🎮 遊戲推介：<Staffer Case> (《異能緝兇》) ⚜️故事很吸引，兇案亦很多變 ⚜️世界觀及角色設定也很吸引 ⚜️真相未必是你想要的，卻必須接受 ／ 其實我有時真的很想分享故事寫得很好的遊戲，尤其是懸疑解謎類，會覺得更有代入感。之前，讀書會一位書友看了我的感受文後，真的產生興趣並玩完整個遊戲，給予5星評價，令我頗開心，所以我也想偶爾分享一下我很喜歡的遊戲(我的發文頻率太低了🙏🙈) ／ 我當年在steam已全通關這個遊戲，但今天還很喜歡這個故事，以及當中的主要角色，也在等待續集製作😆 ／ 遊戲整體是懸疑解謎故事，設定是1960年代的倫敦，世界有超能力者設定(不只是人，物件都可以)，亦因此有許多罪惡發生，能力者是受到相當嚴厲的控制，但政府同時亦成立一個部門，要能力者去解決由能力者引發的案件。新加入的男主角是沒有任何能力，甚至是在偏遠的鄉鎮被發掘，然後來倫敦這個大城市，加入了這個十分特殊的部門工作。 ／ 我喜歡這款遊戲或者這個故事的原因，是查案的過程中有很多值得令人深思的地方。要維繫一個社會的安穩靠的究竟是甚麼？真相是否真的如此重要？ 所以在一些案件中，你所結束的方式未必等於你已經查出了真相。受害者是否自殺？所緝捕的嫌疑人是否真兇？全部都可導致不同的結果，但當你由始至終找出了真相，又可能發現有更難接受的真相，原來一直以為的人與事都有造假的可能性。男主角由加入、了解到承擔的過程刻劃得十分深刻。 ／ 番外篇的故事是以黑白呈現，畫風雖然不同了，人物塑造沒有整篇般美形及細緻，但我最喜歡篇外篇的單元故事(番外必須最後閱讀)。 ／ 知道真相從來不是一件這般容易消化的事，有些故事細節頗為諷刺。🙈小眾遊戲製作不易，所以有心的作品我都會很想和人分享。 ／ 🎋 #遊戲推介 #遊戲心得 #遊戲分享 #異能緝兇 #StafferCase

有前車之鑑後，第2季無論劇情質素及主持投入的程度也提升不少，喜歡系列作見到一季比一季進步，張鎮導演的加入也很讚，一個創作人的思維雖然跳脫，但他真的很擅長留意到不同細節，在第3案選美大會殺人事件，他的推理及查證真的很優秀(🤣其他案件更多時間是沉浸自己想像中)。 ／ 第2季有作出幾個重大的進步改善，亦奠定了這個系列後面季數的基礎，中國明偵一開始也是參照第2季的模式，所以節目運作得更好： -加入偵探角色 -全員必定有嫌疑及作案動機 -主持們提早預選角色及研讀劇本 ／ 第1季主持們是拍攝當日才閱讀劇本，情況就像玩劇本殺般，第2季給他們更多時間準備後，每個人的演繹都更符合角色本身，被懷疑時的辯解也更流暢。 而且，劇本也安排全員必定有作案動機，令推理較有挑戰性，不像第1季顯然有角色只是湊數用及完全沒嫌疑，第1季連完全不認識死者的一個來送炸雞但剛好發現屍體的外賣員，都讓主持演出，就只是為了提供死亡時間及現場資訊，第2季開始偶爾加入真人npc補充額外資訊，每個角色真的有值得懷疑的地方才較有破解案件後的滿足感。 加入偵探也令查證、審問及討論時，更有方向，不會亂作一團。第2季在案件模式中也加入了一些新驚喜。 朴芝潤作為推理女王的確名不虛傳，但演繹角色時也很有趣，喜歡她作為爵士歌手登場，😂喜歡聽她唱Fly me to the moon；張鎮導演在第2期的活躍度很高，外表嚴肅，但卻很幽默；張東民是喜劇演員，但推理能力很高。這三位後來都成為系列的中堅班底。

第1次10km完賽🏃‍♀️ 2026年3月1日「補天慈善跑 」， 終於出咗第1張跑步嘅成績表😂 ／ 其實啱啱好合格，差少少就會冇成績， 因為大會有限時個半鐘， 回程落毛毛雨時，慶幸自己冇抖太耐， 唔係肯定超時冇成績...... 其實我冇話特別鍾意跑步， 我係運動方面亦非常懶惰🐽 但由中學開始， 每隔一段長時間有嘢諗唔通， 就會落街跑步，可能因為咁， 儘管速度麻麻， 又真係訓練到自己有一定體力做事。 後來睇過一套作品， 大概明白精神痛苦嘅時候， 有時就會想用肉體痛苦黎蓋過精神層面😂 ／ 報名係2025年12月嘅事情， 既鍾意麥兜，亦想搵啲有意義嘅事做吓， 所以本來就同補天嘅連繫多咗。 加上今年年頭嘅渣馬， 見到Kent哥用大約2.5h跑完人生第1個10k， 就覺得好受鼓舞， 下定決心無論之前放棄過幾多次， 今次呢一次至少要跑晒全程， 我嘅目標其實只有完成🙈 ／ 雖然我跑得好慢🐢， 但我想講我應該會有下一次！ 😂不過我會努力試下減啲重量再跑， 今次跑完膝頭痛咗一段時間先恢復到。

男主女主第一集就一齊， 唔係速食愛情，而係清純嘅校園戀愛， 無論係愛情定友情都好睇。 故事節奏明快，有種青春好美好嘅感覺。 覺得男主言行幾似自己， 結果發現我地同一日生日🤣 ／ 有個彩蛋係山田問心儀同學加好友時， 展示嘅QR code係真係可以掃， 大家都可以成為山田好友😂 我係第11724169位好友！

事隔兩年多回歸，第2季比第1季精彩度提高甚多，劇情及佈局都刺激很多，遠超第1季。 ／ 其實第1季不差，只是不錯，畢竟韓國前面有《密室大逃脫》、《女高推理班》、《Busted!韓星齊鬥智》各系列等等珠玉在前。怪奇謎案的定位差不多，只是主持人設變成解開謎案的特工們，這邊任務科幻元素重些，和變異體、外星生物等等有關。 ／ 第2季的特工設定更突出，派任務的方式變得更為特別，而且又有新人加入，第2季各方面也有帶來新鮮感。 ／ 又是燃燒經費的一大製作。看得出主持們的解謎及變通能力很高，團體合作也隔著任務難度愈變愈好。 ／ 最喜歡的主持：李龍真，Gabee

第1次睇歌聲魅影， 第1次係戲院睇舞台劇，幾唔錯！ 套劇本身好睇精彩！經典歌好好聽！ 魅影好有魅力，最後同女主角嘅對手戲好感人，兩位演員都好正！ 然後25周年最後謝幕，有初代克莉絲汀同魅影嘅演員登場，初代女演員獻唱之餘，仲有五代魅影合唱，好感動。

呢間係我唯一積極向人推薦嘅cafe， 因為我真係好驚佢執笠， 幫襯咁多次都未見過佢有一次係7成入座率， 有wifi，有叉電位，凳又好坐， 咖啡同食物又ok，裝修都靚， 冇加一服務同最低消費額， 有書,繪本同動漫雜誌免費閱覽, 係我好鍾意hea嘅地方。 推薦炸豬扒方堡！！！！！(有冇味噌都好食)

《體能之巔：歡迎來到蒙古》 係season 3嘅番外篇，韓國隊嘅金東炫同阿莫帝去咗蒙古，連澳大利亞隊嘅Eddie都有係其中一part參與! 蒙古隊隊長係番外篇多咗好多笑容，仲有幽默同可愛嘅一面，佢好熱情好客，仲有原來蒙古隊長係city boy🤣佢有好多好搞笑嘅反應🤭隊長原來係先28歲咋😆 裡面有場射箭嘅小遊戲，見佢地幾個人玩得幾開心，完全係另一種感覺。呢個番外節目嘅剪接都好有綜藝效果，由頭到尾個氛圍都真心好歡樂。 同埋，馬戲團演員選手帶埋佢老婆同囡囡表現果度都好精彩，佢一家人都係專業表現者。佢個樣咁後生靚仔，但原來已經有4個囡，佢太太一樣睇落好後生同powerful，太太嘅表演都好高難度，而太太竟然係25歲時同佢結婚後，先開始成為馬戲演員，佢之前份工甚至係做文職😱 金東炫去返綜藝節目時，我對佢嘅好感又返黎，佢好識帶動現場氣氛。 透過呢個短短嘅節目，見到蒙古好靚嘅風景，同認識蒙古嘅一啲傳統文化，btw感覺蒙古人真係好早就結婚。同埋《體能之巔：亞洲爭霸戰》比我想像中對蒙古黎講係更意義重大，佢地係高興有更多人支持同願意了解佢地嘅國家。 如果想睇好簡單，連vpn都唔駛下載，將netflix語言變番英文，再search"welcome to Mongolia"就係嫁啦，可以開黎睇（當語言係中文你唔會搜尋到呢個節目） btw英文字幕都係一時時，當佢地用英文對話或者說話嘅時候，係冇咗英文字幕(但我會因為聽唔明佢地嘅口音，所以都係用估嘅方式，但唔影響理解成個節目內容)

終於開第3季睇，以下感受不含劇透，雖然IG同thread可能已經講晒賽果😂 ／ 日本隊糸井嘉男真係好正！之前係netflix另一個節目Final Draft，佢已經係我最鍾意嘅選手，佢自己又有實力，亦對自己實力有自信，但唔會因為咁而輕視其他對手，而且又幽默，對後輩嘅態度亦好友善，一個肌肉版嘅暖男大叔feel。 ／ 今季嘅場地佈置同埋比賽設計依然好正，而每個國家俾我感覺都係好認真參賽(雖然google search嘅關鍵詞係造假)。 ／ 雖然澳大利亞開頭好似有啲囂張，但我睇落佢地係真心敬佩強者，而且有個女選手係吊環比賽嘅表現令我好感動，咬緊眼關堅持2個幾鐘痛到喊，但唔想拖累隊友而死頂落去，見到佢地啲拚勁同團隊意識好強。 玩跑酷嘅男選手，靚仔得黎又好有速度！ Btw外國隊參加真人show，係訪談時講嘢嘅tone真係常見果種感覺，😂我唔識點形容。 ／ 印尼隊隊長登場好似超兇狠，又好大隻咁，但我發現佢係正宗嘅我好大隻但其實我好溫柔嘅人 佢好識鼓勵同安慰隊友，最重要係佢面對失敗嘅坦蕩態度都好正！面對對方隊伍故意的激怒策略，同其他隊嘅輕視，佢都係平常心看待，佢會雲淡風輕咁同人地講保持呢種士氣，佢好清楚無論點都係自己隊嘅表現最重要，無論贏輸都係要先要求自己呢邊做得好，好有大將之風！土耳其隊係搶球賽正面迎戰日本隊男選手嘅果位女選手都好有毅力好勁，超級型！ ／ 泰國隊有個黑馬選手，係前排球選手，佢初出場時真心覺得佢好搞笑，好有綜藝感，但諗住佢實力普通，但事實係佢超級厲害，頭腦亦轉得好快，同隊友之間合作好好，同所有隊友嘅關係好好，睇人地國家比賽時亦會超級肉緊，我好buy佢呢種投入程度。 ／ 蒙古隊俾我感覺係沉默嘅鷹，佢地實力雄厚，對敵人虎視眈眈，對勝利渴求，佢地會比較少講嘢，但我好鍾意佢地團隊pose拉弓射箭，好正！馬戲團男選手卸妝之後好靚仔，而且比想像中更有毅力，吊環比賽開正佢範疇，表現令人印象深刻！小鬍子都好厲害，佢證明咗身高同力量唔係正比關係。 ／ 菲律賓隊我感覺係知道自己實力唔係最好，但佢地係堅持到底，隊員之間互相鼓勵同接納，佢地嘅士氣係好熱烈，無論係劣勢同優勢時都係咁。 ／ 土耳其隊同韓國隊都強，但唔會係特別引起我關注，或者有某個位、某項表現好觸動嘅隊伍，而我覺得係兩方隊長問題，土耳其女選手嘅一句總結講得好啱，佢地嘅驕傲同自大令佢地由領先變落後。 有啲位係諷刺，當土耳其隊好想人地唔小心失誤，然後自己隊可以贏時，結果反而係自己隊員失誤，所以都係話唔好理人地點樣，應該專注自己先最重要。 ／ 然後韓國作為東道主，同埋頭一二季嘅節目國家，我對韓國隊真係有好多嘢想吐糟(的確係我嘅主觀感覺) 話說有樣嘢我由第2季已經開始，到第3季我更加確認，就係我係討厭金東炫選手(但我唔係討厭佢成個人或者綜藝表現)，即係韓國隊隊長。 金東炫係參加大逃脫同其他綜藝嘅表現都係幾有趣，我都鍾意睇，我一直覺得佢嘅自大驕傲係誇張法嘅綜藝人設，但黎到呢邊真人show體育競技，某程度我會覺得佢真係就係咁樣🤦🏻‍♀️ 我係好討厭佢嘅表現同某啲說話(係連續第2季同第3季我都不期然有咁嘅感覺)，第2季開頭所有選手係獨立參賽都算啦，但去到後面團隊賽佢一做隊長開始真係有反感，更何況第3季佢係做代表韓國嘅隊長。 我好少會有咁嘅感覺，所以我都想搞清楚自己點解會有咁嘅情緒而上網睇埋其他意見。有位網友嘅評價我好認同，呢類節目首先以熱血做賣點，大家係光明正大、又好正氣凜然咁樣參賽想打敗對方，但金東炫係好似會有種為咗贏而想避戰嘅心態，只要唔係對上最強果隊，自己呢邊最好對上最弱果隊先出線就好，而且佢好多時都因輕視而錯判人地嘅實力。 又舉例如果知道對方失誤，自己呢一隊即刻晉級，佢會太常七情上面想人地失敗(雖然其他隊都有呢種情況，但最弊佢真係情緒外露到極嘅果種人，對方語言不通唔代表唔知道囉，所以我完全feel到菲律賓隊係唔鍾意佢)，如果佢係一個隊員我可能感受還好，但佢係要帶領隊員對抗強敵嘅國家隊隊長，咁樣嘅表現好唔得體亦好冇風度。 見網上粉絲有幫手解釋話佢係拳擊選手，習慣單打作戰，加上佢本人都有話過自己係剩識打架嘅人，但我覺得最大問題係佢唔適合做隊長，仲要國家與國家較量呢類真人show節目，有邊個唔想贏，但佢想贏嘅表現令我好冇熱血感，佢如果係做隊員可能我就冇咁討厭。 韓國隊如果要搵隊長，我更想係第2季冠軍阿莫帝黎做，實力唔會比金東炫差，最主要係佢夠沉穩同成熟，亦更識得鼓勵隊友，而且佢本身就更似團隊嘅核心，隊友會話信賴佢，而且團隊賽佢俾嘅意見都好實用，就算處於劣勢時都會鎮定應對。只可惜韓國階級觀念好重要，金東炫只係勝在年紀最大，同因為參演綜藝而知名度最高。 而且，雖然金東炫應該都係冇心，但呢啲真人show真係會被人審視到佢某啲真心，第一，佢俾我一種唔太care任何人嘅感覺，包括自己隊，只係第3季團隊賽，隊員影響自己輸贏時佢先會care，如果隊員輸咗，佢嘅安慰感覺好敷衍(咁都可能係佢真係唔識點做，所以我先話佢唔太啱做隊長)；第二，佢骨子裡好似有種韓國傳統大男人主義，佢有時有啲說話外露咗佢並唔覺得女選手有幾勁嘅真心。有一幕我好唔鍾意，就係澳大利亞女選手咬緊牙關忍痛係吊環賽死頂落去時，佢係訪談一副不可思議咁嘅樣話點解佢咁都可以堅持落去，郁咗咁幾多次都冇跌，點解要用生命撐落去咁，就算佢輸咗都唔影響澳大利亞本晉級blablabla...大佬啊！人地梗係為咗想贏，女選手都有自己自尊，同埋要為國家戰鬥到底嘅決心嫁，同埋人地唔係求晉級就算！ ／ 唔關比賽結果事，我最鍾意嘅隊伍都係蒙古隊！聽講因為蒙古隊實在人氣高企，所以有推番外篇，大家拉大隊去探蒙古隊，遲啲再睇。

呢間由細食到大，價錢算係好抵，超多學生幫襯，老闆一直都好好人。 我通常食芝士撈面，今次揀加料想揀晒燒賣唔溝其他，然後老細話唔好咁樣加，直接當我係另買咗燒賣，話我嗌加料得4粒，但另買係5粒。 芝撈仍然係好大兜，芝士味亦好夠，燒賣就係正常嘅好食。 P.S.從來唔留意佢叫咩名，慣咗同朋友都係嗌栢麗小食店等，細個俾現金，大個用電子支付先記得係叫法包店，Anyway我一次都冇幫襯過啲包😂

超級耐冇開壇畫畫，啲顏料盒係封晒塵，順便抹下塵，然後我發現自己有一pack趁特價買咗但未打開過嘅畫筆set*5枝裝，有諗過捐咗佢，但最後都係拆咗，今次拎幾枝黎用下。 - 啲顏料全部仲用得，可喜可賀！ 因為係想送俾朋友嘅畫，所以要畫朋友最鍾意嘅小葵，係網上搵咗張圖片參考，只係想加埋新年元素，因為1月生日，所以加咗串炮仗同隻馬，小葵表情再豐富啲，同埋加多頂皇冠。 - 似就唔似嫁啦，我低估咗小葵頭髮應該要有嘅澎湃感?但啲顏色算盡量有溝番出黎，好耐冇自己手動溝過肉色，以前畫marker買過十幾枝膚色系嘅筆基本揀啱就得。 - 畫塑膠最好嘅地方係畫完將隻碟掉埋一邊，時間到就去搣乾涸咗嘅顏料，搣唔乾淨都冇所謂，反正佢冇辦法溝落下一次嘅顏色入面，乾咗就乾咗，其實做人都應該要係咁，舊事的確係抹唔走，最多咪又係丟淡，所有發生過嘅事係塑造緊依家嘅自己，但可以唔俾舊事去影響自己，點都係要繼續向前望。

琪出走記──中上環一日遊🚶🏻‍♀️‍➡️ ／ 行程： 🏮文武廟＞🩺香港醫學博物館＞📺香港新聞博覽館＞🏛大館＞☕️On The Hill Coffee Bar(大館監獄內)＞🛒中環街市＞🍣壽司郎(上環店) ／ 講真雖然係香港生活都接近30年，其實有超多地方都未踏足過(sor其實係我太宅)，尤其港島一帶對我黎講就更加遠，所以都要多謝朋友提議，我先可以幫我腦海裡果幅香港地圖解鎖新地點，今日行程嘅所有地方都係初訪，所以好新鮮，而且同行嘅人都鍾意行博物館實在太好啦！大家會一齊認真睇晒各種展品，玩埋各種體驗遊戲，拎埋免費紀念品，然後又再掉錢加買紀念品！ ／ 醫學博物館固之然吸引，我地行咗2個鐘以上🤣天花同鼠疫呢類同當代民生息息相關嘅展覽係幾好睇，可以得到好多資訊，然後不禁感嘆好多醫學人真心係天才加通才！雖然冇買到器官公仔，但都入手得意嘅紀念品。 ／ 但香港新聞博覽館都好好行，而且係免費入場，佢就喺醫學博物館附近，都係可以順路行埋！本身佢唔係我地計劃之內，但經過就有種好奇心八掛下，裡面涵蓋咗報紙、電視、電台嘅新聞發展，而且有好多珍貴嘅訪問同直播影片，唔同年代新聞從業者嘅一手分享都幾有趣，我真心覺得呢度係可以睇到香港係有過新聞自由嘅證明，亦有好多資料提過政府曾經點樣影響新聞上嘅一啲運作，而當年嘅人係點樣堅持落黎。依家呢個館係自負盈虧，入面嘅職員全部都好好人，呢個館真心值得一去！ ／ 大館已經紅咗好耐，但今日先初次踏足，好大，大到唔知由邊度行起嘅感覺，由於前面行兩個館用咗唔少時間，所以大館嘅展覽應該只係睇咗一半(我估?)🙈前面一直掛住睇展，我係行到去大館先食全日第一餐，間On The Hill Coffee Bar係喺大館E庫監獄裡，我食嘅煙三文魚牛油果醬法包加杯dirty嘅set係幾好味，雖然法包確實幾硬🤣個set盛惠$108，同埋可以坐係古蹟裡面食都幾好。 ／ 中環街市係到夜晚先行，但都仲有唔少店舖逛下，睇下各種香港特色手信，而且終於係手機熄機前租到power bank，跟住去埋附近食埋2026年第一餐壽司郎，結束今日豐富嘅一日😆(雖然我返到屋企樓下，都係忍唔住散多陣步，行多3km左右先返屋企～)

一日一手工，心理更健康😂 至少對我有用✌🏻

保住試試心態隨手買，點知個馬豆糕真係好出色！ 有好多款，泰奶糕都ok，但馬豆糕更好味， 呢兩款都係$7/件，買咗$14。

$60 Overall又幾好食，撈酸粉果汁幾開胃，而且汁另上，可以自己慢慢加就唔驚辣，好唔鍾意download餐廳會員app，因為唔鍾意手機咁多app，但奈何會員app優惠同折扣都比較多 ========== $49 ［譚仔app限定］三酸撈薯粉(配單骨雞翼、滷牛𦟌、炸魚蛋) +$11 凍奶茶 +$0 土匪雞翼3隻(App新會員優惠券)

我睇過嘅BL作品唔算多，但真係好想佢地得到幸福嘅BL CP係《昨日的美食》史郎同賢二。 啱啱睇晒日劇第二季，日劇係將漫畫昇華咗， 始終呢套係BL+美食+治癒番， 有真實美食睇就更吸引，但日劇係完全還原漫畫， 只係篩選左同主角更相關嘅劇情內容黎做， 選角亦相當出色，真係超級靚仔嘅大叔❤️ 兩位本身都係日本著名演員， 演賢二的演員我認出以前演過坂本龍馬啊， 賢二係一個顯性gay，所以愛好同舉止都比較有少女心，但演出過豪邁龍馬演員嘅係呢套日劇演出好自然。 BTW史郎係一個隱性gay，即係盡可能唔想顯現自己係gay，但只要賢二開心，佢都慢慢睇開左，甚至不自覺咁係外人面前承認左自己有男朋友。 由第一季睇到SP，睇埋電影，睇埋漫畫，直到睇到今年第二季，中年嘅BL愛情都一樣好美好，日常生活中放閃，睇住佢地點為雙方將來生活著想，佢地嘅所有計劃都有對方存在。 P.S.其他配角嘅劇情都寫得好好，雖然我剩係focus係史郎同賢二身上🩷 日劇完了後仍想碎碎念～ 超級溫暖，我會放入我的十大電視劇中🤣 西俊桑和內野桑真的很帥🤣🥰 由他們飾演賢二和史郎真的太棒了🤭 根據第一季第一集及漫畫第一話內容， 賢二是攻而史郎是受， 但在生活中賢二和史郎都是彼此的伴侶， 不可簡單劃分家長眼中所謂夫或妻的身份。 他們工作後一起分擔家事， 雖然史郎是經常負責煮飯的那位， （賢二是7，8時下班的美髮師，史郎是6時下班的律師） 但當史郎沒空時，賢二也會主動去煮飯， 史郎追求實務，但賢二有少女心想享受儀式， 史郎會配合賢二，但賢二也會尊重史郎。 雖然史郎父母始終無法再次正面面對賢二， 但還是事事想到賢二， 而且明白兒子性取向後，也認定賢二是兒子的伴侶。 賢二從來不是史郎的理想型，但卻是最關心最適合史郎。 史郎的前男友找了及川桑演出，真的符合帥氣但超酷的前男友身份。 以往戀愛中，史郎都是單方面犧牲及付出，只有在和賢二的關係中是彼此付出，所以二人才走得最久，在漫畫中二人關係已持續十五年了。 史郎心裡提過如果死時想起賢二，最深刻的畫面便是賢二會為自己不小心用了食材道歉，然後主動衝去超市買回來的背影。 其實只是日常的一個片段，卻反映了賢二內心一定是把史郎放第一位，而且重視史郎的感受。 P.S.第二季賢二要變成金毛頭，起初很不習慣，但是之後卻覺得果然很適合他，也多得內野桑與賢二形象相襯的關係～

《陰陽鍋2同心劫》 比起1最大嘅進步， 係美術同恐怖方面大進步， Jump scare係真係可以嚇一跳。 劇情上係1嘅續集，比起1劇情好睇咗，亦可以見番1嘅男主角。 係荒宅同詭巷同民宿探險果幾章係最特別。 但結局係1同2嘅男主角都走去開火鍋店…… 反派張子川雖然有份害2嘅男女主，但本身都係被人害先，最後結局卻落得瘋癲下場，好慘。 陰陽鍋嘅源起係2得到講解，係幾合理。

繼《紙嫁衣》系列後， 意外玩到一個幾好玩嘅免費解謎古風手遊---《長生祭》。 雖然玩過好幾次古風解謎，但每次見到五行八掛同乾坤呢類解謎題目仍然都係好痛苦， 我依然係唔記全部12個時辰嘅名，但好有趣會意外記得無謂資訊，例如子時又叫‘’人定‘’，因為係人應該停止所有活動去休息嘅時辰。 通常比較鐘意嘅係有解字謎嘅部份，通常都會幾有趣。 “霸王自刎”係“翠”，因為項羽卒。每次有“長生”主題嘅故事， 秦始皇嘅名都會出現， 比起焚書坑儒，我個人覺得求長生係佢為帝最大污點，始終其他惡行依家睇番會覺得係佢要掌控權力嘅決定，但求長生就真係一啲都唔明智嘅決定。 單以解謎難度而言，《長生祭》比紙嫁衣系列其實算簡單好多，雖然CG同音樂會遜色一些，但係《長生祭》係完全唔同嘅故事，完全唔需要好似紙嫁衣系列一定要扯上愛情元素，係真正設定古代發生嘅查案故事，主角係大理寺正，估計係參考唐朝歷史設計，劇情係滿分。 ========= 《長生祭》個人後感記錄嘅post 劇情大爆雷💥 ================= 故事設定係黨爭激烈嘅朝代，右相權力隻手遮天。 一開始故事就交待，十幾年前劉家因為得罪右相，被右相手下林朝宗害得含冤滿門抄家慘死，劉家獨子劉景松就因為有書僮頂替而逃過一死，但自此下落不明。 結果就因為呢個開頭設定， 我由第1章已經覺得男主角大理寺正裴思遠就係僥倖不死嘅劉家獨子，結果呢個推測係第5章得到證實。 而當初有份害慘劉家嘅林朝宗退休回鄉養老但滿門慘死，所以真正查案係由呢度開始。 成個故事有5章，除左第4章設定因為查案期間意外中迷幻香而見到鬼影，有幾次jump scare，但程度還好，可能比紙嫁衣養大胃口。 故事劇情持續有反轉，唔到最後一刻唔知全部真相。 林朝宗係右相黨羽，在朝期間做太多壞事本來樹敵無數，以為他係死於敵人手上，結果原來一切係右相設計，同狗死兔烹一樣，因為知悉右相太多秘密，所以右相先要滅佢滿門。 而被右相利用做殺人棋子嘅係劉家當年小書僮，因為不甘心冒名頂替而死，乾脆投奔右相，長大後成為林朝宗退休後其家鄉的縣令，一直監視他並恃機殺死他。最後服下長生藥，卻不知長生藥研究根本冇成功，所謂長生藥只係毒藥，最後都係中毒而死。 執著於為父報仇嘅杜仲，錯過咗主角之前叫佢遠離一切嘅機會，最後同仇人葬身於同一地方。 故事看似惡人自有報應，但不是happy ending，男主角自知係右相當權之下根本無法為劉家洗冤，所以先話世間無劉景松，因為係含冤情況之下一生定當用假名生活，故事始終係帶有悲傷。

解謎手遊《阿姐鼓》後感😶‍🌫️ 總共6關，第1至4關還好，5至6關難到不得了。 全線配音出色，除了第1關jump scare同第2關開棺會覺得驚，其他關是集中解謎。 女生的繪圖畫得挺精緻，阿姐白晴很好看。 白雪是一個喜歡吐糟的女孩，偶有小笑點。 故事大概就是白雪(我)是去城裡讀書的女孩， 知道親姐白晴被村裡人迫成為獻祭少女， 便趕回去救姐姐，然後揭開安樂村鼓仙少女獻祭之謎。 白雪中途遇到(一看便感覺很古怪)前獻祭少女桑然幫忙，畢竟桑然已經消失了十數年。 雖然白雪也有感到奇怪，但因為沒辦法就跟著她找藥方拯救姐姐。 到熬好藥給姐姐喝時，村長跳出來指出桑然是木偶， 女主在劇情中很信任村長🤦🏻‍♀️但我直覺村長也不是好人。 最後真相就是有一個木偶偃師妻兒過世，為了復活妻兒，及保持自己長青，趁旱災時扮成鼓仙廟來的祭司(廟裡的高僧顧著閉關修煉多年不知)，哄騙沒怎麼讀書的村民提獻祭少女，以得到青春肉體的皮骨，最後更看上了女主的親姐作為妻子轉生的容器。 整個故事的設定及真相沒有不好的地方，但就是非常常見那一種，沒有什麼驚訝之處，迷信/獻祭/人偶這些元素是在解謎手遊中常見。 唯一令我意外及欣賞，故事最後算是bad ending，因為一般都會good ending或是normal ending的感覺，女主成功向村民揭發真相，姐姐也醒過來，祭司服毒自盡是表面真相；最後一刻女主都不知道自己被村長利用，村長才是那位真正的偃師，而她的姐姐雖然醒過來，但裡面的魂魄其實是偃師死去的妻子。 另外喜歡一個細節是，工具每個介紹都有小心思，值得點開來看看。 見到續作《阿姐鼓2》都評分高，等過多一排先睇下後續發展。

《黑暗筆錄》後感🙈 呢個係紙嫁衣遊戲製作組開創嘅新遊戲， 冇諗過佢地做開中式恐怖，會直接挑戰西式恐怖， 主角同背景設計都係外國風，甚至有得揀英文配音， 同紙嫁衣系列一樣仍然係以邪教害人為核心訊息， 但《黑暗筆錄》係以惡魔為主題， 而且恐怖創意上比最近嫁衣系列更勝一籌， 故事創意,劇情高潮都好睇，結局反轉係真係驚喜， 故事橫跨幾十年，男女透過筆記溝通， 互相幫助，解決雙方各自遇到嘅奇怪事情。 最後到彩蛋發現女主角身份就係被男主角所救後長大咗嘅格溫妮絲。 哥哥山姆無論生前死後，都一直好好保護妹妹格溫妮，知道後面劇情後，如果再玩返前面章節就唔會驚。 格溫妮絲小時候嘅竹馬托比剩係筆記資料上出現，但到結局彩蛋有出聲，應該都係製作組所留嘅伏筆，我諗製作組應該係想發展成旗下嘅新系列遊戲，畢竟紙嫁衣系列劇情開始有啲局限。