事隔兩年多回歸，第2季比第1季精彩度提高甚多，劇情及佈局都刺激很多，遠超第1季。 ／ 其實第1季不差，只是不錯，畢竟韓國前面有《密室大逃脫》、《女高推理班》、《Busted!韓星齊鬥智》各系列等等珠玉在前。怪奇謎案的定位差不多，只是主持人設變成解開謎案的特工們，這邊任務科幻元素重些，和變異體、外星生物等等有關。 ／ 第2季的特工設定更突出，派任務的方式變得更為特別，而且又有新人加入，第2季各方面也有帶來新鮮感。 ／ 又是燃燒經費的一大製作。看得出主持們的解謎及變通能力很高，團體合作也隔著任務難度愈變愈好。 ／ 最喜歡的主持：李龍真，Gabee

韓國版的犯罪現場系列，早過中國版明偵系列，兩者各有千秋，但明顯韓國版沒有太多大環境的約束，題材比較現實，主打本格推理，劇情上也敢寫政治/財閥的黑暗。 第一次看韓版，因為Netflix上了，希望Netflix考慮買之前的季度節目，感覺還挺好看，在推理上考慮了許多細節，而且屍體及環境佈置也挺真實，如：漢江橋謀殺案，明明是廠景，但竟然在廠裡面搭了一條橋，甚至真的有條河在橋下面，嘉賓渡河還要坐小船，真的超級燒錢😂 韓國版製作很認真，但也可能因為太燒錢，明明是亞洲最早製作這類節目的國家，但季數好像只有五季，但中國版的明偵系列已經有十幾季，而每一季的單元案件也蠻多的。 如果喜歡狗血劇情，及異想天開的非本格推理，即殺人方法及現場涉及非現實元素，包括：超能力/時間穿梭/靈魂交換/平行時空/魔法巫術等等，這些中國版明偵會有更多(容易通過大環境審批)，嘉賓之間的互動亦會更多。

黑執事系列嘅2.5D舞台劇感覺都好出色。 幾鍾意古川雄大(執事)X內川蓮生(少爺)呢對演員組合，兩個演技都好出色，前年睇佢地嘅豪華客船篇演出已經覺得好難忘。 - 馬戲團篇嘅故事無論睇幾多次都覺得好悲傷，同埋會為一部分人類果種純粹又自然嘅自私嘅劣根性覺得嘔心。 細個睇漫畫一見到馬戲團Joker角色出場已愛上，點估到故事後勁係咁強，有段時間都無辦法將馬戲團同歡樂連上關係。

第1次睇歌聲魅影， 第1次係戲院睇舞台劇，幾唔錯！ 套劇本身好睇精彩！經典歌好好聽！ 魅影好有魅力，最後同女主角嘅對手戲好感人，兩位演員都好正！ 然後25周年最後謝幕，有初代克莉絲汀同魅影嘅演員登場，初代女演員獻唱之餘，仲有五代魅影合唱，好感動。

本來想打3.5分，但我挺喜歡結局， 最後還是上4分， 相比同樣只圍繞一宗兇案的《The Residence 》, 《Dept Q》9集都主要圍繞一宗懸案， 但論劇集節奏來說有點慢， 而且中間散敘不少刑警自身面對的問題等。 男主和繼子，和男主他那奇怪的租客那部分， 會令我疑惑在劇情而言是否有必要存在。 ／ 敘事風格主要有2條線， 一條刑警，一條被害者， 看到最後只能說被害者真是遭受無妄之災， 她的人格沒有很差， 只能說純粹的惡很可怕。 ／ 雖然海報只有3個角色， 其實Dept Q實際有4人， 中槍後癱瘓的男主前拍檔也是一大助力。 最印象深刻還是男主的敘利亞籍助手一角， 斯斯文文卻會用非常手段應付惡人， 而且看見他用面癱來應對男主的魯莽還挺有趣。 ／ 一開始害男主在內三個警察中槍的槍殺案， 雖然過程中查到眉目，但最後仍沒交待， 顯然編劇想留為伏筆開第2季。

呢間係我唯一積極向人推薦嘅cafe， 因為我真係好驚佢執笠， 幫襯咁多次都未見過佢有一次係7成入座率， 有wifi，有叉電位，凳又好坐， 咖啡同食物又ok，裝修都靚， 冇加一服務同最低消費額， 有書,繪本同動漫雜誌免費閱覽, 係我好鍾意hea嘅地方。 推薦炸豬扒方堡！！！！！(有冇味噌都好食)

9點左右先食晚飯，都仲可以慢慢嗌， 因為驚阻人收工，問定last order時間， 結果對方話有排都未到， 我地先敢入去坐。 呢間第2次食，都係覺得係服務好， 而且開得夜都算係個吸引位。

電影比我預期好睇，但內容計番落黎，似係講中年人50-60歲果班人嘅困局，多過去講移民港人嘅困局，係得黃秋生果條線最對應主題，同解釋到電影名《今天應該很高興》，同埋佢的確係好好戲，佢同李綺虹嘅故事線最能講出移民再努力適應新環境，之後都唔係咁順利，有好多唏噓。 - 我心目嘅故事線排名： 黃秋生＞李綺虹＞蝦頭>譚耀文

睇呢套戲，因為黑木華，佢係我喜歡嘅日本女演員之一。呢套戲都令我了解一啲日本法律制度。 睇日本嘅呢類戲，肯定係每單元都正義同真相必勝收尾，比較好睇係過程查證中，睇到A事對B事所造成的蝴蝶效應。 有些橋段過於俗套，有些對白過於煽情，純為營造氛圍。而且有啲位感覺係受劇情長度所限，刪減同加速咗去處理。 但單元案件中，有些是可以引起思考的。我覺得呢套戲嘅配角演得幾出色，有好幾個明明對白唔多，但眼神神態都好交到戲。 竹野內豐演的角色其實不太討好，亦不太真實，是只能存於影視劇中的正義超人感覺。相比之下，黑木華的人設及心理成長歷程更自然，成為重視兼容人情及法理的法官。 BTW我鐘意劇情冇將男女主最後夾硬變情侶，我真心覺得維持呢種有共同理念，並肩作戰嘅職場夥伴都唔會唔好睇，一男一女做主角嘅劇唔需要下下轉做CP。(雖然套戲當中一度想營做佢地有啲曖昧，好彩編劇收咗手)

預告好睇過正劇，套戲舊年睇， 唔係各大演員演技嘅問題， 係個劇情對我冇咩吸引力，不過不失， 最後單純有種捱埋佢， 即管睇下佢點收科嘅感受。 然後個反派冇咩魅力(指特質唔係指樣) 個反派嘅角色同佢下場設計都係最唔吸引我嘅地方，男主角其實都俾我差唔多嘅感覺。 打開netflix，見到佢又將呢部戲推去我眼前......

澳牛聽得多，亦見人食得多， 今日人生先第1次食😂 今日假日都唔多人，直入坐低， 仲安排我地兩個人坐卡位， 對住幅牆食，I人最愛嘅座位， 而叔叔嬸嬸都有禮貌，但光速上餐係真嘅！ 我食咗個茶餐同加叫個燉奶， 茶餐$58，燉奶$35， 茶餐係供應到夜晚11點，個set都豐富， 炒蛋確實好好食，叉燒通粉都好食， 然後個燉奶都幾唔錯， 埋單$93係貴，但開係貴價地區都明嘅～

椰汁芝麻湯圓 $30 ／ 屋邨小店糖水舖，開咗差唔多有9年我估， 屋邨得佢一間就腳嘅糖水舖， 愈做得耐就覺得品質愈趨普通， 唔會差嘅但冇咩期待感，我唔再雀躍， 有時好想食好味糖水，會專登行遠啲， 只有係心情好差唔想行太遠先食返呢間。

最近為左睇physical先開netflix，當連番外篇都睇咗後，開始搵其他好戲，醒起呢套系列第3集未睇。 3集落黎，最鐘意都係第2集嘅劇情同結局，諷刺度拉滿，又解氣，系列中我心目中排名：2＞3＞1 第3集，我估中咗個兇手，只係冇諗過成個過程真係咁鋒迴路轉，年輕神父因呢單兇案嘅蛻變令人期待，相信佢係一個可信賴又可靠嘅神父。 Btw神探白朗第3集俾我嘅感覺型好多，果然我係個長髮控😂

《體能之巔：歡迎來到蒙古》 係season 3嘅番外篇，韓國隊嘅金東炫同阿莫帝去咗蒙古，連澳大利亞隊嘅Eddie都有係其中一part參與! 蒙古隊隊長係番外篇多咗好多笑容，仲有幽默同可愛嘅一面，佢好熱情好客，仲有原來蒙古隊長係city boy🤣佢有好多好搞笑嘅反應🤭隊長原來係先28歲咋😆 裡面有場射箭嘅小遊戲，見佢地幾個人玩得幾開心，完全係另一種感覺。呢個番外節目嘅剪接都好有綜藝效果，由頭到尾個氛圍都真心好歡樂。 同埋，馬戲團演員選手帶埋佢老婆同囡囡表現果度都好精彩，佢一家人都係專業表現者。佢個樣咁後生靚仔，但原來已經有4個囡，佢太太一樣睇落好後生同powerful，太太嘅表演都好高難度，而太太竟然係25歲時同佢結婚後，先開始成為馬戲演員，佢之前份工甚至係做文職😱 金東炫去返綜藝節目時，我對佢嘅好感又返黎，佢好識帶動現場氣氛。 透過呢個短短嘅節目，見到蒙古好靚嘅風景，同認識蒙古嘅一啲傳統文化，btw感覺蒙古人真係好早就結婚。同埋《體能之巔：亞洲爭霸戰》比我想像中對蒙古黎講係更意義重大，佢地係高興有更多人支持同願意了解佢地嘅國家。 如果想睇好簡單，連vpn都唔駛下載，將netflix語言變番英文，再search"welcome to Mongolia"就係嫁啦，可以開黎睇（當語言係中文你唔會搜尋到呢個節目） btw英文字幕都係一時時，當佢地用英文對話或者說話嘅時候，係冇咗英文字幕(但我會因為聽唔明佢地嘅口音，所以都係用估嘅方式，但唔影響理解成個節目內容)

終於開第3季睇，以下感受不含劇透，雖然IG同thread可能已經講晒賽果😂 ／ 日本隊糸井嘉男真係好正！之前係netflix另一個節目Final Draft，佢已經係我最鍾意嘅選手，佢自己又有實力，亦對自己實力有自信，但唔會因為咁而輕視其他對手，而且又幽默，對後輩嘅態度亦好友善，一個肌肉版嘅暖男大叔feel。 ／ 今季嘅場地佈置同埋比賽設計依然好正，而每個國家俾我感覺都係好認真參賽(雖然google search嘅關鍵詞係造假)。 ／ 雖然澳大利亞開頭好似有啲囂張，但我睇落佢地係真心敬佩強者，而且有個女選手係吊環比賽嘅表現令我好感動，咬緊眼關堅持2個幾鐘痛到喊，但唔想拖累隊友而死頂落去，見到佢地啲拚勁同團隊意識好強。 玩跑酷嘅男選手，靚仔得黎又好有速度！ Btw外國隊參加真人show，係訪談時講嘢嘅tone真係常見果種感覺，😂我唔識點形容。 ／ 印尼隊隊長登場好似超兇狠，又好大隻咁，但我發現佢係正宗嘅我好大隻但其實我好溫柔嘅人 佢好識鼓勵同安慰隊友，最重要係佢面對失敗嘅坦蕩態度都好正！面對對方隊伍故意的激怒策略，同其他隊嘅輕視，佢都係平常心看待，佢會雲淡風輕咁同人地講保持呢種士氣，佢好清楚無論點都係自己隊嘅表現最重要，無論贏輸都係要先要求自己呢邊做得好，好有大將之風！土耳其隊係搶球賽正面迎戰日本隊男選手嘅果位女選手都好有毅力好勁，超級型！ ／ 菲律賓隊有個黑馬選手，係前排球選手，佢初出場時真心覺得佢好搞笑，好有綜藝感，但諗住佢實力普通，但事實係佢超級厲害，頭腦亦轉得好快，同隊友之間合作好好，同所有隊友嘅關係好好，睇人地國家比賽時亦會超級肉緊，我好buy佢呢種投入程度。 ／ 蒙古隊俾我感覺係沉默嘅鷹，佢地實力雄厚，對敵人虎視眈眈，對勝利渴求，佢地會比較少講嘢，但我好鍾意佢地團隊pose拉弓射箭，好正！馬戲團男選手卸妝之後好靚仔，而且比想像中更有毅力，吊環比賽開正佢範疇，表現令人印象深刻！小鬍子都好厲害，佢證明咗身高同力量唔係正比關係。 ／ 菲律賓隊我感覺係知道自己實力唔係最好，但佢地係堅持到底，隊員之間互相鼓勵同接納，佢地嘅士氣係好熱烈，無論係劣勢同優勢時都係咁。 ／ 土耳其隊同韓國隊都強，但唔會係特別引起我關注，或者有某個位、某項表現好觸動嘅隊伍，而我覺得係兩方隊長問題，土耳其女選手嘅一句總結講得好啱，佢地嘅驕傲同自大令佢地由領先變落後。 有啲位係諷刺，當土耳其隊好想人地唔小心失誤，然後自己隊可以贏時，結果反而係自己隊員失誤，所以都係話唔好理人地點樣，應該專注自己先最重要。 ／ 然後韓國作為東道主，同埋頭一二季嘅節目國家，我對韓國隊真係有好多嘢想吐糟(的確係我嘅主觀感覺) 話說有樣嘢我由第2季已經開始，到第3季我更加確認，就係我係討厭金東炫選手(但我唔係討厭佢成個人或者綜藝表現)，即係韓國隊隊長。 金東炫係參加大逃脫同其他綜藝嘅表現都係幾有趣，我都鍾意睇，我一直覺得佢嘅自大驕傲係誇張法嘅綜藝人設，但黎到呢邊真人show體育競技，某程度我會覺得佢真係就係咁樣🤦🏻‍♀️ 我係好討厭佢嘅表現同某啲說話(係連續第2季同第3季我都不期然有咁嘅感覺)，第2季開頭所有選手係獨立參賽都算啦，但去到後面團隊賽佢一做隊長開始真係有反感，更何況第3季佢係做代表韓國嘅隊長。 我好少會有咁嘅感覺，所以我都想搞清楚自己點解會有咁嘅情緒而上網睇埋其他意見。有位網友嘅評價我好認同，呢類節目首先以熱血做賣點，大家係光明正大、又好正氣凜然咁樣參賽想打敗對方，但金東炫係好似會有種為咗贏而想避戰嘅心態，只要唔係對上最強果隊，自己呢邊最好對上最弱果隊先出線就好，而且佢好多時都因輕視而錯判人地嘅實力。 又舉例如果知道對方失誤，自己呢一隊即刻晉級，佢會太常七情上面想人地失敗(雖然其他隊都有呢種情況，但最弊佢真係情緒外露到極嘅果種人，對方語言不通唔代表唔知道囉，所以我完全feel到菲律賓隊係唔鍾意佢)，如果佢係一個隊員我可能感受還好，但佢係要帶領隊員對抗強敵嘅國家隊隊長，咁樣嘅表現好唔得體亦好冇風度。 見網上粉絲有幫手解釋話佢係拳擊選手，習慣單打作戰，加上佢本人都有話過自己係剩識打架嘅人，但我覺得最大問題係佢唔適合做隊長，仲要國家與國家較量呢類真人show節目，有邊個唔想贏，但佢想贏嘅表現令我好冇熱血感，佢如果係做隊員可能我就冇咁討厭。 韓國隊如果要搵隊長，我更想係第2季冠軍阿莫帝黎做，實力唔會比金東炫差，最主要係佢夠沉穩同成熟，亦更識得鼓勵隊友，而且佢本身就更似團隊嘅核心，隊友會話信賴佢，而且團隊賽佢俾嘅意見都好實用，就算處於劣勢時都會鎮定應對。只可惜韓國階級觀念好重要，金東炫只係勝在年紀最大，同因為參演綜藝而知名度最高。 而且，雖然金東炫應該都係冇心，但呢啲真人show真係會被人審視到佢某啲真心，第一，佢俾我一種唔太care任何人嘅感覺，包括自己隊，只係第3季團隊賽，隊員影響自己輸贏時佢先會care，如果隊員輸咗，佢嘅安慰感覺好敷衍(咁都可能係佢真係唔識點做，所以我先話佢唔太啱做隊長)；第二，佢骨子裡好似有種韓國傳統大男人主義，佢有時有啲說話外露咗佢並唔覺得女選手有幾勁嘅真心。有一幕我好唔鍾意，就係澳大利亞女選手咬緊牙關忍痛係吊環賽死頂落去時，佢係訪談一副不可思議咁嘅樣話點解佢咁都可以堅持落去，郁咗咁幾多次都冇跌，點解要用生命撐落去咁，就算佢輸咗都唔影響澳大利亞本晉級blablabla...大佬啊！人地梗係為咗想贏，女選手都有自己自尊，同埋要為國家戰鬥到底嘅決心嫁，同埋人地唔係求晉級就算！ ／ 唔關比賽結果事，我最鍾意嘅隊伍都係蒙古隊！聽講因為蒙古隊實在人氣高企，所以有推番外篇，大家拉大隊去探蒙古隊，遲啲再睇。

泰式船湯河(牛肉片，牛丸，炸豬皮)$78 -有加一收費，實付$86 -料多，對得住價錢，但湯頭普通，唔覺好飲 -lunch set唔包飲品

$37(用咗$5券，實付$32) 鬆餅唔錯！家鄉雞俾太多汁我，KFC奶茶好飲過M記太多！

琪出走記──錦田一日遊🚶🏻‍♀️‍➡️ ／ 行程： 🛖錦上路跳蚤市場＞🎪錦田紅磚屋＞⛺️錦田鄉十年一屆酬恩建醮演戲暨美食嘉年華 ／ 又解鎖新地點！雖然肯定有踏足過屯元天，但對錦上路就真係冇咩記憶點，可能今日真係第一次出錦上路站(雖然我係新界人)！ ／ 第一次行香港嘅跳蚤市場，臨近結業，即使有啲攤檔冇開，但都仲算有幾多嘢睇，咩類型都有啲，手工製品都唔少，而懷舊嘢就更加多！ 市集中間嘅霞姐茶果好受歡迎，真心好食！ 跳蚤市場係我地今日主要嘅消費場所🙈 ／ 係出面望錦田紅磚屋唔會覺得有咩特別，但行入去反而係另一種風景，係有啲歐陸風嘅感覺，呢度有幾多特色小店，同埋唔少店主都好有心機設計門面。Btw紅磚屋係冇結業，1月之後都仲可以過黎行。 ／ 酬恩建醮嘅紙紮藝術品已經全部燒咗作祭祀之用，所以依家係唔睇大戲嘅情況下，你只可以係外邊遠觀竹棚嘅內籠設計係點樣，其實都冇其他嘢欣賞。 美食嘉年華係幾熱鬧，亦真係有好多唔同種類嘅食物，價錢都係合理，抵過年宵食物攤檔，不過真係要預咗好迫好多人，同埋係戶外，要小心中暑，但整體環境都乾淨企理。 ／ 究竟我今日喺錦田買咗咩黎食？ ¤市集霞姐雞屎藤 $10 ¤市集爆炸糖糖蔥餅 $20 ¤市集冰芒果一枝$15 ¤紅磚屋胡椒餅 $20 ¤嘉年華豬油渣碗仔粉 $35 ¤嘉年華臭豆腐一件$15

黑白無雙$32，腐竹白果溝芝麻糊，芝麻糊有啲稀 混醬腸粉$12，價錢算抵，但啲醬私心想重口味多啲

呢間由細食到大，價錢算係好抵，超多學生幫襯，老闆一直都好好人。 我通常食芝士撈面，今次揀加料想揀晒燒賣唔溝其他，然後老細話唔好咁樣加，直接當我係另買咗燒賣，話我嗌加料得4粒，但另買係5粒。 芝撈仍然係好大兜，芝士味亦好夠，燒賣就係正常嘅好食。 P.S.從來唔留意佢叫咩名，慣咗同朋友都係嗌栢麗小食店等，細個俾現金，大個用電子支付先記得係叫法包店，Anyway我一次都冇幫襯過啲包😂