幕是：臨決賽前一天，Solo和吹水佬在網吧那場對話，Solo說自己不害怕輸，但害怕自己愈打愈差那一句，我心裡有很大觸動。然後，平時廢噏當秘笈的吹水佬，反而認真和他說： 「人生唔係上坡就係落坡，都係斜坡啫，唔好碌落去咪得囉，最多咪仆低，仆低都唔緊要，企番起身咪一樣行到落去，條路仲係度」 (純粹我憑看完電影的印象重寫) 人生總有進步和退步的時候，不排除有人的確可能永遠未嘗失敗，但極大部份人都失敗過，失敗了可以再試，這個道理老生常談，但我想人都需要在低潮時，可以有另一個人在陪伴時直接說出這句話。 吹水佬這個角色根本是林敏聰本人的倒影，雖然很多時候講廢話，扮到好Kam，但又有自己的那份才華在，只是不想誠實表現自己的想法給其他人知道。 - 電影的感情元素都有很多，家庭內的互相支持、相濡以沫的夫妻、不離不棄的好友等等，但我又不覺得導演貪心，角色的互動有好好表達他們的關係，就連本來解僱男主角的電競隊負責人火火，在最後再出現了一下，火火眼神是交戲地表達對Happy Hour隊的那一下欣賞，因為他都看到男主那隊雜牌軍用心投入、互相cover的決賽表現。 - 我自己感覺是不同角色有不同的轉變，在這場比賽裡，不只是爭做第一位，同時亦是重新學會享受過程，和面對失敗。男主角Solo曾經是厲害的電競選手，但自大獨裁令他失去機會，加入Happy Hour對他的最大得益是重拾童年打機的快樂，亦是懂得相信隊友，情節是經典型的熱血但不老土。 - 《觸電》是一場Good Game！ - 🎋 #戲院睇戲 #電影金句 #電影推薦 #電影心得 #觸電 #goodgame #港產片 #香港電影

重post紀錄 ================= 🎥睇戲«人肉搜尋» 。純粹個人主觀感受 我真心覺得呢套戲好好睇，好耐冇睇過咁緊湊咁豐富嘅劇情片，因為我係冇仔細睇劇情簡介同冇睇過任何劇評就入去睇，所以每次一到轉折位都好驚訝，結局係完全意想不到。呢套劇如果係咩都唔知就走入去睇嘅情況係最正嘅!!! 主題明確，圍繞親情帶訊息出黎，而且拍攝方式好特別，由頭帶到落尾，好符合互聯網時代，男主角一家顏值唔錯😂好難得有套精采嘅外語片善用多位亞裔演員。 整體感覺:🌕🌕🌕🌕🌕 （我自己覺得好睇，冇咩想挑剔嘅地方）

重Post紀錄 =============== 🎥睇戲 «銀魂2 : 規矩是為了被打破而存» 。純粹個人感受 上年暑假睇第一部果時，我係台灣睇，今年係香港睇第二部，特別想念台灣生活嘅日子。 我認同小栗旬係出演阿銀嘅最佳男演員，菅田已經完美化身新八，依家睇日劇見到菅田就想笑。夜總會係成套戲最好笑嘅地方😂窪田正孝（新夜神月）好靚仔，演萬齊都好神似啊。高杉氣質高冷，符合原著，但係造型點解好似比第一部崩壞左少少嘅🤔將軍真係好可憐😅好高興銀魂繼續連載，雖然離開jump，但如果離開可以令作者更自由創作，都係一件好事，希望可以睇番更多好笑又感人嘅日常番啦～ 我唔建議冇睇過«銀魂»漫畫，加本來唔多睇日本電視電視動畫嘅人去睇呢套電影，因為有啲梗（即笑點）會接收唔到，唔明就會唔覺得好笑，將軍係髮型屋被萬事屋惡搞果場，冇睇過原著嘅人可能會覺得不安都唔定!🙈（但果場還原度其實好高，所以我睇到個樣都有啲驚!）如果出第三部真人版，希望係吉原篇劇情，咁樣就有神威同月詠出場啦~ 整體感覺:🌕🌕🌕🌕🌖（btw我係漫畫迷）

📽 <Last Holiday> (港譯：《最後旅情》) 上映年份：2006年 我的喜愛度：🌕🌕🌕🌕🌕 (5/5)🎊 - 一名在百貨公司廚具店任職的普通職員Georgia Byrd，被醫生診斷出罹患絕症後，為了把握人生所剩無幾的時光，決定展開旅行，痛快花錢。 - 電影歸類應該是聖誕節喜劇，劇情節奏輕快，因為Georgia很快便擺脫絕症的陰霾，決定不再浪費人生最後的時間，所以她離開不懂得尊重她的上司，前往她嚮往的酒店渡假，享受一切她想像了很久的美食，也做出了很多挑戰，同樣在酒店渡假的商人及政客甚至誤會她是成功的企業家。 - 當Georgia喜歡自己，勇敢回應他人的不友善時，她自然而然地獲得很多人的尊重及敬佩。故事從頭到尾沒有悲劇，Georgia和大廚之間的友情很美好，同事Sean即使知道女主有絕症仍義無反顧地追愛，他們的愛情也很美好，故事的結局是充滿對新生活的希望，片尾彩蛋十分有趣，可以看看。 - 🎋 #netflix #netflix推薦 #電影金句 #電影推薦 #電影心得 #懷舊電影 #最後旅情 #lastholiday #queenlatifah

最近為左睇physical先開netflix，當連番外篇都睇咗後，開始搵其他好戲，醒起呢套系列第3集未睇。 3集落黎，最鐘意都係第2集嘅劇情同結局，諷刺度拉滿，又解氣，系列中我心目中排名：2＞3＞1 第3集，我估中咗個兇手，只係冇諗過成個過程真係咁鋒迴路轉，年輕神父因呢單兇案嘅蛻變令人期待，相信佢係一個可信賴又可靠嘅神父。 Btw神探白朗第3集俾我嘅感覺型好多，果然我係個長髮控😂

雖然呢套一般評價差過《臨時劫案》， 但我個人鐘意《臨時決鬥》太多太多。 我好理解果種一時衝動做錯決定，但為咗啖氣，或者甚至唔知為咩，但揀咗就要堅持完成埋佢嘅感覺。有時唔係為咗輸同贏，都想為咗俾個交代自己。 古天樂呢個師父嘅對白唔少都同佢投資嘅作品有關，好似《明日戰記》、《九龍城寨之圍城》、《臨時劫案》，如果有睇過先會知道。 無可否認，大師兄張文傑有啲對白都講得好啱，現代有幾多人打拳真係為咗打拳，更多係為咗溝仔同減肥。 戲裡面係伍允龍嘅泰國師叔客串，同古天樂呢個師兄嘅互動最有喜感。 最鍾意係梁詠琪呢一個師娘角色，見到佢由有機會，到失去機會，再到接受現實嘅過程，係好現實嘅人生階段，接受現實係咪就係唔好，其實唔係，如果想繼續行到落去，一定要接受依家嘅自己，先仲可能有其他選擇，與其話係向現實屈服，不如承認自己，然後放開心態，順其自然。

📽 <Megan 2.0> (港譯：《人工殺姬2.0》) 上映年份：2025年 我的喜愛度：🌕🌕🌕🌕🌗 (4.5/5) - 我是有看過第1部，所以看第2部時覺得有很多不同之處，而我個人亦更喜歡這部續集，也喜歡Megan的轉變，我覺得如果沒看第1部，應該會影響看第2部的感受及領悟。 - 有人提出Megan有點像《未來戰士》的阿諾舒華辛力加的角色，第1部是傷害主角的反派，第2部便成了保護主角的最大助力，但我覺得兩者有不同。 Megan無論在第1或是2部，她所接受的指令都是要保護小女孩Cady，她在第1部的過激行為都是以達成指令為最終目標，哪怕她一度想殺死女主角Gemma，都是覺得Gemma是在干涉她保護Cady的行動。 但是，Gemma和Megan的關係在第2部有所緩和，Megan能共情Gemma作為家長的難處，Gemma更加了解Megan的想法，其實她們都非常重視Cady。 - Megan最開始會為了達成指令(保護Cady)而採取最快捷的方法(殺人)，但Megan在第2部經歷兩年後，明顯有所成長，令她開始有能力判斷事情的對錯，她會選擇站在保護人類那一邊。有一幕是有個警長受傷，她沒有無視，也沒有加一腳殺掉他，而只是檢視他的受傷情況，並主動開口對那個警長說傷口只是看著嚴重，沒有死亡危險才離開，反映Megan不再是只關心Cady，認為其他人類怎樣也無所謂的程式碼。 - 另外，Cady經歷父母早逝、第1部的事情後，她真的變得更成熟，不是需要他人保護的小女孩，而是有能力保護自己的青少年，她需要的是家長的理解及信任，而Megan比起Gemma更早看透這一點，這也是因為Megan會以平等姿態好好和Cady溝通，兩人才能坦誠表露想法，才能互相信任。Gemma想保護Cady，所以不想坦白一些不好的事情，導致兩人的矛盾一直存在。 - 第2部的劇情確實反映了AI失控的潛在威脅性，但也展示了AI對人類的幫助，一切要看人類怎樣對待及防備。人類與科技的關係向來複雜，我亦不認為現今的人類能離開科技生活，但是善用及過份利用始終是兩回事。而且，正因AI的學習能力遠遠拋離於人類，人類確實要更謹慎及用更多耐心去處理。面對AI的猛烈進步，其實我也有很多焦慮，但無可否認AI也為生活帶來便利。 - 相較第1部，第2部的暴力場面明顯減少，也不會有直接的血腥場面，觀看第2部時完全不會覺得害怕，有些場面亦具喜劇感，而且仍然有Megan的舞蹈表現，不過第1部的舞蹈比較有魔性(雖然是殺人前的舞蹈)。在第2部，Megan有不同的形態，對應了科技不同時期的應用，但我最喜歡還是她在天線寶寶時的形態，真的很可愛！ - 🎋 #netflix #netflix推薦 #電影金句 #電影推薦 #電影心得 #電影 #Megan #人工殺姬 #窒友梅根 #Megan2 #窒友梅根2 #人工殺姬2

重post紀錄 ======================== 電影原來真係改編自我認知嘅日本電影， 中國版同日本版嘅主題性係一樣， 但女主角嘅性格同遭遇都有唔同咗。 賈玲一年內減肥50KG固然好震撼， 但佢的確冇將呢件事當做sellingpoint不斷放大， 佢係訪問都有提過想觀眾留意電影主題。 賈玲嘅綜藝有睇過，導演嘅戲未睇過， 雖然知道前兩套都好出名， 但呢一套特別有印象係因為首主題曲加MV。 所謂“贏一次”唔係比賽上嘅輸贏， 係比賽結果上點都係輸左，仲要捱打得好慘。 因為無論中日版，女主角就算幾努力訓練， 都不過係新手上場，冇贏係件好正常嘅事， 但佢地嘅“贏”亦唔係單純阿Q精神，自我安慰， 而只係去好努力為自己完成咗一件事， 冇輕言放棄，堅持完成。 中國版女主角杜樂瑩比賽後，終於識得為左自己而拒絕人，講出自己真正想講嘅事，唔再係為左迎合他人而勉強自己。 片尾有賈玲真實訓練嘅片段，同專業拳擊手認真比賽一次嘅片段，仲有減肥後嘗試兌現自己承諾去電大波浪著晚禮服嘅心願，不過髮型師話因為係海邊影相大波浪吹唔起，所以反而幫佢拉直咗頭髮，但佢話唔緊要，以後仲有好多機會。 但我始終唔明點解戲名叫“熱辣滾燙”，英文名“You only live once”倒配合主題(btw日文版係100日圓的愛)。 最近幾次睇戲始終都係不得安寧，唔同戲院都係咁，😅運氣問題遇唔到稍為考慮下他人嘅同場歡眾。 P.S.我覺得度宣傳語嘅人唔係真係咁清楚套戲嘅意思，“扭轉命運，一拳翻身”唔係電影情節，我相信亦唔係導演想講嘅訊息。 女主角樂瑩善良待人卻遭遇種種打擊，連跳樓自殺都死不去(因為係4樓加有障礙物加樂瑩太肥)，自殺呢part係中國版有但日本版冇，呢部份自然有唔合理嘅地方，但大概明白樂瑩對白話明明好痛點解冇傷口嘅意思。 因為女主角性格比較內向，唔會直接表露自己好受傷，親情、友情、愛情都一而再遭受打擊。 最後佢打完拳賽，佢嘅命運其實冇咩大改變，佢依然係一個人，但今次係佢自己選擇，佢冇接受到前男友嘅示好，然後打住拳繼續行返屋企。 佢係冇“翻身”，佢嘅物質生活完全冇變好，有嘅只係心態上有改變，佢願意為左自己繼續行落去。

重post紀錄 ================== 🎥睇戲«我老婆日日都扮死» 。純粹個人感受 我會走去睇呢場戲（昨天的事），係因為好多年前我有追睇過呢套漫畫（只係睇過2本，好似總數有3本?!），同埋聽過首歌，果時呢首歌非常hit，好多同人都有做過仿mv，所以我知內容都好好笑，再加上安田係我喜歡的大叔派演員之一，就走去睇。 兩位演員都好符合原型人設，男主角配合女主角扮死時一起演戲果段，係漫畫無，睇到男主落力演出，女主嘴角偷偷笑起來，呢啲 細節都好突顯到二人的相愛。我覺得電影版改編得頗出色，有電影想帶出的新訊息，強調到夫妻本來都是外人，只有相愛，才會願意一起克服難關，一起走到最後，這才做到真正的夫妻。 加入同事夫妻二人組，正正是反襯男女主角對婚姻的堅定，其實在同事組那邊，看得出妻子比丈夫想的更愛他，雖然二人都沒出軌，妻子依然愛著丈夫，但我覺得二人走到離婚這一步主要是丈夫的問題。丈夫沒有認真了解妻子，不知道妻子喜歡鱷魚和學過空手道，甚至好久沒叫過妻子的名字（妻子和女主對話中提及），亦沒有好好和妻子相處，完全不知道妻子以為自己不育時一個人所承受的壓力，在妻子不高興時，提倡買花和蛋糕便能解決問題，忽略根本問題，還好意思對別人的妻子---女主角說教，說男人回到家只是希望什麼都不要想，離婚後又對女主說寧願找新對象，都不會與不合的人相處。就角色設計而言，雖然這位同事男配頗英俊，但這種人希望他永遠單身，都不要再害其他女人傷心，他根本不明白婚姻本來不會是兩個人合拍地相處，一定要經過磨合和經歷，如果想skip這些步驟，就真的會去到婚姻墳墓，而無法走下去。 我欣賞電影在很多小細節都花心思，都可以清晰地直接帶到婚姻的主題，加入洗衣店的戲份（應該都是電影才有的設定），更帶出滿滿的人情味，也讓女主好佩服即使口頭上不說得一清二楚，也能互相理解的相處狀況，而洗衣店老伯伯亦令女主想起媽媽早逝後，單親撫養自己的爸爸，這也是女主一直希望男主不要比自己早死的原因，因為她自小都知道遺下來的人有多麼難受，所以其實她天天扮死的背後原因令人感動。 最後，安田是我喜歡的大叔派，我真心覺得他挺帥，有興趣可以看看日劇«重版再來»他的毒舌編輯愛家男演出。至於女主的不同死法及裝扮都很有趣，很喜歡男主每次都悄悄翻道具價錢牌的一幕，其實我佩服的是真實事件中的太太，因為這齣電影是真人真事改編，而真實丈夫也沒有不滿，只是單純地疑惑妻子的用意，有時甚至會不禁讚歎妻子的唯美死法。 BTW，如有興趣，就聽埋當年好紅嘅«我老婆日日都扮死»日語歌啦～ （P.S.第一次去stage，感覺闊落舒服，但爆谷檸檬茶又貴又唔好食，去睇戲可以，但唔好買戲院內嘅小食啦!現場有鱷魚頭拎起合照好好笑😳😂） 整體感覺:🌕🌕🌕🌕🌖（個人主觀感受） （電影節奏是適合講婚姻主題，如果期待什麼特別高潮位便一定會失望。 ）

趁熱鬧先睹為快， 我覺得幾好睇， 劇情黎講唔可以話有高潮位， 有啲嘢可能覺得有啲誇，故事不過不失， 三哥仲係咗靚仔但真係好有卓sir影子多過係一個好勁嘅科學家，搵內地著名女演員演三哥個囡應該係為咗可方便內地上映，同埋合作片一定要有啲角色係搵返內地演員做。 我係完全冇重溫電視劇走入去睇都ok， 估計就算冇睇過電視劇版都會明白劇情走向， 但冇睇電視劇會冇咁理解雙男主角之間嘅牽絆。 見到一班熟面孔，覺得好有親切感， 故事有混埋電視劇片段，而且最後係幾有心思。 都啱新年睇，有啲位幾fun! 成套戲最有印象角色都係黃文標標哥演嘅二弟😂同埋睇幕後名單見到有游學修參與覺得幾意外，冇記錯係即場編劇～

📽 《迷宮裡的魔術師》 上映年份：2025年 我的喜愛度：🌕🌕🌕🌕🌑 (4/5) - 先旨聲明，我是奔著福山雅治而看這齣電影，包含私心的情況下，給分會偏高。 但如果只論劇情，作為東野圭吾的推理作品，我會覺得很普通，連帶人性的呈現也較以往作品平淡許多，未至於失望，只是不再比得上作者巔峰期作品：影視最愛是《嫌疑犯X的獻身》，書最愛則是《白夜行》，除了喜歡故事，我個人非常喜歡《白夜行》的寫作手法及結局。 我會覺得電影《迷宮裡的魔術師》是由演員們撐起，才值得一看。（我沒看過這本原著，不知書及電影的分別有多大） - 56歲的福山雅治依然帥氣迫人，他太適合演魔術師，雖然他演湯村學的嚴肅角色很有看頭，但他演痞帥的角色向來是我的心頭好。另外，他的角色同時是有村架純的叔叔，兩人互動很有趣，他是很為姪女著想的叔叔。 電影開場頭約30秒，我私心會稱為盛世顏值的show time，他在表現戲中魔術師的成名之作──襌武士，換了好幾套造型😂我似乎記得他的服飾，更甚於戲中各嫌疑犯。 - 電影中只有一宗兇殺案，兇手及行兇原因沒有意外之處，行兇手法亦一點也不複雜，就是很常見的情況，其實如果電影宣傳時沒有不斷提及東野圭吾X福山雅治再度携手合作，我看了這齣電影後真的沒有聯想到是作者的手筆，比起過往作品設定平凡了許多，最華麗的只有叔叔間中插入的魔術表現而已。 - 兇手行兇的原因很普通，也難怪女主角，即受害者女兒會說：「 我的爸爸竟然因為這樣而被你殺死！」 基於兇手的性格，他會有這樣及那樣的行為，我是可以理解的。其實單論案情而言，沒有太脫離常規之處，所以查案並不大困難，電影更多部分，我覺得是讓和死者父女感情疏離的女主角，透過和叔叔一起進行調查，更了解父親的為人，以及父親作為一個老師，曾經是如何盡心盡力地幫助不同的畢業學生，從而解開女主角的心結，也讓叔叔回報自己哥哥當年支持他追逐夢想的恩情。 - 整齣電影完結後，有一句是很打動我的心，是其中一位出場不多但重要的角色所說： 「 我要活下去，直至死亡。」 可能因為近這一年來，受情緒困擾，偶爾就會思考活著的意義及作為人的生存價值等問題🙈有時也會不可自控地鑽牛角尖，但我也知道有不少璀璨的人活不到我現在的年紀便離開世界，所以也明白要珍惜及接納。 所以，當看到那位角色在紙上寫下這番話，把活下去視為其中一個目標，我就受到觸動。 - 🎋 #netflix #netflix推薦 #電影金句 #電影推薦 #電影心得 #電影 #日本電影 #迷宮裡的魔術師 #戲院睇戲 #福山雅治 #有村架純

📽 <K Pop Demon Hunters> (港譯：《K Pop獵魔女團》) 上映年份：2025年 我的喜愛度：🌕🌕🌕🌕🌑 (4/5) - 電影釋出前早已放進netflix waiting list，本打算有時間才慢慢看，但沒想到釋出後非常受歡迎，在香港netflix電影榜單已成為top1。 由於我實在不想再被提前劇透，所以我還是先看這齣電影。 - 電影開首介紹清楚獵魔設定及女團Huntrix的角色，而且三位成員Mira，Zoey及Rumi的團內定位清晰，Rumi是肩負重任的主唱，亦因為其神秘背景，擁有最多的戲份，和反派那方的Jinu也有一些曖昧情愫。 順帶一提，劇情和《唱K小魚仙》完全不同，且女團成員是有戰鬥能力，我喜歡她們各自持有不同的武器，如果沒看錯，Rumi是劍、Mira是長刀、Zoey是飛刀，電影有少許的戰鬥場面。在舞台上，三位都是英姿颯爽的女團成員，但在台下卻有許多可愛的顏藝表現。 - 反派惡魔男團Saja Boys的設定挺有趣，他們邊跳舞邊展現腹肌邊唱情歌的片段也在現實網絡瘋傳中，但除了Jinu的故事有介紹外，另外4個惡魔角色就只是湊人數表演。 - 作為以Kpop為主題的電影，全電影大概有6-7首歌曲(女團歌、男團歌、男女合唱歌等)，歌曲都是不錯好聽的，畫面的明亮用色及朗朗上口的音樂節奏，還有出現過的MV、舞台及綜藝節目橋段風格都對應KPop。 - 最初我沒留意清楚，看完預告以為是動畫集便放進待看清單裡，作為1.5小時的電影，劇情和歌曲還是很不錯的，但只有Rumi及Jinu的角色有重點劇情，其實我還挺想看看似冷酷卻關心朋友的Mira的家庭故事，如果是5-8集形式的動畫集，相信其他角色也有更多故事可分享，不過製作方可能會有電影續集或前傳之類的計劃也不一定。 - 最後碎碎唸，從小看少女動畫如《東京喵喵》，便看到大部分情況下，反派和正派曖昧/戀愛時，反派最後付出所有，犧牲自我以成全/彌補對方，曾經做錯過事的人到想愛的時候已經無能為力，可惜。 - 🎋 #netflix #netflix推薦 #電影金句 #電影推薦 #電影心得 #KPop獵魔女團 #KPopDemonHunters #Huntrix #Mira #Zoey #Rumi #SajaBoys #Jinu

比起第1章唐傘，第2章火鼠故事較易理解，但是那獨特的眼花繚亂的高彩度畫面還是需要時間適應。 我向來喜歡這類奇幻題材，要了解真相及背後的感情才可除妖，但個人同時又不太喜歡這種非常colorful的畫風。

電影比我預期好睇，但內容計番落黎，似係講中年人50-60歲果班人嘅困局，多過去講移民港人嘅困局，係得黃秋生果條線最對應主題，同解釋到電影名《今天應該很高興》，同埋佢的確係好好戲，佢同李綺虹嘅故事線最能講出移民再努力適應新環境，之後都唔係咁順利，有好多唏噓。 - 我心目嘅故事線排名： 黃秋生＞李綺虹＞蝦頭>譚耀文

電影好出名，但都係第1次正式由頭睇到尾。 雖然主角設定看似好特別， 但某程度同一般人嘅人生冇咩唔同， 都係生命遇上形形色色嘅人， 遇到開心同難過嘅事， 然後會經歷好多失去， 先知道咩係最值得珍惜。 係生命開始同就快到盡頭嘅時候，其實老人同嬰兒真係有好多相似點。 同樣係講一個人嘅旅程，我諗我會鐘意《阿甘正傳》多啲，尤其係戰爭果部分嘅故事。 - 女主角車禍撞斷腳果度，我明白男主角想講只要某個細節改變，可能呢件事就唔會發生，但命運要黎嘅時候係阻止唔到，但果part我實在覺得有啲累贅，相似嘅嘢唔駛反覆講，又講女乘客講買咖啡嘅司機講唔知醒遲出門嘅男人講失戀嘅店舖員工講甩咗鞋帶嘅女主朋友......多過頭啦！而且男主角唔可能知道咁多嘢！ 唔知點解呢part令我諗起《打錯了》嘅故事，但個故事就只集中係有冇多果一通打錯嘅電話，就已經可能影響意外會唔會發生，已經帶到相同嘅命題，根本唔駛好似電影咁複雜嘅處理。 - 睇完套電影，我最記得嘅兩句話係「 將來是說不準的」同「 有重新再來的勇氣 」。

冇睇過小說，但有聽書友介紹過故事， 個內容粗略知少少，可能本身唔係呢本書書迷，單睇電影我覺得可以接受，故事性ok。 - 就係睇緊真人RPG game，主角金獨子同其他人一齊做唔同任務，然後要拯救同幫小說男主劉眾赫，劇情冇咩大問題，係因為配角嘅故事係電影唔夠篇幅講，好多嘢都好快快手講完就要推進嘅感覺，得男主金獨子嘅過去有前後呼應，好好刻劃，到可能中後期，見佢中咗幻影地獄，睇番佢嘅過去先真係明白佢係個點嘅人，同埋點解佢咁執著於呢知冇人睇嘅故事，同點解想幫劉眾赫，有改變我原先對佢嘅預期，呢part係最好睇。 - 有關劉眾赫嘅冷漠同道德感薄弱嘅設定，如果唔係有事前了解，電影呈現嘅印象唔算好，因為冇提過佢其實回溯咗千幾次呢件事，就會唔明點解佢對男主處處考驗，成日推男主去死咁樣。 - CG其實算勁，係有時有啲眼花繚亂，冇聚焦點。武打場面只能講感受到演員有盡力，但肢體嘅狠勁呈現都係差啲(唔好講咩觀眾唔識打唔好評論，觀感呢啲嘢真係好主觀，而且睇太多70-90年代香港武打同功夫片後，胃口就會養大) - 睇臨尾伏筆，知佢想推續集，如果有續集都ok，但唔好隔太耐會好啲，《與神同行》1＆2果時對我黎講隔好耐。

前半場節奏較慢，後半場開始好看，也有意料之外的劇情展開。 因為喜歡曹政奭而看這套電影，曹在戲裡是照顧僵屍女兒的爸爸男主，女主則是15歲卻被變成僵屍的女兒。 整齣電影喜劇效果尚可，大部分搞笑之處都在預告片中，然而劇情後半場溫馨會更多。我喜歡女兒哪怕變成僵屍還是有點害怕被奶奶的不求人打這個小動作。 妍花這個男主初戀角色挺讓人不喜歡，她對女主的態度令我有點厭煩，但電影後面出現一個更討厭的角色，我倒覺得妍花尚可了。 電影主調還是溫情片，其實劇情有不少不合理之處，只是結局強行避免Bad ending。話說男主在電影中的兩次重傷都是人類造成，不是僵屍造成，已經夠諷刺😐

只能簡單講“唔係我杯茶”🙈 可以借此認識下日本歌舞伎同女形文化。 但亦可能因為隔咗層語言，其實觸動我嘅位比較少，大概喺套戲見到一個人為咗磨練技藝到登峰造極嘅地步係要經歷好多嘢。 - 朋友睇完套戲大愛，買返原著睇， 將買書贈券送俾我🙏🏻感謝佢！ 但我唔敢講我鍾意《霸王別姬》多啲，我覺得男主迫於生活去學戲，到為戲癲狂全身心演好虞姬卻找不到真正知音的過程令我深刻一些。

重post紀錄 ================= 🎥睇戲«與神同行:終極審判» 。純粹講個人感受。 趁最後的學生歲月，以學生價買戲飛睇戲😐睇下集主要為咗想完滿番所有劇情，了解所有秘密，但論精采度無疑比上集失色，始終上集有比較多空間show特技同動作場面，但今集有啲位係刻意營造，所以冇咩大感覺（恐龍果度好似冇咩必要）。可能因為劇情都有啲沉重，冇上集咁多有趣嘅互動，但好彩有成造神係度，呢個角色係推進所有劇情嘅重角，好多時我睇得開心，感動嘅位都同有佢，股票的幽默第一下係好笑嘅，之後就真係慣左。劇情有好多位其實估到，冇上集容易覺得驚訝，上集最驚訝係弟弟死的真正原因同埋哥哥最後的天倫罪。江林同解怨脈嘅前世都估到，係德春同佢地嘅糾纏原因冇估到，而江林保留住前世記憶係上集有唔少人都推測到。江林同閻王最後對峙時我懷疑閻王嘅真正身份，最後都估啱咗，上集閻王化身成解怨脈到凡間幫江林解圍，就覺得兩人前世係有關係。不過，我諗緊下一位閻王繼承人係米真係弟弟，好似千年就換一次人咁。話說睇晒三個使者嘅前世，解怨脈嘅性格變化都幾大下，前世明明睇落係沉默寡言，外冷內熱嘅人，落左地獄後成個人都活潑左，仲成日chok樣。睇到最後真係覺得"真係貴人豐收年!"，明明用千年時間先送到47位貴人，但上加下集一年內就遇到三位貴人，雖然都係糾纏不清嘅緣份。韓國嘅電影比較開放，有啲位可以明寸政府同國家（地獄比凡間政府社福機構更有人情味，政府嘅人一樣欺善怕惡）。 整體感覺:🌕🌕🌕🌗🌑

就係放空腦袋，輕輕鬆鬆睇完嘅一齣戲～ 唔係會為咗睇劇情而入場， 粵配版都正嫁！

重post紀錄 ================== 🎥睇戲«大師兄» 。純粹個人感受 臨開工捱世界前，又享受用學生價睇多次戲先，可能係因為我抱住睇套戲點講香港教育議題，同埋甄子丹點演非常教師(陳俠)而入場，所以覺得幾失望，有種樣樣都掂但樣樣都唔真係講嘅感覺。如果係想睇打鬥場面，都係滿足到嘅，特別 係更衣室果場，但我覺得浪費左5個問題學生嘅設定。每個學生嘅設定都有特色，係反映到香港人睇表面就容易覺得係壞/差學生嘅類型，有南亞裔，男人婆，專注力不足，打機上癮，吸煙問題少年咁樣，但陳sir係前期幫學生同家人化解十幾年嘅矛盾化解得勁快，老師同學生相處嘅場面好少，其實感受唔到佢地關係嘅轉變，就係由0直接跳到5，冇晒1234嘅感覺，可能同電影時間較短有關，所以覺得劇情完善度不足，好多都係怱怱忙忙交待。後期講番陳sir點解番母校教，可以濃縮啲，當兵流浪可以言語交待，冇必要瞬間看地球，想睇多啲真係描述學校事情的情節。係我嘅角度，5個學生之中，專注力不足哥哥嘅問題係冇解決過，應該話冇對症下藥，如果可以借呢個機會俾人了解AD會更有意義。後面汲及拳館嘅情節犯駁位唔少，但拳館頭目嘅真身份係有驚喜，呢個安排冇諗到。唔知有冇人係因為陳喬恩入場睇戲，不過佢嘅角色佔位好少，但有女老師協調畫面係唔錯嘅，同陳sir有啲互動係開心嘅，只係如果呢個角色由香港女演員做就更好啦 !好難得近年電影係全場演員近乎都用番香港演員，雖然陳喬恩係靚女，但希望係一個香港女演員講要努力考好DSE。最後的最後，好鐘意Ben Sir嘅客串，算係神來之筆，然後林嘉華演校長真係入型入格，但校長唔應該咁易講永遠退出教育界呢類說話😅話說胡楓爺爺未出場，我就有估過要演少年陳sir嘅老師係米佢，結果真係啊😂🤔BTW，如果想睇套搞笑但都算講到教育議題嘅電影睇下，我幾鐘意«辣椒教室»（特登維基番個名），我剩係記得係Mark雷演音樂教師然後有師生戀，陳法蓉演英文教師兼訓導主任果套😂呢套戲都係以中學為背景，但某方面係掂得深啲，學生自殺，同性戀，單親家庭都有掂，但我覺得難得嘅係四個老師對教育嘅取態表現出黎係有唔同，教師同學生嘅人物刻劃都係好啲，最後果齣改編音樂劇都幾好睇（好多年後先發現自己記錯左男主角一直以為係林子祥）。 整體感覺:🌕🌕🌖🌑🌑（個人主觀感受）

📽 <Alvin and The Chipmunks>Series (港譯：《花鼠明星俱樂部》系列) - 總評： 第一次試寫系列電影心得，除了第2集及第3集有亮點，其他兩部我個人認為完全不看也沒問題，尤其是第4集Road Trip。我其實沒有很喜歡花鼠的歌聲，但看牠們載歌載舞是挺可愛的。Dave的音樂人身份除了第1集有些作用外，之後也只是為花鼠操心煩惱的老爸身份。 - 花鼠角色中我最不喜歡的是Alvin，雖然他是連貫所有電影的主軸，但以角色性格而論，他是從第1至4集都令我討厭及想避開的屁孩類型，不斷地製造麻煩，有時超沒禮貌，甚至為了自己而傷害兄弟感情。相比之下，其他花鼠角色都很可愛，並很體貼他人，電影的香港譯名還挺好，然而我看的是原文版，所以我不太喜歡只有Alvin的名字能出現在英文標題上，明明Simon和Theodore都在同一個組合內，Simon似是最成熟，擔心哥哥又照顧弟弟的二哥，而Theodore則是雖然笨拙，卻可愛天真的么弟，如果電影名叫The Singing Chipmunks，我會覺得較公平，而且從第2集起一直是有6隻花鼠。 - 頭3集電影都有同一個反派Ian，他的缺點非常明顯，就是貪錢、小器、記仇的商人，所以這也能明確解釋他後來針對主角一行人的行動。正因如此，我可以自然接受地這個角色被花鼠們對抗；然而，第4集的反派出現得莫名其妙，而且他的行為也稱不上大錯，但受到的遭遇卻令我覺得有些可憐。 - Ian的演員在第3集很敬業，整齣電影都要穿毛茸茸的玩偶裝上山下海，我邊看邊覺得他一定很辛苦。這個角色不算是善良的人，非常看重金錢，所以當他看到主角Dave沮喪，說自己不是一個(花鼠們的)好爸爸時，Ian邊說自己應該會後悔說這番話，還是說出Dave會像親人般照顧花鼠，不像他般視為賺錢工具，擔得起爸爸身份時，是我在這系列中鮮有感動的時刻。因此，沒有Ian的第4集已欠缺一定吸引力。 - 整體喜愛度：🌕🌕🌕🌑🌑 (3/5) - [第1集] <Alvin and The Chipmunks> 上映年份：2007年 我的喜愛度：🌕🌕🌕🌑🌑 (3/5) 第1集劇情中規中矩，就是看落泊音樂人Dave如何結緣3隻花鼠，經歷誤會以及建立信任。之所以開創系列，可能是題材新鮮。 - [第2集] <Alvin and The Chipmunks: Squeakquel> 上映年份：2009年 我的喜愛度：🌕🌕🌕🌕🌑 (4/5) 第2集是花鼠版的歌舞青春，圍繞校園故事及成長主題，劇情安排Dave受傷，戲份極少，但女花鼠的初登場讓劇情更豐富。這集是系列中最有意義及最精彩一集。 - [第3集] <Alvin and The Chipmunks: Chipwrecked> 上映年份：2011年 我的喜愛度：🌕🌕🌕🌕🌑 (4/5) 第3集變成是花鼠版荒島漂流記，可以見到不同角色的改變，也可以見到男主角Dave和反派Ian的和解，我私心覺得Ian是這系列的功臣。 - [第4集] <Alvin and The Chipmunks: The Road Chip> 上映年份：2015年 我的喜愛度：🌕🌕🌑🌑🌑 (2/5) 第4集劇情是最普通的一集，而且沒有可令人印象深刻的歌曲，我甚至覺得新反派可憐，Alvin這個角色仍然自私自大，女花鼠沒有參與主劇情，也沒什麼好看了。 - 🎋 #netflix #netflix推薦 #電影金句 #電影推薦 #電影心得 #懷舊電影 #花鼠明星俱樂部 #AlvinandTheChipmunks #Alvin #Simon #Theodore #Brittany #Jeanette #Eleanor #Dave #Ian

電影中文名叫《二次人生》 第1次睇嘅時候好似係畢業年 、迷茫但都有希望 第2次睇嘅時候就好似主角咁冇理想唔知自己想要啲咩，唔敢認真跑就唔駛面對自己跑輸人嘅事實 viu重播，所以先開第2次黎睇 我到今日都仲覺得強尼演嘅余良問果句：你仲想hea幾耐？我係唔答唔到。

重post紀錄 ================= 睇完只覺得梁朝偉59歲都好有魅力。 劇情冇咩高潮嘅吸引力，好淡好淡，唔論顏值，文武作為人地老公嘅感情起伏，都好睇過作為囝囝嘅尚氣。個囡嘅存在就好似可有可無咁…… 每次啲人好認真講囝囝你生得真係好似你媽媽陳法拉，然後戲院一定有人笑出黎。 #尚氣與十環幫傳奇 #梁朝偉真係好靚仔

新舊世代合作，劇情唔係話差，但以魔術為主題嘅情況下，我冇得到驚喜同震撼。 系列作第一集嘅轉折太精彩，後面兩部難超越，就算第二集劇情我自己覺得爛，仍然有啲位我覺得驚奇，第三集就好似係杯果汁入面溝咗愈嚟愈多嘅水，仲有啲果汁甜味，但整體稀釋咗唔少。 (第二集係杯果汁加辣椒汁，有驚奇，但唔夾到難以接受，呢個純粹我自己感覺) 至少第三集有誠意咁搵齊一二集同騎士團有關嘅所有角色參演，包括第一集嘅女主角，原來劇情設定佢十年後已經成為3個孩子嘅媽媽，仲要讀多一個碩士。

香港叫《出精特工隊》，有啲位同廣東話對白確實幾好笑，但如果用劇情同性教育角度睇就唔算好掂當，我覺得佢最有用嘅資訊就係開頭果一分幾鐘嘅精子結局短片。 另外，呢套戲嘅歌都係好夾硬黎，配音方面呢套配音嘅演員同網紅陣營其實人多勢眾過《世外》，但各有不同問題。我覺得《世外》配音嘅情況係演出者配音經驗及技巧不足，演繹唔到角色嘅心態變化，而呢套《出精特工隊》嘅情況係啲粵配對白同歌詞有時係Kam得黎但唔好笑，好想融入本土特色，整啲得香港人先明白嘅嘢，但唔係好襯啲情景。 但最出事確實係性教育部分，尤其人體結構同繁殖方面嘅內容都錯錯地，而且我唔知佢究竟有冇心鼓勵啲青少年要做安全性行為。 - ******以下有劇透部分****** - 其實阿聰同麗莎互相表白咗先有性行為，都見到係有感情連結嘅性行為，而且仲做晒安全措施，阿聰用安全套，麗莎用埋殺精劑同事後丸，但竟然咁樣都中招有BB係咩事？！ 我知唔係有安全措施代表100%避孕成功，但一對青少年情侶做三重措施都懷孕，機率真係超級微，而且會唔會令少年觀眾覺得如果點都有機會中招，我有冇必要咁認真做措施？ 最離譜係成功中招果條精子，係阿聰用後入麗莎肛門做愛形式中招？？？點解肛門最後可以通向子宮，真係百思不得其解，我差啲以為自己Bio真係咁差，好奇心驅使下我真係search肛交同懷孕嘅關係，又真係發現有醫生講都有機會，但屬於極罕見情況。 咁即係阿聰嘅精子真係超級勁啊！ 最後兩個人知道自己負擔唔到新生命選擇墮胎，其實都係負責任嘅表現，而且可以睇到兩個人係認真交往，會互相關心，唔係為咗性愛先一齊，仲會一齊做其他事。 本身結局處理可以更有意義，但安排醫生用載歌載舞形式講墮胎choice，成件事變得好唔嚴肅，的確有種中咗都唔緊要，落咗就算負責嘅不成熟觀念。 呢齣戲唔值用超過$50的價錢去睇。

1分是給陳十三，惋惜他最初雄心壯志想翻拍自己名作，卻拍成現在這爛作，我想他本人也很失望，才會拖著不想上映。 本有想多1分是給客串的萬綺雯，畢竟是系列的標誌，但到她的「 客串」出現時，簡直是想破口大罵的程度，因為是在電影最後才出現，而且有沒有她也不影響劇情，完全沒讓舊觀眾感到驚喜，沒說一句台詞，沒有展示全貌，只有一對眼！ 何時見過只有眼睛客串的經典角色！！！ ====== 電影情節實在太糟糕，對新舊觀眾而言也是！！既不懷舊，也沒法有效呈現舊作的世界觀。 - 新作的馬小玲、王珍珍人設更不討好，復生不像是95歲的僵屍(不是演員演技，是情節問題，復生不是真的小孩，所以不應該這麽容易哭泣才對)。 - 既然很多東西換新方法呈現，角色又變換人設性格，劇情都不同了，也把舊的bgm換一換吧！ 吳千語實在不適合演馬小玲！演技也很片面🙈 （新版馬小玲設定太無能太蠢又太狂傲……） 黃宗澤有演技，只是不適合況天佑這角色，甚至我想說他很敬業，能把這角色演到底！ - 一夫新設定讓舊觀眾非常無言，由舊作是日本軍司令、與況國華對立的山本一夫，變成中國人龍一夫，而且他更和況國華曾經是好兄弟，都是中國遊擊隊成員，一夫變化也太大了😂 - 王珍珍存在意義愈來愈奇怪，比舊作更戀愛腦，她迷戀況天佑的原因究竟是甚麼...... - 結局差透了！是我至今人生看過最難看的一齣電影，不是因為粉絲情意結才這樣說，而是故事性太差太跳脫，不知想說什麼，如果用粉絲身份來評價，我會更不理性。 有些王晶的電影我很不喜歡，但我會知道他有特定的受眾群，有性感女郎，娛樂性排在劇情前面。 但是，《我僵》電影完全沒娛樂性，劇情不合理，人設不討好，想懷舊又改了大部分東西，新人入門又會看得一頭霧水，男女主角其實不見情感發展，全部主要角色行為都給人一種無腦的感覺，結局完全是趕著下班的節奏，一直看便有種愈來愈差的感覺。 到最後我只有覺得廖子妤演的金未來是頗合理，但這是廖子妤厲害，情節還是垃圾，只有新主題曲挺好聽(如果硬要我讚賞的話)。 ====== 由知道《我僵》要翻拍成電影，作為粉絲，實在很難看好，尤其知道是陳十三執導，也頗肯定沒好結果，實在不知道他對這套電影有何感受。 - 看預告片時已經知道成品比我預想更糟糕...... 幸好珈其退出了，他其實很適合演金正中，只是這齣電影太差了，他參演應該也不會有好發揮...... - 202X年製作的電影特效還可以這麽不自然， 整套電影很有90年代《陰陽路》的感覺...... - 我佩服陳十三明知電影拍成這般質素還是流出市面，尤其陳十三本來真是一個寫過許多好劇本的創作鬼才，我想他不可能不知道必定被罵的結果，當年我僵3「衰收尾 」，他說知道觀眾失望的原因，但我可以理解他們在當時處處受限的條件下還努力呈現出一個完整的故事，所以我偶爾還是會重看《我和僵屍有個約會》完整1-3系列，我不會覺得是浪費時間。 但這齣電影完完全全是浪費時間，讓我皺著眉頭捱完，如果你覺得人生未看過爛戲，很想知道一齣電影可以爛到怎樣的景況，可以看這部！ 完！