🎭劇本殺28th──《同流合屋》 👥️玩家：5位 ⛺️店家：@mazepalace.larp 🗣主持：Alie ／ 係一份幾有趣嘅尾班車本，係同《牛鬼蛇神》同系列，玩咗《牛鬼》先玩《同流》，會食到一啲彩蛋(唔知都零影響)，作品可以獨立分開玩！我覺得呢個系列嘅本改名真係好有意思，完全夾到本嘅內容重點！ 還原黎睇，《同流》比《牛鬼》會難啲，可以用大約4h去歡樂推理，但有個角色真係要派俾玩得嘅團友坐先效果200分！如果果個角色俾我坐，我未必帶到咁多開心俾團友🤣 吃瓜黎講，我覺得《同流》癲過《牛鬼》，而劇情方面我偏好《牛鬼》，劇透線下再講。 欣賞Alie嘅板書加畫圖，清晰易明又方便解釋，每次隔一陣再黎Maze，都keep住進步，今次嘅白板工具又多咗，凳換晒可轉可升降嘅款，而零食兜次次都滿，有零食配合推理真係好好🌟 ／ 劇本簡介： 【同流合屋】 民國五年，常羊山是方圓百里最大的煤礦所在地，山下有一個大宅院，名為楊府。 楊老爺依靠煤礦的開採，成為遠近聞名的大富豪。但好景不長，楊老爺被幾個偽裝成賓客的山匪殺死，楊府也隨著亂世逐漸衰落。 後來，一位風水先生來到已是荒宅的楊府之中，卻發現這楊府的主人房風水極其奇特。若是長期以往的住在這裡，會對房間主人產生很大的影響。 這天，幾位調皮的徒弟纏著風水先生講故事。於是當年塵封在楊府中的離奇事件，隨著風水老師的講述再次浮現於世…… 【吃瓜x歡樂x還原】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：老爺──楊瑞】 老爺喺份本死完又死，死得不能再死了。 以為係暴躁，結果係色慾爆棚， 但無得宣洩只可以同嫩妻對視流淚到天明嘅前皇宮公公，唔做公公後轉咗做山匪首領， 最後殺完首富，金盆洗手頂替首富身份， 帶住啲手下侵佔人地家產，最後又被手下殺。 繼二少爺後，老爺都係另一方面嘅「忙」。 ／ 老爺呢個角色其實真係啱我做🙊我覺得自己算係劇本中最正常嘅角色，大少爺真係最好派俾放得開又玩得嘅人坐角，效果會超正！今次嘅大少爺團友演繹得好好，就算反串都超好笑！ ／ 呢場我自己金句發生喺被懷疑老爺有冇掂丫鬟期間，我亂咁講：「所以我培訓佢陪訓我?!」，發現自己原來可以有急才。 屋裡面得5個主人，大家都好似喺3號房住過，男女關係依舊好亂🫢風水房debuff效果卓越！ 呢個系列嘅動物仲係好慘🙈都係果句，劇本殺有狗狗嘅話，啲狗狗通常都冇好下場。 ／ 玩完份本，完全明白點解要食「同流合污」嘅字黎改做本名，全屋人都鳩佔鵲巢，實際都係山匪集團，先要暗地裡成婚，唔俾外人知道，以免外間亂傳角色之間亂倫(其實全部都冇血緣關係)！而大少爺當自己係「刑天」嘅思考模式真係呢本嘅最大樂趣，娛己娛人！ Btw老爺同小姐一對，結尾交待小姐係老爺死後同道士一齊，道士係《牛鬼》彩蛋，我之前就係坐道士嘅角，即係小姐點都冇逃離我🙊 ／ 同系列中，劇情黎講，我鍾意《牛鬼蛇神》，單純我好鍾意雙向純愛同妖怪鬼怪故事，所以我更偏好有聊齋感嘅《牛鬼蛇神》，而《同流合屋》都係一個荒謬好笑又要同風水扯上關係嘅歡樂故事，玩到最後知道大少爺完整嘅思維模式好難唔傻笑。之後有機會嘅話，都想玩埋系列中下一作《妖魔鬼怪》，睇名感覺有對應我嘅偏好^^

🎭劇本殺25th──《牛鬼蛇神》 👥️玩家：5位 ⛺️店家：@thetimes.larp 🗣主持：@kawing.larp ／ 2.5h玩完，晚團玩時長友好，但玩完又有啲啲空虛(又會想玩耐啲)。完本後見有時間，睇埋另外4份角色本食盡花生。 故事係短但好完整，有推理但真係唔難，主持輕輕扶吓就已經好快連結到，封面圖同本名都好對應內容細節。 今次坐角係【道士】，但其實睇封面，最吸引我係【管家】，一黎係佢氣虛體弱嘅樣🫠，二黎係果句「 人生就是大起大落落落落落落落！」😂😅🥲😓😰😢😭 第一次俾翼帶本，佢帶得好好，好識搞氣氛，團友嘅問題發言完全接得住，仲會拎黎演繹😂成個流程帶得好順，重點幫我地寫晒落白板。🪽有講：份本放低個腦都玩得，識睇字就得🤪 ／ 劇本簡介： 【牛鬼蛇神】 民國初年。 五年之前，羊城最大的宅子被一位神秘的官老爺買下，並重新提名「孽宅」。此人樂善好施，在城中的聲望頗高。 可這位官老爺近兩年沾了麻煩，他那「孽宅」之中十分不太平。先是家裡頻頻有怪事發生，現在就連他最愛的夫人都中了邪。 這天，一位道士打扮的人敲開了「孽宅」的大門。不但幫這官老爺解決了怪事，順帶還幫他破獲了家中的奇案。 可奇怪的是，這道長離開孽宅的時候不但眉頭緊鎖，出門時還在嘴裡嘟囔著什麼「牛鬼蛇神」！ 而這詭異「孽宅」中的一切真相，還要從宅子中的突然牛斃事件開始說起…… 【還原x歡樂x推理】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：道士】 道士係個正常人，雖然唔係真熟陰陽術，但有認真學過醫術同武功，只係時代洪流下無用處先轉行做假道士，除咗用假錢召妓外🙈本身冇做咩壞事，甚至曾經幫過好多人，民國嘅道袍羅賓漢，所以我份本坐角本身冇咩juicy經歷。 ／ 😂覺得自己今次出乎意外地表現幾好，好快推得中孽宅牛斃案真相，本身見到啲數字形容隔間有幾大，仲擔心數字空間之類我都搞唔掂，結果啲數字原來可以完全唔關事。 大家其實都好快好順利諗到蛇妖同死鬼本人是誰，份本本身都好笑，但團友加乘令份本歡樂程度翻兩倍，故事得少量18禁，最後變咗R18。 老爺孽風係個純愛蛇妖，估佢唔到🐍👅團友用「逼娼為良 」黎講二太同管家關係好正！ ／ 《牛鬼蛇神》不錯好玩，唔知算唔算劇情有啲犯駁，老爺份本有講佢嘅童年同父母，如果佢係蛇妖係咪真係會有呢段經歷，純粹好奇。 🪱最後變咗蚯蚓嘅老爺有啲好笑又有啲慘，佢確實又冇做過咩壞事。難得成份本其實都冇真係殺過「人」，係二太嘅死鬼管家真係死鬼👻五個角色都係亂世中嘅小人物，會有小錯但冇犯過大惡，但管家傷害牛牛唔得，佢嘅罪確實重啲！成份本傷得最重死得最多嘅係啲牛啊！唔怪得封面隻牛喊得咁慘！ ／ Btw最多瓜又夠道德敗壞嘅歡樂本，我始終覺得係《報告道長！有有有有鬼！》忘記唔到君子國果班奇怪國民，案又神奇啲，花生多到不得了，同埋自己鍾意多啲嘢諗嘅感覺！

🎭劇本殺24th──《上路》 👥️玩家：5位 ⛺️店家：@mazepalace.larp 🗣主持：Yan ／ 竟然《上路》係第24份本🙈唔係我有心操作，但呢個巧合都幾唔錯，故事本身適合數字。 其實個故事講咩，我覺得從標題同簡介都已經估到啲，但角色關係都係難盤嘅！ 份本標明PvP，但我覺得我係靠團友推理先完美做到最後任務，我唔夠實力嫁，中期好迷惑🤣 ／ 人物已經唔多，但盤關係對我黎講真係好難， 同埋我真係成日太信自己嘅角講嘅說話🙈 每次唔係俾對手呃就係俾npc呃，🐷今次俾坐嘅角呃埋，我都係返去新手村歷練多一排先👋🏻 ／ 玩Yan帶嘅第5本，入坑以黎見最多嘅dm， 係好friendly、好好傾、好開朗嘅dm， 我第一份微恐本係佢帶， 第一位拍枱嚇到我個心離一離嘅dm係佢， 但最好笑約佢玩恐本佢話驚驚😂 Btw發現怕恐又想玩微恐本嘅脆脆， 都要去maze玩，今團有兩個團友就係咁😂 ／ 劇本簡介： 【上路】 夜裏，一輛車行駛在國道上，不知駛往何方。裏面坐着一家五口人。 「1…2…3…1…2…3…」 媽媽嘴裏一直念叨着甚麼，一直數着。 爸爸失了神一般開着車，三個孩子不清楚發生了甚麼，這個家究竟怎麼了，是從甚麼時候開始這個家就不再正常了？但是正常的家又該是甚麼樣子？ 「爸爸媽媽我們這是要去哪裏？」 「時辰到了，該上路了。」 【還原x推理xPvP】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：張雅文】 😈實際身份：張春來 ／ 真身係張雅文的嘅女兒──張春來，喺農村被舅舅強娶，生下兩個女兒，為咗實踐自己嘅夢想，答應達澤明要求，整容成母親樣子頂替身份，並且堅信女兒張卓君係兒子，因為張春來夢想就係想嫁有錢人，有一子兩女。 ／ 《上路》，本名其實好直觀，直接令人諗到黃泉路，所以唔會意外一家角色都係死晒，只係要搵返真相，大家點死啫。我係知有個小孩係鬼，因為我知道坐車嘅肯定係多咗個，但三揀一我都推錯咗啊啊啊！😂但好彩填啱晒資料，結局應該係順利投胎，做反社會人格嘅下世。 ／ 睇角色本，估計張春來已經有些瘋癲，而且執念強，所以內容一直強調自己是張雅文，有三個子女。所以，盤緊關係時，我真係好迷惑。但我知有張證據有講張雅文1986年結婚生仔，我有諗過唔通詛咒係真嘅，張雅文有不老症🤨 詛咒係張家男嘅英俊，女嘅美貌，容貌不老，但都會流血，而且要孝順媽媽先可以延緩🙊有嘗試相信呢個設定去推故事嘅自己有啲蠢🐷🤣 ／ 點會諗到佢其實只係用詛咒黎呃自己黎月經個囡要孝順媽咪(同堅持要個囡覺得自己係哥哥，就係為咗滿足自己要有個兒子嘅夢想)，真係好離譜嘅操作🤣不過佢係真精神病嘅話都講得通。另外一個離譜位係獸父達澤明嘅存在，鍾意青梅，但淨鍾意後生嘅樣，所以個囡似媽媽又後生就想搞，仲主動去搵張春來黎頂替原先老婆，困住真嘅老婆入密室繼續研究不老針🙈正因為兩個明面上阿爸阿媽都咁癲，令三個小朋友張卓君、張阿花、達雯菁都冇好下場，各自各受到身心靈方面嘅傷害，有個仲被殺死。 ／ 達澤明被鬼嚇到撞車，全家齊齊整整死晒一齊上黃昏路，係最後完滿又諷刺性十足嘅結局👻👻👻👻👻 最無辜係阿花，由頭到尾講真話就俾人厭惡，坐阿花嘅玩家冇任何隱藏任務所以故事視角亦最少，但佢剩靠聽分享同睇線索主力還原全部關係都好勁！真心我自己好疑惑🤣

🎭劇本殺23rd──《應邪化僕》 👥️玩家：5位 ⛺️店家：@mazepalace.larp 🗣主持：Yan ／ 豪門民國驚情系列嘅第4本，劇情上冇同系列作咁juicy，但民國時代果然盛產渣男，但還原有更加難，有啲關係幾難盤，回憶都難觸發晒。 成功擔任女強人，可惜係戀愛腦🤦🏻‍♀️爸爸楊先生啲風流韻事搞勁多麻煩，又重男輕女😒 Btw個本名同故事內容真係好難連結，但當初我就係被呢個名吸引😂我認識maze後問嘅第一本就係應邪，感謝Admin當時推薦我由孽島疑雲玩起，唔係當時真係搞唔掂，應邪我感覺系列中玩過最難嘅還原本。 ／ 劇本簡介： 【應邪化僕】 清朝末年，上海西南郊有一家西醫院附屬的「無愁療養院」，四周高牆圍繞，後門被牢牢鎖住，正門和側門都由身強體壯的警衛看管，住在裡面的人會定期接受醫生檢查，只有透過會診才能離開，訪客都要登記。 其中年紀最小的住院者是蘇州「百年繡」新東家楊泛海的愛子，剛過完15歲（虛歲）那年的農曆生日，就被家裡人送往「無愁療養院」，接受療養，似乎餘生都無法再離開這裡…… 【進階x還原x豪門】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：期巧】 明明做到女強人， 偏偏係戀愛腦嘅豪門大小姐💖 ／ 角係正室嘅大女，除咗戀愛腦呢個毛病，真心覺得我係成個本最正常嘅人，估計楊生嘅家產唔留俾我嘅話都係佢做生意虧蝕晒。 就算期巧去扑細佬個頭，都係想佢入療養院，唔好爭產，但有打算照顧佢後半生😈 楊先生咁重男輕女，辜負幾個女人，抵佢一個囝都生唔到，只係養人地個囝☺️一片綠油油～ ／ 呢個本雖然得三幕，但數埋有5宗案，死咗個叫花子、大太太、方波、佟醫生＆秘密情人、珍姑，有神秘人物要觸發回憶先有線索，雖然好明顯弟弟期鞏係無辜，但就唔知道點解係咁有人陷害佢精神失常會殺人，同會一直搞唔清究竟方治同方波係咪同一個人，定精神分裂，定真係雙胞胎。 後來證明：佟公子肯定係渣男加軟飯男！最憎果啲話兩個都鍾意嘅說話🙃靠大小姐養又話愛丫鬟嘅溫柔，結果大小姐同丫鬟係同父異母嘅親姊妹，將棒球套裝拆開兩份送，堂堂大小姐竟然得到一枝棒球棒做訂情訊物🤣大小姐付出好多勞力財力係呢段感情上，結果佟公子扭扭擰擰唔肯入贅🤨 ／ 無論係期鞏A定期鞏B都好慘🥲俞彩呢個角色前面無太多伏筆，要去到我成功觸發回憶，先會清楚知道楊生仲有個前任，然後先再可以順延推理到俞彩、袖弄、珍姑有咩關係同當中嘅利益瓜葛。我早期都有諗過佟醫生家嘅祖墳同大小姐外祖父祖墳咁近，唔通大太太同佟醫生有私情，點知主持話只係俾佟公子結識大小姐嘅契機，呢兩個人係清明拜山相識相遇😐而同醫生有私情嘅反而係二太太🤭 ／ 療養院嘅13號病人果然係彩蛋😂原來係《月落窪》嘅昊日，🫢都係果句，豪門系列中療養院同聖約翰大學真係好神奇嘅地方～

🎭劇本殺22nd──《查理先生的魔法書》 👥️玩家：7位 ⛺️店家：@thetimes.larp 🗣主持：譚總 ／ 份本有啲借鑑《哈利波特》情節同設定，都幾有趣。介紹寫新手進階，而推理上唔難，但係中間嘅機制部分唔吸引，未見任何存在嘅必要性，同劇情冇關聯，係就算直接抽走都唔影響當下劇情同後面流程，連破冰作用都唔係。 ／ 故事尚可，但相較已玩過嘅推理本，則顯得頗為平庸，雖然「魔法」兩字好似幾吸引，但其實故事冇好精彩，感覺後面主角群嘅中二病大爆發令故事結尾更普通，角色組CP都幾突然。 ／ 劇本簡介： 【查理先生的魔法書】 一本魔法書，揭示—段黑暗的歷史。 一封邀請函，開啓—篇驚險的故事。 魔法城堡坐落在梅林大道上，是一座維多利亞式建築。 走進城堡大門，穿過資料屋的暗門，登上旋轉樓梯，經過魔幻展廊、魔法廳堂和魔力酒吧，你會看到神秘宮殿。 城堡建成以後，神秘言殿一直怪事不斷。有時地板會突然發出嘎吱嘎吱的腳步聲，有時牆壁會憑空響起嘩啦嘩啦的風浪聲。 更可怕的是，這裡每天都會死去—位大魔法師….. 城堡即將開業，你們收到邀請。 外界凶險多發，切勿掉以輕心。 請克服困難，準時到來，到了請找斯萊蒂尼教授。 他的旁邊，放著—本查理先生的魔法書。 【推理x歡樂x歐式】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：查爾斯】 ／ 查理係最強魔法師，而查爾斯係佢個囝，史上最年輕嘅魔法大學教授。份本對角色心理描寫主要集中序章，後面更多係周圍走完成劇情嘅每個任務，不過睇得出查爾斯係比較正經、一板一眼，當守夜時大家周圍走，佢會企定定係度，係朱迪叫佢你可以睇下查理點佢先離開；同埋自己叫朱迪唔好偷睇魔法師冥想，但其實佢自己都有興趣偷睇，跟住朱迪返黎嚇到佢勁慌張都符合人設。 ／ 流程設計下，host開頭其實就要用啲魔術道具同掩眼法黎鋪伏筆，黎做成最後嘅預言效果。 ／ 我由開頭逐個角出去淨抽魔法書覺得懷疑，以為host有嘢想講但原來冇，如果純抽籤大可以直接係房攤出7張紙條任抽，我已經覺得魔法之書嘅拿取係被安排同有用意(又受影響，暗暗覺得保羅唔係好人而懷疑過一陣～有身份嘅host都好鬼祟🙈) 冇諗到露娜抽牌、大家抽魔法書就只係為咗帶出預言係成功嘅......我冇覺得驚喜，單純會有種感受：吓！就係咁咋！總算明白前面為咩抽牌... ／ 故事大團圓結局，好有TBB感覺🙈好唔似魔法世界嘅故事，成班主角群後面超厲害咁輾壓式反擊，有種中二感。如果故事係舊世代魔法師有為咗傳承、守衛新生代魔法師而犧牲付出，先令到新世代吸收教訓而變得厲害，感覺個故事可能會吸引我多啲。 但魔法同科技共存嘅想法係幾好嘅～ ／ CP線得序章同結局先有幾行字😂其實冇都冇所謂，好似當食物擺碟果塊葉片咁，有又得冇又得，有定冇都冇影響主食(故事主要)嘅味道。而查爾斯同露娜呢對算知識CP，一個大學教授，一個翻譯兼書店職員，而明星＆科學家果結局聽落得意啲，仲有對係房地產大亨＆議員。 ／ 最關鍵咒語就只係換魂咒同噬魔咒，查理同克里斯換魂，應該就係借鑑聖杯考驗果集中，有個老師被人頂替咗嘅情節，同樣係壞人去頂住好人嘅模樣作壞打算。 開食品工廠嘅威廉就係好似隆巴頓，冇咩記性又跌咗寫重要資訊嘅字條。 冇得施穿牆咒，但可以直接衝過牆嘅設定都係諗起9又4分之3月台。(淨記得威廉話拎皮特去撼牆www我地先發現牆身係可以直接過) 如果睇得多《哈利波特》系列作，會易啲發現各種借鑑地方。

🎭劇本殺20th──《窗邊的女人》 👥️玩家：6位 ⛺️店家：@mazepalace.larp 🗣主持：Yan ／ 眨下眼又20本，仍然喺Maze渡過，今日好幸運併團都遇到班好團友！ 《窗女》係著名新手推理本，諗住玩返啲簡單啲嘅常規推理練下腦力，結果都係盤到傻咗，團友們有超乎想像嘅問題發言，成場氛圍變埋歡樂本，生死關頭我竟然企到最後✌🏻 其實如果細心啲，唔俾發言蒙蔽，應該都唔算難搵到真相，但實在團友啲腦補發言好瘋狂😂 ／ 劇本簡介： 【窗邊的女人】 夜深，我發現一直關注的某個論壇有新消息，本能的好奇讓我打開這個很久沒更新的論壇，卻發現論壇異常活躍。 我看一下月曆，噢！原來已經十年了。 這麼多年，原來世上的人還沒有忘記她...... 【推理x還原x新手】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：囚鴿】 塑料閨蜜，全場唯一真女性😆 ／ 劇本字數唔多，加上Yan向來控時都頗精準，佢話有尾班車，實係舒服回家。 雖然字量唔多，但個個都做過對唔住死者嘅事都係全壞人，所以會互相隱瞞、勾心鬥角，但我私心覺得囚鴿只係自私虛偽，真係冇其他人咁喪心病狂(尤其院長😂)。 如果囚鴿冇調換咗血液標籤，就會面對被院長私下安排被強又被刀嘅殘酷命運，仲要承受個crush係個大變態🫠 ／ 今場學識明兇未必係劇本會講明兇手存在我地之中，要多啲思考人地嘅發言，就好似「 男扮女」嘅套路我就中咗招（性別陷阱我究竟要中幾多次先唔再跳🙉）！但我估中咗窗女只係掩眼法，根本死者一早死咗，不過係盤唔清背後一連串陰謀。 既然估到掩眼法，應該要去推邊個人最需要呢份不在場時間，所以先要去混淆死亡時間，咁就會好容易發現只有一個角色提早離開城市。覆盤先發覺有啲線索係幾明顯嫁！！！ ／ 成場我瘋狂讀錯死者名鄧愛欣變鄧麗欣💀 團友問題發言大集燴，歡樂元素遠超推理🤣 ／ 題外話：Maze門口見到民國豪門驚情系列推理又多咗本，幾期待～不過肯定今年自己冇可能大滿貫...幾開心依家同啲好團友成為熟臉孔～

🎭劇本殺19th──《毛茸茸公寓》 👥️玩家：7位 ⛺️店家：@thetimes.larp 🗣主持：@hei.ching_26 ／ 第一次黎時空，入坑後必定聽過嘅店🌌呢份本有歡樂、有立意、有沉浸、有微恐，仲有好輕嘅推理，動物本令在場嘅水龍頭都喊，雖然我睇落好冷靜，但內心有觸動，個故事係唔錯！ ／ 機制部分可接受，有改良過冇咁耗時，同埋都對應份本嘅立意。 封面望落好溫馨嘅本，小動物冇咁多彎彎繞繞嘅心思，對主人嘅愛甚至超越自身痛苦。真心養寵物前好好衡量能力同狀況，一係就唔養，一係要養就照顧到終老。 ／ 劇本簡介： 【毛茸茸公寓】 很久很久以前，在灌木叢深處，有一座奇怪的公寓。 來往行人匆匆，但極少有人停下腳步駐足，公寓像是被時間遺忘的存在。日月輪換，斗轉星移，不知過多久，突然聽到公寓大門打開。裡面傳來一種像砂礫划過玻璃，沙啞冰冷的聲音。他說：「歡迎回家，我等你好久了」 【情感x歡樂x機制】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：泡泡(1歲公摺耳貓)】 ➡️主人：冇錢又承諾養一世嘅男大學生小杜 ／ 冇諗過動物本係可以微恐玩單搜同環境全黑，但個故事都ok，認識到4月4日除咗係兒童節，仲係世界流浪動物日，支持不棄養動物，以及領養取代購買動物。 ／ 我知自己揀嘅角係摺耳貓，所以都預咗貓咪由出生起就要慢慢承受愈黎愈多嘅痛苦，個主人雖然最後棄養，但念在佢曾經努力慳錢，自己餐餐饅頭黎買營養劑俾我嘅份上，我都唔係唔可以原諒佢，佢係個唔成熟嘅大學生，但未到壞到貼地嘅份上。 黑貓大哥真係對泡泡好好，呢種流浪街頭但會互相扶持嘅小動物故事意外更打動我，但最後美好化嘅虛幻結局中，黑貓大哥只係望望泡泡主人，確信佢今次真係會好好照顧泡泡就默默退場，自己一個返去街頭繼續流浪😭🐈‍⬛ 黑貓大哥由頭到尾都冇名，但佢值得被關愛！ 如果講全場最令人痛心， 狗狗閃電同鸚鵡小不點嘅真事改編故事最痛。／ 小不點主人係好差好差，剪咗雀仔飛羽，困到佢抑鬱日日咬自己啲毛，然後得到靚嘅新雀後就唔要小不點，話俾佢「飛返天空 」掟佢出窗？？？你拎走人地嘅翅膀令佢飛唔起，然後將佢高空掟落街，喺天空下慢慢死去。最慘嘅係如果人類冇好似喺劇本中，切膚感受呢種過痛苦，佢根本唔知覺得自己有幾大惡意。 ／ 今次算係我第3次玩動物本？(河狸爸爸可能只係以動物為角嘅推理本，但我都計動物本)。 任勞任怨嘅公務狗狗，為人類服務大半輩，退役後嘅下場超慘(計埋今次真事改篇，已知兩次退役狗狗慘死嘅真事)。上份本都好啲，至起碼主人係善良嘅，但直接咁講，今次呢份嘅主人全部都壞，棄養嘅理由層出不窮，有啲更加係打住「為你好 」嘅藉口令自己個心安樂啲。 ／ 呢本嘅德牧閃電係退役警犬，最後被棄養流浪街頭，明明冇攻擊過人類，只係搖尾示好，就死喺警槍之下，仲要驚打唔死開足8槍，痴線！而呢件事係真實改編，更覺得人類先係害蟲。 ／ 雖然結局突然轉得美好，個個主人幡然悔悟，但相信係鴉嘅能力，令善良嘅動物放低執念，盡快去天堂，唔好再傻更更等啲垃圾主人。

🎭劇本殺18th──《因困成囚》 👥️玩家：6位 ⛺️店家：@larp.buddy 🗣主持：@starskan ／ 冇玩過前作《因火成煙》，但完全唔影響對呢本嘅理解。《因困成囚》嘅詭計相當精彩，DM有好仔細咁講解每項設定同背景，係確保我地明晒先再放新嘢出黎，所以理解上係冇問題，如果推唔到係關我自己事🤣 第一次玩8小時嘅推理本，故事真係吸引，前面同後面嘅走向各有各精彩。 ／ 劇本簡介： 【因困成囚】 綠藤市王牌節目《蘋果對蘋果》第67期節目收視率爆增，引起了民眾討論熱潮，但也爆發了輿論危機。 這一次第68期節目將以全新的形式呈現，節目場地融入了綠藤市的最新科技，當然也少不了更驚險更刺激的遊戲規則。 參加節目的選手是來自同一家族的六名式神。節目即將開始，他們在節目中將有怎樣的表現，讓我們拭目以待……… 【推理x還原x詭計】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：圓之助】 ／ 初次去呢間店玩本，體驗好好。本身好驚自己會唔會一嚿雲咁唔知發生咩事，因為前一本《死幻》本俾咗好大震撼我，感覺自己未夠班玩硬核，但今次我個腦有啲時間都有郁到，雖然今日因為不愉快私事而個腦offline咗一陣。 ／ 玩到成枱都係文字資料，同時間線有關嘅詭計印象深刻，個彩蛋真係好正好特別。 結局有刀，份本反轉後就由原來嘅倫理大劇變成感動人心嘅故事，好鍾意鶴見嘅故事線，佢嘅特別技能唔係一般嘅預示將來，佢嘅過去同將來注定掉轉，呢條路得佢自己行，佢係第一日愛上一個人嘅時候就知自己注定死亡🥲果張插圖好有feel，佢想奔向愛人嘅時候正係消亡嘅時刻。 ／ 份本有好多技能/規則/場地嘅嘢，而DM嘅舉例解釋真係易明好多，講得好清楚，齋睇劇本嘅文字，個腦就好似要高燒。 一開始推自己身份時，我已經估啱自己係養子身份，結果後來反轉後，真係驗證咗推想🙂‍↕️，而詭計方面都係靠團友破解，我有少少少少少貢獻。 ／ 可惜今日工作方面有好煩心嘅事要我即時回應，然後冇諗過明明訓夠咗先去玩推理長本，結果身體似乎排斥訓夠嘅我，全日都好頭痛， 😮‍💨其實心情極受打擾，好唔開心因為私人嘅事令我冇盡情享受今次嘅本，遇上好店好host、好團友、好本，甚至第一次同書友一齊玩本、呢團係最後可以幸運成團，本身應該好開心。

🎭劇本殺17th──《死者在幻夜中醒來》 👥️玩家：6位 ⛺️店家：@mazepalace.larp 🗣主持：@ksn_larp ／ 挑戰第1份硬核本，密室部分還好，但人物關係還原上真係好難，搭緊車返屋企仲諗緊，然後畫多次關係圖先覺得自己真係明晒先舒服晒😂故事對我黎講普通，即使關係上有特別，詭敍真係令人好易混淆事實，但睇到Kenneth 演繹不枉此行🤭 ／ 劇本簡介： 【死者在幻夜中醒來】 河流上，漂浮著許多載著燭光的紙船，在一片波浪中，搖曳成一片星星點點。這條看不到盡頭的河流，將會流向彼岸。人們相信，如果燭光與船隻一起到達了河流的盡頭，兩個世界的人就可能在幻夜之中再次相見。 可是，扁舟一葉在浪花浮沉，許多紙船都隨著波濤淹沒在了河流之中。燭光熄滅，而折紙船的人，還等待著企盼之人的歸來。 我們曾無數次想要從河流溯洄，只乞求到達那一個虛無縹緲的彼岸。 ——《未見村民間故事》 【硬核X推理x日式】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：小男孩➡️信一➡️御明龍武】 ／ 呢個角色A本登場時係小男孩角色，然後到B本先知係成年人，但仲係有好多對唔上嘅片段，最後覆盤先知角色係有阿茲海默症，所以記憶唔可靠，片段順序同人物認知都有出錯。 你以為叫哥哥就係你親哥哥咩？差啲仲以為搞不倫戀同私生仔劇情？ ／ 佢受父親影響長大後去參軍，但見識戰場殘酷後做咗逃兵，中途收養咗個小男孩，去到未明村避戰，入贅俾女祭司暨村長，導致村外戰火帶入村內，令未明村變成生化研究嘅地方，然後先發生後來嘅獻祭儀式。但就算冇呢個外來者，我都唔覺得未明村嘅御明家同悠山家會有幸福日子,而係被封建傳統綁手綁腳...... ／ 故事人物有佢慘嘅地方，但冇一對嘅情侶感情有打動到我。唔鍾意女人但要傳承香火嘅御明言一對香織用強，會令我覺得佢後來嘅遭遇係還緊自己一部分嘅過錯。 透過結婚時夫妻唔可以對望嘅習俗，而反推到其實有兩對同性情侶假結婚嘅詭計係幾厲害。 ／ 陰陽師系列第二部，登場陰陽師：安倍青月＆山背秋彥😂話說中咗眠咒嘅師兄究竟最後點樣、同埋點解肯幫手搞咁大壇嘅幻夜出黎，對佢有咩好處...... Btw中間有張線索聽到《漓川怪談簿》角色名，😂諗係咪工作室彩蛋，定真係日式常見名稱。

🎭劇本殺16th──《月落窪》 👥️玩家：5位 ⛺️店家：@mazepalace.larp 🗣主持：Yan ／ 非常欣賞Maze同DM繁化加改良劇本嘅用心，有啲位真係改到可以直接用廣東話思維諗，連證據都會一併繁化！ 我嘅豪門驚情系列第3本，每次發現系列小彩蛋都好有趣，雖然呢本民國背景好似冇咁明顯，但係當中嘅詭計真係幾令人震驚🤯 然後又又又抽中兇手本🔪還原真相後發現我揀嘅角又再一次迎黎重大突破😂 今次冇一個角係邊緣角👍🏻扮唔到廢村🙈 聖約翰大學老是常出現，感覺呢個地方栽培咗好多系列角色😆 ／ 劇本簡介： 【月落窪】 數十年前，一塊天降隕石落在古鎮西南的一處茂林裡，衝擊成窪，附近的水流注入後形成湖面。傳說此乃月中蟾宮的司時之石，誤落凡間，因此得名「月落窪」。 之前有一位姓安的學者在月落窪附近修建「時珞莊」，帶家眷來此定居。此後他常往返上海，眼下正擔任著「聖約翰大學」神學院「靈魂存在」課程的臨時老師…… 【進階x還原x豪門】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：易棣】 ／ 由角色名嘅改良已經好有心，我個角色喺大陸原版名字係【吾特】，但就算倒轉用普通話讀，都好難get係“Two”嘅意思，反而改咗做【易棣】，廣東話掉轉讀就係「第二 」，伏筆自然好多，其他角色嘅名字都改得好好，分別對照安老爺實驗中嘅編號。 ／ 最近玩明兇本手氣都係直抽兇手本，呢次係我玩過刀最多人嘅兇手本🔪，仲要冇一個exactly重覆手法：割喉+插心+擲頭+勒頸+落毒，死者五個，兇器四樣，丟棄兇器都好麻煩🙈 因為刀太多人，需要隱瞞嘅事太多，加昊日真係精神病角色，前期反而顯得我喺男生組角色好正常，只係個營營役役嘅平凡人，俾做管家嘅舅父罵又俾狗吠嘅下人，前期冇人懷疑我。 話另兩個男角係度講咩穿梭過去將來係瘋話，明明自己個角勁相信自己穿越到過去，甚至刀咗另一個「自己」，但我時間線好多位都刀人或追緊人黎刀，玩時乾脆當自己冇穿梭過去😂如果唔係完全諗唔到點兜我係另一個時間線做緊咩事冇咁突兀🙃同埋好彩自己討論時沉住氣冇衝出黎向費芙表白😂 ／ 基於早知呢個系列民國背景加本格推理，跳出角色，我作為玩家一開始就唔信果個年代發明到時光機啲高科技，從頭到尾都偏向安老爺係做實驗，安老爺係聖約翰大學神學院教授，又係教埋啲咩「 靈魂存在」課程(呢個人肯定去過孽島😂) 我最初以為實驗同精神病有關，後來有意識到係同行為性格研究有關，但以為係安老爺反覆施加痛苦黎睇我地實驗體會作出嘅行為改變，所以我有一刻以為可能我個角色都有妄想症，佢冇癲到刀咁多人🙃(結果佢只係殺紅眼！) 最後，個詭計真係估唔到，有震驚到😂推土機團友推到有兩個「時珞莊」，然後再推到係做緊對照實驗，我地呢班實驗體全部都係Twins，所以呢份本明明角色名字唔多，但人物關係可以咁複雜，而我個角色所謂刀咗過去嘅另一個自己，其實係素未謀面嘅兄弟🙂‍↔️然後最後刀嘅安老爺甚至係自己親生父親！ 😐易棣係無意間弒父弒兄，第一個刀嘅係自己暗戀十年有多嘅青梅費芙，以前抽嘅兇手本係刀仇人、危害生命嘅人，今次抽嘅兇手本突破新高度，幫自己孤獨終老😐 揀本時，我因為「手腳勤快 」揀【易棣】玩，完全冇諗過原來係另類嘅勤快🫠🔪 ／ 安老爺英文名係Future An覺得有啲好笑！原來當老張罵「可恨的將來」，其實係罵安老爺，但就算係咁都仲對人咁忠心，仲貢獻埋親外甥(易棣Twins)俾安老爺做實驗😑 同埋安老爺明知我冇上大學，又冇學好英文，遺言講英文做咩🤣「鬧特」遺言好鬧心！好難估得中講咩Y.A.N.A=You Are Not Alone！

🎭劇本殺15th──《傀儡的記憶》 👥️玩家：6位 ⛺️店家：@mazepalace.larp 🗣主持：@ksn_larp ／ 係Maze嘅第十本👏🏻第1本同第10本都咁巧合係Kenneth帶嘅豪門驚情系列推理本，好正😂👍🏻一個好主持真係會令你快速入坑劇本殺，每次介紹都講得好清楚，見我地開始思路走得遠，會黎捉返我地親切扶車😆今次冇演繹可惜，幾懷念孽島嘅吉叔。 ／ 我覺得喺有玩《孽島疑雲》後先玩呢個本，有更多彩蛋，尤其我發現自己好巧合咁同某角色係兩份本都有差唔多嘅關聯。 3-4h短本，認真盤線索下，還原故事唔算難，行兇方面亦唔複雜，而豪門系列本嘅特殊回憶機制依然係歡樂位，但係今次設定對兇手黎講隱瞞有一定難度。 ／ 豪門驚情系列嘅推理本雖然有啲位會薄弱，或者有邊緣角情況，但我鍾意佢向來都有嘅民國背景、豪門恩怨、大宅探索、回憶機制呢類多元素，瑕不掩瑜，係幾好玩嘅明兇本系列。 ／ 劇本簡介： 【傀儡的記憶】 在上海城外西北遠郊的山上有一座被人遺忘的老宅，因主人酷愛「法藍」器物被稱作「法藍莊」。十多年前，這裏也曾夜夜歌舞，車馬不絕。老宅的主人多金好客，遇到喜愛的「法藍」器物，無論多高的價格都要買下，據說它的藏品裏，有一對紫禁城御賜的「法藍鴛鴦壺」。 沒想到一場無妄之災悄然降臨，「法藍莊」在一夜之間變得再也無人踏足，一直荒廢至今……如今倒榻的圍牆裏，只留下一座老舊的西洋建築，庭院內的雕塑早已破損，成為獐鼠棲身之所，久疏修理的莊園野草叢生，外牆上遍布野藤。 今天晚上，「法藍莊」外出現了燈光，幾個身影團聚在一起。這時，老宅的正門突然打開，一個女生發出了尖叫…… 【推理x還原x民國】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：安寧】 頂替身份：安寧/易楚安(《申報》記者) 真實身份：吳笑/孟清淮 ／ 今次抽中兇手本，一個失過憶嘅人衝動殺人，再同個唔熟嘅人換身份，好大挑戰，一旦被人盤屋企人身份之類即刻hang機，當其他人講起易楚安媽媽妹妹話題，完全搭唔到嗲，連叫咩名都唔知🤣整體劇情唔錯，還原家族之間當年嘅恩怨情仇亦唔算難。 ／ 🫠我硬係覺得青梅茉莉好熟，然後我終於醒起我玩豪門系列《孽島疑雲》，我果時角色又係痴戀唐小姐，而茉莉就係果位唐小姐，因為我記得都係讀神學院🤣好巧合！果然唐茉莉勁有異性緣，係呢份本已經有我同約克係鍾意佢。係《孽島》嘅角色被拒絕加票投，係《傀儡》嘅角色明明相愛，但照舊被唐小姐票投😂 今次應該同茉莉私聊，話唔定有一線生機🙈

🎭劇本殺14th──《報告道長！有有有有鬼！》 👥️玩家：6位 ⛺️店家：@larp.playlarphk 🗣主持：Gladys ／ 劇情超多花生，由頭食到落尾，超級多奇奇怪怪嘅人同關係😂劇本硬設定都幾正，更加有助推理，行兇動機同手法只要腦洞開得愈大，就愈容易推到🙈 道長啊，原來人比鬼恐怖得多啊！！！😈 推理唔算太難，最後PvP環節，只要團有推土機組合，可以秒完大家去趕尾班車🫡 最後，唔係某啲角色未成年慎選，而係呢份本係未成年慎選！🤫 ／ 【報告道長！有有有有鬼！】 劇本簡介： 「報告道長！」 「何事驚慌？」 「君子國出大事了！死了好多人！」 「莫急。這般事我見慣了。」 「可他們都說是厲鬼索命啊……」 「鬼？這倒讓我想起當年遊歷君子國的一椿舊事。」 「您去過那裡？」 「恰逢田、孫兩家都稱家宅不寧，有親人接連橫死，求我捉『鬼』。」 「您可曾捉到那鬼？」 「我聽了兩邊的說辭，他們各自指認的『鬼』，說得活靈活現。」 「那您……信了？」 「我點了點頭，便告辭了。」 「啊？難道？」 「哪有什麼鬼，不過是人殺人，再編出鬼話諉過於人罷了。」 「後來呢？」 「後來呢，明日講經堂，繼續說。」 【歡樂X推理X新手】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：銘遠🤦🏻‍♂️】 ／ 個個角色組合都好癲，冇個正常，話就話係君子國國民，全部都違失正常道德觀，包括啲提過吓名嘅npc都唔好得去邊🙈偏偏國家最善良最符合君子之名果三個做晒受害者，柳葉、淑潔、靈月全部都好慘，不過靈月係慘中之慘🥲 ／ 中間亂噏捉人頂包，應付道長果幾輪推理都好好笑，然後啲npc推翻證詞嘅不在場證明都一樣好笑，鄭荷花原來冇做稻草人，而係被西門歡升呢變成全新打扮嘅男性情感治療師🤣 ／ 而最癲組合莫過於係汐遙＆聖宇，佢地嘅行兇動機真係不得了，暫時未睇過一個故事係兇手為咗將來殺人而要製作一個受害者誕生，兩個養大佢娶埋佢先再夾埋一齊刀咗佢😱呢對組合會深深留係腦海一段長時間🙃 銘遠＆炎琪最忘恩負義，樊野＆木槿最淫賤不能移，基本上兩家人將「仁義禮智信，孝責護三全 」成日掛嘴邊，但都當口號嗌過就算～ ／ 愈黎愈慣自己反串做男角次次都出事😂吃瓜本真係同團有放得愈開嘅玩家就玩得愈歡樂🤡 第2次去playlarp場，見識到日式主題房，但我鍾意上次間福爾摩斯主題房多啲🤣

劇本殺13th──《十分之一》 👥️玩家：6位 ⛺️店家：@mazepalace.larp 🗣主持：Alie ／ 懸疑氛氛做得唔錯，成個本嘅立意我好欣賞，尤其用事實改編嘅角色故事真係令人幾心酸，就算我係菠蘿頭，後面有啲位我都覺得係會令個心梗一梗嘅感覺，玩家如果有相近嘅立場，我諗受觸動嘅程度會遠大於我。 ／ 出於好奇心，加係Alie推薦，先喺完全唔知個本關於咩嘅情況玩，但個故事我係覺得唔錯，至於係咪多講一個字都劇透，就未必嘅，似早期本嘅宣傳策略🤣(我依家都打咗幾多字)但轉數快嘅玩家的確可能好快憑前段內容就已經洞悉到真相。 ／ 劇本簡介： 【十分之一】 這個本就是沒有簡介！ 因為我說的每一個字都可能會是劇透！ 【歡樂x還原x立意】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：21號➡️李平安老爺爺➡️年老家犬】 ／ 一開始搵身份時，Alie已經要出手扶車，竟然有mirror登場，唔係剩係搵身份都有排搵😂 經過幾次玩本訓練，我愈黎愈適應紅光閱讀😎 ／ 我幾鍾意我嘅角色──金毛尋回犬，李平安爺爺，開頭派嘅號碼係代表自己歲數，21號即係21歲，但換成人類年紀要乘以4，所以差唔多相當於人類嘅84歲。係平安嘅回憶中，然然因為家人全部死於意外，而想跳湖尋死的時候，係平安衝上前拉住佢，令然然覺得自己仲有家人而擺脫陰霾，直到平安年紀大，大小便不能自理，然然會親自照顧，又願意花錢為佢訂製輪椅，見到然然同平安嘅關係真係家人，而唔係主人同寵物咁簡單。 ／ 一旦意識到各自身份唔係貓就係狗，好多奇怪嘅位就會即刻講得通。 肉檔老板根本唔係剩識交保護費嘅怕事之徒，成日俾錢阿虎用，又問佢留唔留低，只係老板愛心爆棚，先會對流浪狗阿虎咁好，其實想收留佢，當我地一大班動物去肉檔，佢甚至主動交出更多「保護費」，呢個npc係好鐵漢柔情🙈 肉檔老板係除咗我主人然然，最令我有印象嘅真•人類角色。 ／ 欣賞Alie講及角色背景時，準備晒相關新聞嘅大字報，大部分都聽過，包括淘寶運送寵物嘅事我都聽過，但唯獨退役軍犬輔助拍攝電影而被導演炸死嘅事，係第一次接觸，亦都令我真係覺得人係幾殘忍，我第一個感受係個導演仲衰過會食狗肉嘅人。 佢拍動物英雄題材，可以用特效或鏡頭效果去拍攝隻狗嘅壯烈犧牲，但佢選擇將隻狗炸死，事後仲要話係佢幫隻狗解脫......我除咗覺得好冇人性之外都冇咩好講。 ／ 對我黎講，因為立意本而知道多咗本身自己唔知嘅事，係幾有得著，雖然自己唔養寵物，但都鍾意去諗人同各種事物之間存在嘅關係。 結局中，作者盡可能都俾個美好結局俾大部分角色，唯有得用真實事例改編嘅魏國正下場凄慘，好心酸，但只要企魏國正角色嘅玩家，應該都係會答應主人所提嘅最後任務。 ／ 份本嘅立意係幾好，俾我地感受到人類對小動物嘅傷害係好大，同時又見到啲善良嘅義工，同埋真心關愛寵物嘅主人，我係諗起果句「可以不愛，但不要傷害」嘅標語，整體算係一個有喜有悲嘅故事。 但會覺得中間機制有改善位，遊戲如果得三個會簡單啲，同埋有啲遊戲其實唔係咁方便玩。但遊戲嘅巧思係唔錯，要對應動物敏銳嘅五感，當中氣味辨識同蒙眼畫圖比較好，玩法簡單又適合大部分玩家。同埋成個本，歡樂感唔算太強，用【歡樂】做重點標籤感覺唔太對，有人覺得後面煽情，但還原真相後知道動物嘅各種困境，自然感受唔舒服，愈真實嘅事有時愈難接受。

🎭劇本殺12th──《我超能推理》 👥️玩家：5位 ⛺️店家：@mazepalace.larp 🗣主持：Gigi ／ 3h短本有唔少歡樂位，前期食好多花生，後期嘅反轉意想不到。 既有密室本格推理，亦有超能力嘅變格推理， 推理有班推土機神隊友幫忙，仲有貼心AI幫手扶車，只默默等候主要角色璀燦登場。 ／ 份本有明顯嘅BL劇情，如果玩家好抗拒嘅話，要直接Skip呢本，就算唔坐有BL線角色，都係會見到聽到相關描述。 ／ 劇本簡介： 【我超能推理】 全家都有超能力，唯獨我沒有！啊啊啊家人們，我好痛，我好苦！ 我化悲憤為靈感，猛猛寫了兩個天謎天解的本格案件，審稿編輯卻說： 「 都什麼年代了，還在抽傳統本格？食大便了，大人，設定系懂嗎？設定系！ 」 舌釘系？啥玩意兒？聽都沒聽過…… 等等，我不是還有親愛的你們嘛！ 大我一百歲的老公，還有八十多歲的爸爸，你們作為超能者，就幫幫我續寫這部失敗的推理小說吧！ 【歡樂×推理x還原】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：同學*黑崎二房🤫老鼠人】 ／ 陰暗陰暗陰暗陰暗陰暗陰暗陰暗陰暗陰暗陰暗 爬行爬行爬行爬行爬行爬行爬行爬行爬行爬行 陰暗陰暗陰暗陰暗陰暗陰暗陰暗陰暗陰暗陰暗 爬行爬行爬行爬行爬行爬行爬行爬行爬行爬行 ／ 話說我係因為感覺呢個角冇咁戀愛腦，又戴住頂帽，有啲似白血球先揀佢😂冇諗到後面有咁大反轉，不過由打開本冇耐見到老鼠人日常，已經知道我個角都唔多正常！ ／ 劇情上開玩笑嘅跨度幾大，文字描述亦有幾多搞笑位，唔接受男同劇情會完全唔啱開呢本。同埋部分食字爛gag唔係個個都明，但今次只係試本，相信店家後面正式推出時會改良文筆同笑點。 ／ 點估到我係果個媽咪【黑崎古川】，能力係返老還男童😂最後璀璨登場係刀晒全場所有人🩸因為誤會老公係gay，以為佢咁多年都呃自己兼出軌老友而自刀跟住覺醒超能力，又因為介意自己未覺醒前嘅樣老過老公好多，最後竟然變咗個細路仔，若干年後就睇住老公同養孫女拍拖🫣我睇到呆咗😳 ／ 我應該算係演繹上比較內歛，冇爆發得好厲害嘅玩家，但好彩其他團友都放得開，前期睇啲男男男戀食花生，食得幾開心🤫成場氛圍都好歡樂，後面完本大家睇返我份本都笑死。

🎭劇本殺11th──《漓川怪談簿》 👥️玩家：7位 ⛺️店家：@mazepalace.larp 🗣主持：@homan.ben ／ 日式精怪設定嘅世界觀幾吸引，有常世同漓世嘅分別，又有妖術同陰陽術嘅存在，所以推理都幾複雜，密室推理都有一定難度🤔 估唔到得到一個有咁獨特視角嘅角色😌Homan真係多謝你！ 精怪們有啲嘅想法係幾可愛，令我聯想到怪獸公司，了解佢地後或者想同精怪和平共處...... ／ 劇本簡介： 【漓川怪談簿】 常世的中心有一片詭異的湖泊。傳說，這裏的水土，不僅滋養了生活在這的百姓，也孕育出了無數怪談故事中的精怪們。它們非人非鬼，是受到常世湖湖水影響而妖異化的產物。 湖泊的中心還有一棟叫做蜃氣樓的建築，像一艘大船，徹徹底底地懸於湖上。漁夫們曾潛入水中檢視，卻找不到任何一根用以支撐的柱子。不管水位因為天氣如何變化，它都始終都會和水面保持著固定的距離。蜃氣樓是平將門大人的居所，他早就下令，禁止任何人的通行。大家都對它感到好奇，卻沒人能夠真的進去。 今天，睜開雙眼後，你們忽然發現自己正身處在這棟神秘的建築裏。平將門大人則慘死在了他緊鎖的房間當中…… 【進階×推理x還原】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：青衣女子*星野瞳子｜｜ 鈎易夫人*奈何 】 無論係人類定精怪嘅身份，都有種借黎嘅身份嘅巧妙，劇本嘅瞳子只係神官嘅副枝，本身應該為繼承家族習俗而死，但就偷咗主枝瞳子嘅身軀繼續生存； 以瞳子作為宿主嘅精怪，明明係奈落，但一直扮演鈎易夫人偷取不同精怪能力為自己所用。 ／ 瞳子嘅悲劇在於被家族習俗所害，但就無奈咁繼續將創傷延伸到自己嘅雙生子身上，明明係深愛丈夫兒子，但所有正面情緒都被奈落吞噬唔能夠再感受到任何快樂，同家人關係愈黎愈疏離淡漠。 ／ 打開份本，已知我係一切兇案兇手？？？ 之前玩過嘅明兇本會知道自己點樣落手，為咩事要落手🙈但今次咩都唔知道，都非常有挑戰性，所以中間幾度懷疑我真係兇手？？！🤣但個本幾幕都反覆提醒我係兇手，唔好自爆，要一齊推理行兇手法🤗 ／ 有人話小女孩似邊緣角，但我玩完覺得其實小女孩都好重要，佢有分享唯一嘅重要訊息🙈係大家聽完都冇為意個訊息原來係好重要。 因為小女孩係唯一一個有去過漓世嘅人類，佢嘅分享係俾人認知到原來可以通過游水去對面世界，一旦認知到呢件事，就有機會推到原來Case 1&2 人類同精怪係互換咗去對面嘅世界。 ／ 雪姬愛上篤敬嘅故事(完全唔關我個角嘅事，純食大囝嘅花生)係幾動人，雖然知道漓川有2，但如果2係1續集，係嘅Bad End if線，咁我鍾意今日Good End呢個結局🙈唔想去if線果邊，至少好結局改變咗時空，令所有家庭都係圓滿，雙子只能活一個嘅習俗唔再存在，所有小孩都健康成長中。 Good End，人類同精怪和平共處最好嘅方式，可能係從來冇接觸渠道，互不打擾。雪姬深情嘅犧牲反而顯得更偉大。 ／ 多謝Homan嘅精湛畫圖，將所有來龍去脈解釋清楚，同派呢個本俾我，令我得到咁有挑戰性嘅推理😂🙂‍↕️去到血掌櫃果邊，我先有種實感原來我真係兇手！前面我仲以為兇手係松尾一郎同雪姬🤐我諗緊究竟我做咗啲咩啊…... 第一次玩雙視角嘅本(人類+精怪)，感覺都好有趣，故事都幾深刻，究竟呢個算明兇定暗兇本😂但好彩劇本上有好明確嘅指引，有講明有啲咩絕對唔可以透露，同幫我預定咗藉口，大大減少咗慌張感，我嘅慌張係到咗血掌櫃果邊先開始掩蓋唔實，做收藏家嘅玩家話feel到我後面緊張，冇點打開過劇本睇🫣 確實，因為血掌櫃果2頁明顯字數多好多，仲有成半頁粗體字，驚俾人唔小心瞄到起疑心，所以乾脆唔點再開本睇，係度係咁睇手機線索卡... ／ 入坑Larp嘅第1本同第11本都拎兇手角😉🩸

🎭劇本殺10th──《青樓》 👥️玩家：7位 ⛺️店家：@mazepalace.larp 🗣主持：Alie ／ 明明今年先入坑，好似眨下眼就十本，但其實仍然係各方面嘅新手🙂第2次玩Alie帶嘅本✌🏻 ／ 玩呢個本，慢熱嘅人需要啲時間進入情境，愈放得開會愈歡樂🙈後期好深刻嘅感受係金錢係力量！😎比起其他情況，我諗我鍾意依家呢團玩出嘅結局！ ／ 劇本簡介： 【青樓】 隋末天下群雄並起，公元617年唐國公於晉陽起兵，憑借一方至寶「混元石」的力量，打敗了高句麗，打敗突厥，安定了吐蕃，並繼續開拓西域，直到中亞，可謂萬國來朝。次年，唐國公稱帝建立大唐王朝，以長安為京師，響名「長安城」。 後來，唐朝也是歌舞盛華之朝。樂文取得了輝煌之成，同時也將女伎們的身價推向了巔峰，青樓之市火爆，歌舞伎成了熱門之業。雖然淪落為青樓女子並不光彩，但依然有很多人選擇這一職業，在這些女子中琴棋書畫兼備的也大有人在。在長安城內，其一等之青樓，玉滿樓，別名「玉月滿花」，此中之女子皆是琴棋書畫兼備。相傳：那都是賣藝不賣身的存在。 【歡樂×機制x陣營】 ======⚠️感受有劇透啊⚠️======= . .. ... .... ..... ...... ....... ........ ......... .......... 【角色：杜霄元】 ／ 歡樂位有趣，不過可能唔好對推理部分太上心會好啲，畢竟個本係機制陣營為主，捉唔捉兇確實唔係最重要，但我鍾意我地呢團攬炒嘅大結局🤣。 ／ 杜霄元劇本設定話係正直，睇唔過眼不公不義嘅事情，所以見到佢係其中一個手染鮮血嘅人真係好愕然。🙈然後係兇手之外，仲要個作案動機超突然，其他人有血海深仇，妒忌或者誤殺都理解佢地作案，本身企杜霄元視角，以為佢對莫將軍做過嘅事感覺最多到埋怨嘅程度，冇諗過佢會咁樣就動殺機，仲要因為殺唔到人，就遷怒將軍二兒子，仲要二兒子係自己嘅好朋友，甚至殺完人後嫁禍俾個文弱書生同另一個女人，個性格同前期描述差異好大，所以角色性格好唔連貫，我就好難唔去諗。 ／ 今次第2次試機制陣營本，一下唔覺意唔記得咗機制要求，當咗自己推兇，做咗啲蠢事，真心好驚成為影響人地體驗嘅bug，好怯，好彩大家各自有啲蝦碌，同唔係太care我果吓失誤。 玩完呢次，發覺自己唔偏好機制陣營本🙈可能因為自己偏內向，要去結盟、同人聯手呢件事唔太適應(或者上一份機制本提過嘅欺瞞、背刺呢類都唔掂)，同埋始終好在意劇情前後嘅邏輯更多於機制玩法。所以《青樓》系列試咗第1本後，同《一點半》一樣都唔諗住開埋後面同個類型加世界觀嘅續本(知道有2同3)。 ／ 第一次玩完本有時間同host傾咁耐計，覺得host真係用愛發電，同本身自己真係要好enjoy劇本殺呢件事，先會一直試更多、準備咁多，背後花咗超級多心思功夫。

🎭劇本殺9th體驗──《誰殺了河狸爸爸？》 👥️玩家：8位 ⛺️店家：@mazepalace.larp 🗣主持：查理 ／ 🤩鍾意故事嘅世界觀，小動物嘅性格特點都好鮮明，而有啲小秘密都幾搞笑。開頭嘅遊戲幾啱熱身，唔會太難，對新手玩家友好。 ／ 明明隻隻動物都咁可愛，但兇案比預期中兇殘，結局亦有意想不到嘅發展。線索連細節都做得好仔細，所有伏筆可以收得返，只能講愈細心嘅動物玩家愈容易洞悉真相。 ／ 😆個本好有趣，主持佢做得幾好，演繹都好有趣，推理時有適當扶車，大家順利推兇。最後主持覆盤講得好清楚，會主動講番好多好得意嘅彩蛋，睇得出佢對份本嘅研究好仔細。 ／ 劇本簡介： 【誰殺了河狸爸爸？】 諾諾妙奇島上住著各式各樣的小動物，大家過著平靜快樂的生活。 獅子警察日常巡邏、NONO到處調皮搗蛋、汪皮西依舊追著兔兔醬、河狸爸爸在酒吧搭訕貓咪老闆娘、小河狸在努力鍛鍊建造堤壩、獨角獸尤尼吃雪條又幸運的再來一支、鱷魚老大帶著小弟到處遊手好閒。 最近島上正在舉行一場大胃王美食大賽，獎品是瑞貝特家族贊助的一對價值連城的超大「夜明珠」，小動物們紛紛報名參賽，希望自己能獲得第一名…… 【新手× 歡樂× 推理】 ======⚠️感受有劇透啊⚠️======= . .. ... .... ..... ...... ....... ........ ......... .......... 【角色：獨角獸尤尼🦄】 ／ 第1次玩非人角色😂冇諗過動物世界會咁精彩，咁多反轉，🙉我都奇怪故事中點解無啦啦有隻獨角獸呢種傳奇生物，明明其他動物都係一般動物，原來個世界竟然有惡魔😈！ ／ 明面嘅緝兇線同暗裡嘅驅魔線，雙線並行，令到劇本字數唔多嘅情況下，都玩到幾多嘢，隻隻動物都有啲秘密唔想人知，所以過程會隱瞞不利事實，令到推兇更有難度，😂但唔關兩條主線嘅花生都一樣幾有趣，貓咪同汪汪嘅秘密係最有記憶點...... 冇諗過汪皮西唔係兵其實只係純愛boy🐶 冇諗過性感貓咪老闆娘竟然咁神秘！🐱 冇諗過獅子🦁同熊貓🐼嘅隱疾咁搞笑！ 冇諗過「 小河狸 」咁慘🦫啊────！ ／ 驅魔儀式要搵冇罪嘅人，當大家正準備揀獅子警長時，得我猶豫獅子破案率低係咪可以揀，好鐘意主持果句回覆「 嗱...無能唔係罪啊！」 ／ 我就快對有身份嘅DM有PTSD😂今次明明已經覺得DM好鬼可疑，甚至都搵到唔少可疑之處，結果都係中招！雖然如此，BadEnding體驗係更加正！ 第1次玩8人本，愈多角故事好似愈精彩，但係相對係討論方面都會要用唔少時間，呢個時候就需要DM幫手扶車☺️👍🏻

🎭劇本殺8th──《皮》 👥️玩家：6位 ⛺️社群：@ffclub.orange 🗣主持：@sylvantse ／ 雖然主持同npc都好新手，有好多位甩，份本亦有錯字，但就故事而言都係精彩，同埋今次靠玩家一齊佈陣成功，係有成功感嘅！ 我仲撞番初本嘅玩家一齊玩🤣雖然有個玩家好唔投入，讀本表現抽離，但整體都玩得開心！ ／ 劇本簡介： 【皮】 👩‍🦰 女人喃喃自語，一襲紅裙，嘴唇與指甲皆塗成鮮紅，腳下綁著紅線，宛如提線木偶。突然，線斷了——她從十樓墜落…… 🏚️ 無法逃離的小區，鬼影重重。以性命獻祭，卻無法平息怨氣。屍臭愈發濃烈，那是死亡的象徵。 🕛 十二點鐘聲響起，今天是七月十四，也是她的頭七。 🥁 咚咚咚咚咚咚——她來了…… 【微恐x推理x還原】 ======⚠️感受有劇透真相啊⚠️======= . .. ... .... ..... ...... ....... ........ ......... .......... 【角色：馮楚芝】 我玩過《紙嫁衣》系列全部，好想講句： 任何中式故事好似真係離唔開五行！ 今次見到金木水火土同十二時辰之類嘅線索，就知道又要佈陣，好彩有位神隊友carry排好，只係需要跟住企，我果然唔夠耐心學道。 今次推理總算有出一分力😂睇得出啲端倪，搵到啲唔對路嘅地方。我鍾意最後嘅結局，同呢場復仇大計嘅謀劃真相，「惡有惡報」係最好嘅結局。 劇本嘅伏筆都易察覺，唔同人早期都有聯想到部分真相，但覆盤後知道彩蛋後會一切通晒。 女鬼npc好靚👻辛苦晒佢匿埋成晚嚇我地，要係側邊細心等我地推進劇情，佢第1次大嗌衝出去有嚇一跳，之後搜證要(扮)攻擊佢都唔忍心，佢最後有份覆盤時把聲都攰到沙咗。 雖然主持同npc都新手，但故事而言相當精彩。今次靠玩家自己思考而順利佈陣，有成功感！估唔到撞番初本玩家玩🤣即使有個別玩家表現抽離，都照玩得開心！呢本對新手算幾友好，文字恐怖程度一般，適合脆皮挑戰。

🎭劇本殺7th──《艾特希爾的挽歌》 👥️玩家：7位 ⛺️店家：@no1larp 🗣主持：@kenneth524013 ／ 必須講！份本嘅背景同故事內容係相當吸引，而唔同角色之間係收藏咗各自嘅秘密，但我只可以知道自己有關嘅事，其實幾希望DM會精選啲精華分享吓，難得個故事幾好，唔好全集中focus係晒機制對決同聲光效果上比較好。 ／ 第一次玩長機制本，呢次經歷會令我以後見到機制兩個字都卻步。可能都真係我唔識玩，但報名前我有強調新手，而admin肯定冇問題我先報，結果受角色特質所限，或我唔識操作，我隻角死咗後，其實後面都冇咩好做，但要坐多接近2個鐘先完到成個故事，好重坐牢感。 然後玩得實在太耐，overrun唔係問題，但一般應該唔會超過宣傳所講時數太多吧？講緊係由7h變10h？ 然後，DM係睇本期間，會㩒遙控試燈光，有啲奇怪，然後佢講嘅內容同份本係有出入，跑團時操作有幾次甩漏，同埋呢間店家嘅燈光令我隻眼唔舒服，左眼後期會瘋狂流淚(偏偏得左眼) ／ 劇本簡介： 【艾特希爾的挽歌】 在艾特希爾大陸流傳著許多巫師的傳說， 有人說他們是千年前巨龍留下的後裔， 有人說他們是從地獄逃出的惡魔， 故事越來越詭異，而廣為流傳的便是這些巫師來自於未知的失落世界， 有一卷上古時代留下的羊皮捲軸...... 天啟200年， 盛極一時的巫師一夜之間覆滅， 艾特希爾再次回到混亂的時代， 但慾望如同漩渦一般， 把所有人的目光再次放到那卷傳說中的羊皮捲軸上， 不計其數的野心家、賞金獵人、王國政客都對這卷羊皮捲軸趨之若鶩， 所有人都知道那古老的羊皮捲軸對他們來說意味著什麼...... 【機制x陣營x跑團】 ======⚠️感受有劇透真相啊⚠️======= . .. ... .... ..... ...... ....... ........ ......... .......... 【角色：凱麗】 第1次玩機制本、陣營本同跑團本，雖然試新題材有趣，但遊玩時間遠超預期，冇諗過最後要用到9.5至10h，真係好癲，可惜呢幾個類型都唔係我喜愛嘅果杯茶，之後未必再試。 ／ 到跑團時，凱麗嘅特色係用生命值換取攻擊力，所以成為最早死嘅角色，雖然仲可以發揮作用，死後變成亡靈跟住CP雷戈進行普攻1次，更甚至俾惡魔角上身借屍還魂，但只係同角色有關，而唔係同玩家有關，後期會變咗睇人玩，所以參與度會幾低。 ／ 不過劇情係唔錯，三大家族嘅勾心鬥角，同埋最後自相殘殺嘅真相都幾深刻，就算最後邊個角色贏咗場機制，其實都係中咗米歇爾呢個大巫師嘅圈套，場上所有角色必定灰飛煙滅。(雖然主持話米歇爾老死？但劇本尾章有講返角色殺嘅只係分身，唔係本人，係序章同尾章出現嘅老人就係米歇爾，我偏向信返劇本文字) ／ 主持應該係相當資深，係店家嘅經驗主持，但感覺好似太耐冇host呢個本，有啲嘢會甩咗，然後為咗補償而俾返角色後補攻擊，機制跑團應該算boardgame感覺，但會俾某啲玩家彈弓手，應承俾玩家們嘅獎勵忘記咗，感受麻麻。 係啱啱開始睇緊本時，突然咩都唔講試燈光，係咁換色。技能卡上嘅字都好難睇得清楚，要打開手機強燈先睇到，場地嘅燈嘅轉色效果有一度令我左眼係咁標淚(唔知點解右眼冇事)。 完本後，主持有分享各角色係跑團時嘅技能特色，但想進一步知道各種劇情秘密，係靠玩家自己交流，主持冇就劇情上有精華覆盤，我到最後都搞唔清楚角色之間的瓜葛同真正身份，有啲失望，比起機制玩法，私心對劇情有更大嘅興趣。

🎭劇本殺6th──《病嬌男孩的精分日記》 👥️玩家：7位 ⛺️店家：@larp.playlarphk 🗣主持：@listen2whatyousaid ／ 初嘗玩恐搜，真係有緊張嘅氛圍，主持好識營造氣氛。劇本文字量唔算多，都睇得輕鬆，由一開始大家都知自己只係一星期某日嘅人格，所以角色之間嘅交流係影響還原嘅程度，劇情上亦真係有幾處細思極恐，推理都有啲挑戰，但主持有適當扶車。 ／ 劇本簡介： 【病嬌男孩的精分日記】 我叫蕭何。 我一生的時間，是別人的七分之一，生命的厚度卻是別人的七倍。因為這具身體裡住著七個「我」。 但別誤會，我們可不像電影裡那些暴戾和不可理喻的分裂人格。為了能更好的同處，我們分別取名星期一至星期日。 事實上，我們也是按照一周 7 天輪流出現，擁有自己獨立的生活。 我們之間從未見過面，便條上的文字是我們溝通的唯一途徑。除此之外，每個人都有一本日記，記錄著自己的小秘密。我們彼此約定，絕對不能偷看其他人的日記。總之，我有七個我，我便擁有了更豐盈的生命和更孤單的生活。 熱鬧是我的， 孤獨也是我的。 【微恐×推理×還原】 ======⚠️感受有劇透真相啊⚠️======= . .. ... .... ..... ...... ....... ........ ......... .......... 【角色：】 (真實身份：蕭荷的潔癖人格──星期三) ／ 星期三就係個負責執屋打掃嘅角色，所以我喺執屋時嘅描述有直覺認知到屋企係有多個人，但係冇任何證據，因為日用品數量冇少。但面對豬頭面具時，原來我誤打誤撞，有講啱寧浩身處嘅地方，不過我果刻係諗緊逃跑時係著返拖鞋先，定好似前一個蕭荷咁拎住拖鞋跑算，而最後我直情唔記得著拖鞋就跑走咗。 ／ 劇本到最後嘅真相幾精彩，會發現前面原來有唔少細節係一直鋪墊緊。我真心覺得寧浩做咁多事情都幾忙吓，佢真係一個「 好」朋友！ ／ 算第2次玩微恐本，劇情有邏輯，角色嘅行動、兇手嘅行兇都合乎返佢地性格，有興趣知後續但都唔急住玩。 我欣賞個海龜湯同故事有密不可分嘅關係，玩《一點半》後，我本身麻麻海龜湯環節，個人會覺得有啲夾硬加落去，但病嬌嘅海龜湯係真係幾重要，想像力強嘅人諗到畫面會心驚。 ／ 主持落力演繹，真係有嚇三跳，尤其係到最後嘅最後，表現都仲係好creepy。 呢間店地點對我黎講真係唔就腳好遠，但初次體驗係幾精彩，有另一間房玩恐搜係興奮嘅🤣 本身就俾larp前輩介紹病嬌系列吸引，想搵地方試試，然後咁啱見到有吉位就拼入黎，拼咗後先再搵返間店嘅地址睇...... 我諗好多主持嘅口頭禪都係話「 你地都推理得幾快啊！好勁啊！」至今玩完有推理元素嘅本，都聽到主持咁講(全部唔同人)，😎我唔再信呢啲甜言蜜語。

🎭劇本殺5th──《古木吟》 👥️玩家：6位 ⛺️店家：@mazepalace.larp 🗣主持：Alie ／ 呢個本感覺係恐怖>推理>情感咁樣推進，包含幾多元素，角色嘅劇本文字量都唔少。 第一次接觸情感本，唔知係關年紀定關性格嘅事，我受觸動嘅程度好淺，固然我對某角色嘅大愛佩服，但總有種好得好唔現實嘅感覺。 我諗我可能係「菠蘿頭 」🍍 ／ 補充： 【古木吟】 羌鎮，地處岷江西岸，有上千年的古文化的美麗小鎮，國家旅遊文化聖地。自古流傳炎帝在此嘗百草，鎮中銀杏皆有靈性的傳說。小鎮至今保有「火舞祭」的儀式，在朗歌坪中燃燒靈木，讓鎮民對銀杏古木的樹靈表示敬畏。 20世紀末，連續3年在火舞祭當天發生了居民舉家失蹤的謎案，火舞祭暫時擱置。數年後，火舞祭的習俗得以恢復，鎮上的春暉中學的六名學生卻在火舞祭當天突然失去意識，醒來後在校舍看到了不可思議的景象…… 【推理× 還原× 情感】 ======感受有劇透真相啊！======= . .. ... .... ..... ...... ....... ........ ......... .......... 【角色：眼鏡女，心事重重的高三學生🙎🏻‍♀️】 (真實身份：林小魚) ／ 係層層推進嘅節奏中，我對最後情感部分感覺還好，個人未能太沉浸於劇情之中，李明昊嘅無私奉獻有啲難以共情，角色嘅人設好到令人難以置信嘅地步。繼《一點半》後，又再度玩上劇情Bad End嘅結局😗 ／ 最後係同生共死嘅情況下，當大家意見唔一致，唔係全部揀返去現實or揀留低陪伴善良嘅李明昊，最後都係一種Bad End嘅感覺，大家都係現實中全死，而且李明昊仲會死不瞑目。 ／ 俾我感覺：大家返現實，係地震後存活落黎，帶住傷痛但堅強生活落去係True End；但如果大家統一選擇永遠留係古木編織嘅銀杏夢之中，同最好嘅朋友繼續享受青春，唔需要面對任何生離死別都係一種Good End，係呢個結局，雖然大家現實係死晒，但至少所有人都係安詳而幸福地死去。 ／ 冇諗過劇本係會連結現實嘅災難──四川大地震，用返現實災難嘅確切日期同時間做線索呢一點，我真係唔太認同，個人覺得冇必要，而透過連結年份2008年，令人記憶呢件事情已經足夠，感覺份劇本「做多」..... 劇中人性真善美嘅一面亦有太用力刻劃嘅感覺，所以有啲位我會覺得唔太自然。 ／ Btw🙈我覺得我個人玩唔到太多恐本嘅一大原因，唔係有畏懼之心，而係因為夜晚剩係拎枝蠟燭睇字有啲辛苦😂我應該有啲夜盲😎

🎭劇本殺4th──《眠夢不老泉》 👥️玩家：6位 ⛺️店家：@mazepalace.larp 🗣主持：@homan.ben ／ 去到第4個本，試玩難度高少少嘅故事！ ／ 第一份三星劇本🤣不愧為進階本，無論殺人定佈置不在場証明嘅手法都好燒腦， 但同時劇情內容都好有深度，多謝主持有介紹返份劇本係根據現實世界中嘅一件重要事情而改編，我覺得呢件事幾重要，科技同人性道德之間嘅關係幾值得令人反思。 ／ 雖然係推理本，但角色之間有好多情感瓜葛，一路玩一路食花生🥜愈後愈多彩蛋。 ／ 主持演技出色，演繹上會留意好多細節，覆盤後會發現佢嘅心思，好有投入感，同場男玩家嘅推理都幾勁，同做兇手嘅新手玩家都好叻。 ／ 補充： 【眠夢不老泉】 有人飲下青春之泉，獲得了永生的秘法，有人提燈照亮黑暗，鮮血卻流向地下。 是誰將膨脹的野心縱飛天際？又是誰將自己獻給亘古長存的思想？ 天衣無縫的不在場証明、眾目睽睽下的死亡事件、不可能的密室，三重謎案揭開這跨越近三十年的恩怨情仇。 【推理× 還原× 進階】 ======感受有劇透啊！======= . .. ... .... ..... ...... ....... ........ ......... .......... 【角色：阿杉🙍🏽‍♀️】 幾鍾意呢個角色，好善良嘅印第安女孩，當時嘅時代環境之下面對歧視，生活困難。可惜佢嘅善良意外為自己家鄉帶黎禍害，爸爸、爺爺都因外人嘅貪婪而間接/直接害死，等咗廿幾年嘅初戀又患癌同為咗保護自己殺人，好慘...... 卑劣嘅人嘅惡係輕易凌駕單純嘅人嘅善之上，因為佢地好容易去諗到有咩可以利用。 ／ 劇本一共有三宗案，橫跨1996到2023年，第一宗案根據1986年克里夫蘭氣球大災難 改編，還原咗好多細節，劇情完整而豐富，我覺得呢件真實嘅災難係幾需要被更多人知道。 ／ 三宗案嘅真兇我都推得準確，雖然後兩宗嘅手法真係好難諗，尤其科學手法同空間利用係我嘅弱點🤣我呢個氫氦不分嘅人，今日後會記得氫氣同甲烷都係極易燃氣體，後者更係易爆。而最後一宗兇案嘅手法真係好複雜...... ／ 雖然係手法上我推錯唔少，但有好多懷疑都幾接近真相，主要係冇諗起如果角色同角色之間牽絆深，會有人打掩護嘅情況發生(明明我第一次做兇手嘅本都係靠人掩護而零票被投...) 線索好多，每條線索都真係有指出某項訊息，如果有細心留意返訊息內容，應該可反推兇手利用咩證據空隙黎講大話。 ／ 玩完加覆盤之後，就會明白「 眠夢 」嘅命名係有意義，雖然話呢份劇本係舊本，但放係依家重視AI嘅社會趨勢下睇，更值得思考反思。 世上冇可能有真正嘅不老不死，同埋一旦為咗追求利益而做錯事，錯事只會不斷延伸，貪婪一旦滋生，只會不斷擴展；科技要進步，要為生活帶黎便利，但係唔可以超出道德倫理，超出咗就會有好多麻煩。

🎭劇本殺3rd體驗──《一點半》 👥️玩家：6位 ⛺️店家：@mazepalace.larp ／ 第一次玩微恐劇本，🙈當中最強烈嘅感受係昏暗環境中真係好難睇到文字，同埋夜晚玩微恐係確實有feel嘅，但同時有啲肚餓。 ／ 呢個本要還原，角色同角色之間都有啲關係，但可惜大家唔主動透露多啲(包括我)，唔係兇殺本其實可以唔駛隱藏資訊，因為唔夠資料好難覆盤，但我都明白個本有好多位令人以為唔講冇咩大影響。其實好多資訊同關係感覺係主持驚我地玩唔到落去，不斷用反問黎推番我地入故事線正軌，所以個劇本變咗好靠主持帶領。 ／ 現場環境係好有氣氛，但就劇情上，我自己有種玩到幾迷茫嘅感受，最後都唔算摸清全貌。而當晚又有冧枱嘅小意外，體驗冇上次咁好🤫 ／ 當晚我烏低身幫手執電子蠟燭期間，張枱突然斷咗一隻腳冧咗，張枱反咗所有嘢跌晒落地下而果時其實我本身係枱下底，係好彩冇整傷，基於唔想影響玩家推進，同埋又唔關主持事，係場地嘅設施有問題，果刻冇特別拎出黎講，但其實心情有啲受影響。 ／ 補充： 【一點半】 都市傳奇組織──「怪談協會」， 誠摯邀請所有寂寞的、孤獨的、怕鬼的你們， 在每月農曆初一，看不見月亮的「朔」日裡， 一起相聚並分享你在這個月內蒐集來的都市怪談故事⋯⋯ 讓我們一起抱團取暖，不再害怕。 【微恐× 還原× 新手】 ======感受有劇透啊！======= . .. ... .... ..... ...... ....... ........ ......... .......... 【角色：姚金銘】 ／ 隨機抽本抽咗呢個角色，成長背景係幾特別，一個為錢做人情婦嘅角色，仲要因為咁而無心間接害死疼愛自己嘅媽媽，幾諷刺。(畢竟如果金銘冇訂血契，媽媽就唔會為咗救佢而同九尾鬥法，亦唔會係親自搵囡救佢嘅路上反而意外俾車撞死，而意外撞死佢嘅車主偏偏係金銘嘅財主王磊，王磊會神不守舍開車撞死人，又因為係老婆知道佢有情婦(金銘)而流產，係狗血嘅大台劇情🙃)金銘仲要咩都唔同媽媽交待嘅情況下，媽媽就主動出手救佢呢個位有啲感人。 ／ 主持好俾貨，本身有做埋npc訓地嘔血，但因為現場太黑，睇唔到佢嘔血果part，結果佢只可以默默抹番啲血，幾可惜。 要跟五行做陣好難(我懷疑我地第2次都排錯，只係主持幫我地推進劇情而冇深究)。儀式失敗之後，知道場上有個角色鬼上身，要推理鬼魂身份果一段，歌謠同前世記憶嘅線索都幾難get，首歌謠嘅語言連普通話都唔係，在場玩家冇人聽得出咩話，全程係靠主持不斷拋提示同阻止我地係咁鑽牛角尖。 ／ 我個人麻麻玩家唔可以靠自己推出大部分劇情嘅感覺，今次劇本話係一粒星新手本，但提供嘅線索都好虛、好散，到啞婆婆果段都係唔get，楊晶晶會夢遊同佢自身發生事情嘅真相都好難聯想到出黎。 見人話玩微恐本會有細思極恐嘅體驗，但我冇喎，我諗冇細思極恐嘅原因，係根據現有證據細思後有啲位真心聯想唔到劇本想講嘅真相。 基於呢次體驗嘅感受，我冇咩興趣玩同系列嘅續集本。

🎭劇本殺2nd體驗──《孽島疑雲》 👥️玩家：5位 ⛺️店家：@mazepalace.larp ／ 玩咗接近5.5hrs，原來真係可以玩超耐，唔係主持人適時介入同推動，可能係會更耐😂新手期有興趣試啲唔同類型同題材嘅本，今次係一個民國豪門系列嘅本格推理本，故事都係幾精彩，我揀嘅角色幾特別，有幾多意料之外。 ／ 喺劇本殺房間之中，原來白板幾重要，係白板上統整完大家嘅角色時間線，先會更容易發現多啲線索。今次成個流程接近明偵風格，有埋「 海砂館」地圖，要傾埋去邊個地方搵線索，有啲位又會上咗鎖，要一步步搵同解。 ／ 當中要用有限嘅銀元，去開所需線索，而銀元係唔會夠俾晒所有線索，注定會有啲線索睇唔到，所以要諗埋邊啲地方重要啲，唔好錯過關鍵事物。每個角色又有自己嘅線索，可以選擇講定唔講出黎，亦容許有角色同角色嘅私聊。 ／ 有懸念嘅背景故事引人入勝，容易引起討論，但同時會令人分咗心忘記主任務處理嘅係搵出真兇，🤔覺得比起動機，下次可能都要留意多啲作案方法先更加有用。 ／ 今次收獲兩票，被人投咗做兇手，計埋我有5個玩家，最後情況就係A揀B，B揀C，C揀D，D同E揀返A😂而我就係A❗️ 😆但我係唯一投中兇手果個✌🏻，雖然推中咗兇手嘅真實身世，但我係將佢嘅行兇方法諗得太複雜，所以將推測表達得有啲奇怪，反而引起人地懷疑，投我果2位都唔係真兇🙈 ／ 第一次黎呢間店，亦係第一次成功拼團， 場地麻雀雖小，五臟俱全， 主持人扮管家吉叔扮得幾似， 次次拎線索都要俾錢(銀元)吉叔😂 投票兇手後，主持人嘅解釋都好有條理同清晰，唔會一黎就話你知揀得啱定錯，而係交待返清楚所有角色同死者背景故事，先再講返命案當日嘅時間線，最後明白晒啲角色所有看似不協調嘅行動嘅真相。 玩完仲有得玩刮刮卡同儲印花🎉 第一次刮就中咗把雨傘，質地幾好😆 ／ 補充： 【豪門系列劇本殺──孽島疑雲】 民國三年，時值清宣統皇帝遜位後，中華改國體為共和，袁世凱就任大總統。在上海以東，有一個孤島名為「孽島」，島中居民依靠渡船往來陸地。島北海邊有一座二層建築。 這裡原本是西洋人的療養院，裝有獨立的發電裝置，後被賀世珍改建成「海砂館」。 島上的居民很少接近「海砂館」，今天突然有許多戴著「面具」的客人乘船探訪孽島，應邀前往一向少有訪客的「海砂館」...... 【豪門系列× 民國× 本格推理】 ======感受有劇透啊！======= . .. ... .... ..... ...... ....... ........ ......... .......... 【角色：阿海🙍🏻‍♂️】 ／ 第一次反串做男角，我差少少又拎兇手劇本，到我揀嘅時候，得番兩男一女角色劇本，我想試下一個有啲神經質嘅角色，諗住唔識點回應嘅時候都易啲兜，所以冇揀最後果個女角本，結果原來果本係兇手本，好彩冇連續體驗兩次兇手本！🤣 ／ 可以試下其他體驗幾好玩，差唔多大部分角色有精神分裂，但其實成個本正常角色本身得一個女角，但就要係故事線中暈咗足足3次，好多時間線都冇得分享，我以為後面會有逆轉，可能扮暈或者有第二個人格行動之類，結果玩到最後發現呢個角色係真暈！難怪果位玩家可以咁快睇晒劇本🙈另外，人格分裂呢個題材幾時都係一個加強推理難度嘅元素🤔 ／ 主持話睇唔出我係第2次玩，算係好快推出連續殺人魔係邊一個嘅事實(前期我就覺得自己角色有啲似替罪羔羊，所以唔覺係自己，而劇本殺嘅數目唔會有巧合，事必有因)，同提出真兇嘅男性本質身份，直接講得出女角只係人格，其實佢身體係男而唔係女，可惜我搞錯嘅係動機同方法，我以為真兇係行緊因愛而恨、借刀殺人呢類套路，結果唔係，真相完全冇咁狗血，係我諗得太複雜。

咁多年睇咗幾廿集明偵， 一直心思思想玩次劇本殺， 但唔知從何入手，而且呢種活動需要一班人玩，自問我冇呢種最少召集6-8人嘅人脈🙉 ／ 結果1月IG自動偵測我腦電波(佢已經唔係偷聽我講嘢咁簡單🤣)，突然推咗個歡迎新手玩嘅微劇本殺post俾我睇，我諗咗諗就試下報名，加埋早鳥優惠，其實價錢好平，自動就有晒開局需要嘅場地、主持、同伴，仲有包飲品。 終於，我玩咗人生第一局劇本殺✌🏻好好玩，成個體驗好正，玩得盡興，多謝月頭報名嘅自己😂 ／ 今次嘅主持雖然第一次帶同設計，但好有心機，佈置場地同整ppt，加深玩家沉浸式體驗嘅感覺，加埋佢自己係社工，所以仲會帶動我地係遊戲之外有更深層次嘅思考同討論。 主持揀嘅呢個劇本《地球流浪者》，真係適合新手挑戰，無論係劇情長度同挑戰性、玩家各自嘅個人任務，新手都跟得上，而且主持會適時引導。 最後，遊戲時間係3.5小時，已包埋開頭讀劇本。 ／ 而且，最重要係同場玩家都好投入，大家會關注到唔同嘅點，今場組合嘅化學反應幾正！ 懷疑因為成場講得太多877TC，我到第2日個腦仲記得呢樣嘢🙂‍↕️ 冇諗過劇本殺大家嘅新手運都係抽到最複雜嘅角色，我係兇手本，睇到「你是兇手 」時，心諗有冇咁易中啊？！同場另外兩個劇本殺初體驗嘅玩家，都係抽到難度系數最高、最容易被人懷疑嘅角色。 ／ 🤭我幾開心，推理中咗劇情當中嘅部份真相，同埋係我禍水東引嘅情況下，冇人投票我係兇手，成功逃過一劫🎉😬希望如果有下次，我唔好再抽中兇手本，好緊張啊！！！！！ ／ 補充： 【輕劇本殺──地球流浪者】 太陽崩壞，地球淪陷。宇宙已無歸處，你仲唔快d登艦?🚀 劇本背景： 人類最後的母艦在星海中被隕石撕碎， 只剩你們這群「地球流浪者」苟延殘喘。 2400年，破敗飛船再度啟航。 船長突然暴斃，屍體躺在艦橋。 地球傳來最後微弱信號——是救贖，還是陷阱？ 在這艘船上，沒有英雄，只有嫌疑人。 每句話都可能是謊言，每個眼神都藏著秘密。 「我們該繼續流浪，還是……在這裡終結一切？」 主打星際絕望 × 人性抉擇 × 完整真相拼圖

🎭劇本殺27th──《花與愛莉絲》 👥️玩家：7位 ⛺️店家：@thetimes.larp 🗣主持：Lung ／ 係時空嘅獨家本，故事情節推進嘅過程到結局都好睇，然而我個人對部分手法上的解釋覺得不大合理。主角群共通之處都係有複雜麻煩嘅原生家庭問題，對角色個性都造成深深影響。 份本還原順利與否亦只睇互相分享同察覺細節嘅情況，團友之間無須隱瞞欺騙。過程都有跡可循，睇點樣聯繫前前後後已知事情，有敏銳嘅團友好早察覺到屬於自己嘅真相，厲害！ ／ 劇本簡介： 【花與愛莉絲】 「 致我們卑微的理想和缺憾的人生。」 貧困的小鎮、死寂的街道、隨處飄飛的廢紙和街角的野貓…… 在日本經濟危機的浪潮下，7名落魄的少年少女就這樣在福島縣一個普通的小鎮長大。 在這裡，沒有溫情和浪漫，有的只是冷冰冰、充滿金屬味的現實：父母酗酒、校園霸凌、失去了希望的未來和空蕩蕩的家。 但某天，兩名漂亮又出眾的女孩突然搬到了鎮上，如同一抹絢麗的陽光，為7名少年少女黑暗的生活照進了一絲溫馨和夢幻。 花和愛莉絲究竟是何許人也？ 【推理x還原x日式】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：星介】 ／ 係精彩嘅還原本，有陌生網友感覺，又係一個大局佈置，不過愛莉絲冇預想有6個人節外生枝搞亂晒計劃。到B本發現主角六人既係弱者，亦係惡人，多咗嘅一人原來真身一早被殺死，留係度嘅只係六人組嘅想像。 最後，愛莉絲在良彥幫助犧牲下報復全員， 花與愛莉絲從此過幸福生活，Happy End?! ／ 睇A本描述時，我一直諗緊愛莉絲係咪ASD，佢係天才無容置疑，但人際交往上情緒冷漠，有種直來直往的感覺，不過後面劇情有見到佢喺感受上嘅其他變化，後記交待佢更多訊息時，見愛莉絲對為佢出頭而被殺嘅宮本有懷念、同佢17歲時曾經為良彥誕下嬰兒，都見到佢柔情嘅一面，前面大部分只會見到佢理性嘅一面。 ／ 憑感覺而言，還原同推理比例似7：3，前大半部分都會係還原，還原小熊事件、主角成班人嘅各自家庭問題、鎮上同K中裡面發生嘅事，同最重要嘅體育館事件，諗起團友「分頭」行動嘅形容，仲係覺得幾好笑🙊 體育館有反轉其實大家都察覺到，知道真相有另一面，而反轉都寫得好。前面一直係惡霸六人組虐待愛莉絲，被精神失常嘅愛莉絲反殺，但最後反轉事實就係學校同家庭飽受折磨嘅弱者主角六人組都因為各自嘅陰暗想法，變成對愛莉絲嘅施虐者，佢地殺惡霸六人組然後屈落愛莉絲身上都唔意外，而當佢地選擇殺埋完全無辜嘅管理員冬彥大叔黎掩飾，佢地完全成為惡人。 ／ 成個故事嘅好多角色都係兼具受害者同加害者兩重身份，就算係花與愛莉絲兩姊妹，本身搞咁多事都係想向惡霸六人組雄也佢地報復殺父之仇，而良彥最後殺主角六人組，亦係為心愛嘅愛莉絲同死去嘅父親冬彥報仇，同埋用私刑亦係知道未成年保護法只係縱容惡人苟活。 幾唏噓嘅一個後記細節，係dm口中交待，就係主角六人組死咗之後，各自嘅原生家庭都唔care只係想傾賠償想要錢。主角六人組嘅成長環境令到佢地嘅陰暗面年復年咁增加，有些人甚至只係因為嫉妒就想愛麗絲死。 星介就係以為愛莉絲殺咗女朋友花而想佢死，佢初戀就已經因為俾惡霸欺凌而自殺死，可能因為咁而當誤以為花係被愛莉絲所殺時，佢只想報復(其實呢個真係難怪星介誤會，本身花同愛莉絲就係刻意營造兩人感情惡劣嘅假象，花後面又扮失蹤黎等復仇大計進行落去)。後面佢成為咗酗酒又欺凌初中生嘅人，完全變成咗佢曾經最討厭嘅人─果個酗酒後家暴佢嘅爸爸。不過，睇後記我諗花都真係對星介有過好感，向愛莉絲提起星介時係覺得佢好好，如果星介知花其實冇死可能命運會改變。 ／ 臨尾會有單密室殺人事件，陽子護士之死似係良彥醫生意料之外嘅事，佢對愛莉絲係真愛嘅話，如果知道主角群對愛莉絲起殺意，應該會將防禦措施做得更好。但我都係疑惑兇手著住件係雪櫃拎出黎嘅外袍(10°C或以下)，係咪真係可以足以避開攝像頭？同埋佢殺完人兼推門嫁禍不成，仲要係門口再整茶杯裝置扮密室，呢段時間人體溫度唔會令件外袍提升？表面溫度高過10°C嘅大物體，會觸發熱感應嘅攝像頭。如果件袍溫度整得太低黎避熱感應加保留時間作案，兇手自己應該會凍傷，咁都係留低好明顯嘅痕跡。 同埋隻狗狗驚陽子，就算兇手著陽子嘅袍，隻狗唔敢吠都可以避走，真係會一覺訓天光訓得咁安穩？狗狗一動係會觸發攝像頭，兇手唔對狗狗落安眠藥驚留低證據，佢睇黎真係好放心隻狗會唔吠唔郁...... 其實，對真相嘅作案手法我係覺得有啲犯駁，但對真兇嘅推論係建基於邊個最有可行性施行呢種作案手法，所以真兇推論係冇問題，唯有當真兇就係咁衝動，諗到就去做，咁啱又事事如佢意咁發展成功殺咗人，只係佢認錯咗想殺嘅對象啫🙈 ／ 😂同埋我覺得兩姊妹借一樣嘅書，然後書上有橡皮擦痕跡係擦對方留言都係唔太合理，寧願話佢地係本書上做筆記算啦...佢地係住同一間屋，有咩重要事想講，係屋企傾就ok，如果坐飯廳驚俾人睇到佢地融洽嘅畫面，喺睡房細細聲講/紙上談兵唔得？ 雖然話係校園佢地唔可以主動同對方交流，但借圖書黎喺學校交流都有難度。首先問題係花還完書之後，愛莉絲都隔一陣去借，如果花有訊息留俾愛莉絲，唔驚呢段真空期俾同學拎黎睇到，同佢地一借就分別借好一陣子幾個星期幾個月咁計，咁點樣算係校園內互傳訊息？🙈明明佢地每晚返緊同一個屋企，關門拉簾就已經交流到，用得著借本書黎留言...... 我欣賞故事係環境對人性做成陰暗面嘅敘述，但硬係有啲手法上嘅解釋其實我接受唔到😂

🎭劇本殺26th──《假如天堂有假期》 👥️玩家：6位 ⛺️店家：@larp.tavern1.13 🗣主持：Joyce ／ 入坑larp以黎，最一言難盡嘅體驗...... 在我角度，認真講份本係伏，但間店配套本身都勁多扣分位，「大而無用」係我嘅感想，我完全唔推薦玩呢個本🤦🏻‍♀️已經唔關係咪菠蘿頭，而係角色嘅選擇同遭遇都好難令人接受，都幾肯定間店係原本直出，冇修改過行為邏輯，無任何繁化精修。 ／ 以為可以準時開始，結果到店齊人做心測用咗20分鐘。間店大伏，啲硬件配套全部唔掂，我打開𨋢門果吓以為自己誤入地盤，唔知以為係未裝潢好就趕開店，難以置信開業接近5年幾。 主持嘅演繹我覺得唔錯，但帶本都表現係需要改進，不過份本問題係更加大，加上我又坐個行為邏輯難以接受嘅老豆角色。 ／ 入坑到依家，呢份本、呢家店我第一次真心會用「差 」字黎評價，客氣唔到。我只可以講得主持唔係咁差，佢嘅演繹我係欣賞，如果佢係新手，我會更包容，但我係唔會再踏入呢度。 即使啲古風裝潢係有落心思，但完完全全冇係任何細節位做好，帶俾顧客嘅體驗真係唔得。 (Btw我玩現代情感本，古風再靚都唔關事，但如果唔提吓呢樣嘢，間店就冇咩可取之處) ／ 開𨋢就見到嘅一大堆工業材料、厠所凌亂地面好多散落石灰塊、廉價嘅內地飲用水牌子、近乎冇墨嘅好幾枝筆、斷斷續續好打擾嘅音響(扭到最細聲又自行變返大聲，唔係恐本係情感本但好多窒聲)、完全冇清潔乾淨仲有上手食物殘渣嘅枱面、有啲團友嘅紀念品手帳係舊嘅有人用過嘅(反映冇人檢查過啲嘢)、份本咁大問題但好似直出冇修改過(冇繁化同得普通話錄音其實唔係最大問題，角色行為先係🙃)...... 正常暑假檔期係啲店嘅旺季，但呢度似唔care有冇生意，由得個大堂咁趕客？ ／ 主持扮老奶奶嘅演繹係幾好，有助令人沉浸，但帶本流程上有改進空間，除非佢係臨時被間店安排帶呢本，咁我會覺得佢做得幾好，但係如果本身負責dm就係佢本人，我最想講手機派心測分角係更方便嘅做法，冇玩家會預料開本嘅時間會先用超過20分鐘時間黎做心測分角，同埋如果唔埋呢個本，就改吓啲流程唔好跟足組手，唔好cue幾個玩家講返又講過嘅事，尤其夜已深大家精神都疲倦時。 至於角色問題，雖然唔建議玩呢個本，但都唔直接劇透，係預防劇透線下面再講多幾句。 ／ 假如呢個本想係行治癒路線，真係好失敗...... ／ 真心有貼錢買難受嘅感覺，每次去新店都帶住好奇，基本上唔介意有下次，唯獨呢間係滿滿嘅失望，係唔敢再有下次。 ／ 劇本簡介： 【假如天堂有假期】 我們總以為自己的愛夠偉大，可以跨越星辰大海，穿越時間空間，其實它脆弱到無法跨越生與死，無法穿越天堂與人間。 世上流傳著一個美麗的傳說，善良的人死去後，會在一隻「小狐狸」的接引下，去上天堂。在那裡，人們會像活著的時候一樣一般，過著更幸福快樂的生活。 倘若在人間的親人對逝者懷有足夠的思念，那麼逝者就可以在除夕的那天，從天堂請假回家，與親人團聚。 我們之間隔得實在太遠，那是書信無法送達的遠方，那是夢也傳不過去的彼方，那是…天堂與人間。 【情感x沉浸x治癒】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：宋偉山】 一個咩都唔講，以為就係為人好嘅大直男角。 童年死爸爸，被媽媽含辛茹苦拉扯長大，娶到個好老婆，佢做警察收入微薄，全家靠老婆做生意辛苦養家先買得起樓 中年死媽媽，然後同老婆一齊睇住一對仔女被人插十幾刀死，然後間屋又燒咗，被老婆憎恨而離婚，但犧牲家庭盡忠職守嘅結果係被市民厭惡網暴，被迫離開認真做大半輩子嘅工作。 即使最後一幕想俾返good end，我都係覺得好搞唔掂。 ／ 我嘅坐角實在有太多問題，佢嘅選擇、經歷、掙扎同結局都有種即使不符人情亦要強按我頭迫我硬食嘅感覺。經歷網暴同後面網民又重新讚美返我果part係最難以接受，尤其個角本身就為咗救廣大市民，白白睇住仔女慘死眼前，都仲要因為猶疑果幾分鐘被人網暴造謠，認真做警察守護人民大半輩，失去一切，但被人民所討厭同恐懼，甚至造謠佢係殺人魔，搞到佢臨近崩潰。有種被精神強暴嘅感覺，所以後面想轉折返受人民讚揚已經好難代入。 ／ 唔同老婆又唔同女兒溝通，係心裡面講有幾愛有咩用。話就話一家之主，經濟上根本係靠老婆，冇好好關心老婆，兼之冷處理問題😐最難理解係明明咁愛女兒，點解唔早早同阿女講明佢有病，自以為是地守護，其實個女中學大病一場根本就係爸爸害慘，佢從來冇交待病源，個女點會識得自我保護、點會注意飲食，同埋剝奪個女嘅夢想，覺得顏料會害個女生病而唔俾佢畫畫，但其實劇本文字描述上，醫生係講「可能」，係爸爸唔知點解就認定咗。 Btw藝術媒介咁多樣，當油畫過敏咪轉畫水彩，角色學識淺薄唔係問題，但直接迫人接受自己果套真係好無言。 ／ 角色描述上寫得最合情理嘅掙扎，就係自己媽媽跌倒要做開顱手術果段，佢最後冇為咗表面嘅孝順令媽媽活著受苦，想媽媽一路好走而簽放棄治療，但因為好痛苦，而需要老婆握住隻手一筆一筆簽名，係我相對較欣賞嘅一幕。 ／ 呢次店舖體驗完全激發我作為天蠍座嘅本我🦂第一次寫後感寫得咁mean👿但其實呢個版本我已經修飾過用詞，同刪咗當下嘅意氣說話😗

🎭劇本殺21st──《陌生網友的使用說明》 👥️玩家：6位 ⛺️店家：@larp.playlarphk 🗣主持：@ms.kelly_larpgirl ／ 第1次玩Kelly帶嘅本，好多larp友推薦嘅主持，真係帶得好好🤗 中間一度大家入晒迷霧，真係好努力扶車😆好盡力咁提示方向，想俾我地自己諗出黎，點知我地掂到個謎底邊即刻放低，走去諗第二樣🤣 ／ 話說玩完《窗女》隔日就玩《陌生網友》，就好似見證時代變遷咁，一樣都係成班網友線上傾兇殺案嘅起始設定，但前者係論壇，後者係線上劇本殺，但兩本有啲詭計嘅諗法係一樣，份本背後都好精彩，固然若論人心黑暗程度，同埋詭計複雜性，絕對係《陌生網友》超正，後者有7小時去建構個故事，科技同網絡活動變得更進步，人嘅惡意展現亦更多變。 ／ 第一次玩建築詭計，可以見到精美模型，同玩吓砌模型😌同斐然扯上關係嘅本好難冇變態，但睇完佢地故事後，對應到佢地做事嘅動機，角色就會好有危險嘅魅力。 份本硬邏輯，每層謎底都係合理會接受到。 ／ 劇本簡介： 【陌生網友的使用說明】 刪前速看！連環殺人魔竟然就是…... 閱讀：10萬+ 點讚：128 （點擊連接可閱讀全文） 12月17日，本市一名熱心網友在平台發短片稱： 殺人魔【文靜】已經是本年第三次被警方傳喚，並且還拍到了【文靜】在警局門口下跪！疑似懺悔自己殺人的所作所為！ 這段影片在社交平台上曝光後，迅速引爆了網友輿論！大家普天同慶，拍手叫好。 據網友評論：「文靜孤僻乖張，且私底下還有虐殺貓狗行為！」 各位熱心網友，對於文靜是兇手這一件事有甚麼看法，歡迎大家在評論區留言討論，希望得到你們的點讚和關注，謝謝大家！ 【推理x還原x現代】 ======⚠️感受有劇透真真真相啊⚠️======= . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... . .. ... .... ..... ...... ....... ........ ......... .......... 【角色：文靜】 (ID：如果我道歉的話)➡️ (天南集團劇本殺：文靜) ／ 建築設計幾正，估唔到自己破解到，學識咗咩係天翼設計😆人物還原上有超大驚喜，🐶陽陽係最好嫁，呢本冇性別詭計，但有物種詭計😛第一次玩到本有多個結局，線上同線下嘅故事都相當精彩，無論反轉前後都好睇！第一次做黑蓮花Big Boss！ 文靜最精彩嘅地方，確係用最乾淨的雙手策劃一切，利用不同嘅人達成自己復仇大計，完全係青出於藍勝於藍，佢雖然由受害者轉化成加害者，但為咗成功加害而扮演受害嘅過程真係好狡猾，我嘅智商坐文靜對唔起佢🙈 ／ 本身只覺得網暴有內幕，冇諗過文靜本靜真係個好厲害嘅角色，佢啲男人們都深愛住佢，但對黑化後嘅文靜黎講，所有人都係佢嘅工具，所以份本先叫【使用說明】。 咁啱我係一個唔食愛情線嘅菠蘿頭，意外有啲切合文靜嘅特性，我對李天南嘅付出同埋犧牲雖然深刻，但又真係冇咩感動，前面推案時我更一度懷疑佢只係靈魂鍾意文靜，話唔定肉體鍾意其他🤣(玩本多咗後腦洞大開) 冇諗過李天南真係咁愛文靜，但比起竹馬君，我唔肯定李天南不可自拔深愛嘅究竟係危險，定真係文靜本靜～ ／ 多元結局裡面，最鍾意係陽陽線嘅所有結局，🐕點解劇本殺啲小狗全部都咁慘🥹有個我覺得最感觸嘅結局係：傅之奕同陽陽都冇晒家人......少年殺咗小狗最後嘅家人，小狗討厭少年，只要見到少年真面目就會怒咬，少年逃命後本來打算遺棄小狗，但最後感到很孤獨，寧願以後在小狗面前穿上厚皮毛cosplay裝，掩飾身份帶走奄奄一息嘅小狗返去一齊生活，彼此依靠。 ／ 文靜黑化之後，我唔覺得佢仲相信愛，林予浩再愛佢，佢都回報唔到，但林予浩同李天南係文靜嘅心裡地位始終唔同，除咗係前者有青梅竹馬嘅情份，更重要係佢一直堅定揀文靜，冇揀過佢弟弟(長年累月被陷害嘅溫朔)，感覺無論係文靜黑化前後，其實林予浩都愛文靜。即使多元結局中可以放棄唔追隨文靜，佢都一定會喺某個角落留意文靜，唔會背叛文靜，所以我明白點解文靜會滅口李天南，但佢唔會去害林予浩。 ／ 夏宇呢位戀屍癖法醫係超有斐然感覺嘅角色，佢嘅存活令到啲角色心理愈長愈歪，做開變態又走去做渣男，令到傅之奕出生，最適合佢嘅下場係文靜將呢位師傅變成佢最愛嘅屍體，咁樣嘅人唔會悔改，就算走去哥倫比亞都話唔定係去黑市買屍體返屋企解剖。 韋拓係個可憐嘅人算係被文靜遷怒，畢竟漠視文靜控訴嘅人有咁多，我諗文靜嬲嘅係韋拓冇漠視到底，唔肯還佢爸爸一個公道，但到佢去跳崖自殺時偏偏又要黎救佢，但救完之後都係冇幫佢，文靜黑化後心理已經扭曲，所以先害到韋拓家破人亡。